أسـبـاب ماهـيـض غـرامـي وهـاجــه
صـبـح الثـلاثـا والخـلايـق يـدوجــون
مريـت ظـبـي يشـتـري لــه احـواجـه
عـلـيـه نــــاس واقـفـيــن يـضـولــون
نشـدت وش هالضـول فـالـوا تـواجـه
وايـق تشـوف بعينـك الـلـي يشـوفـون
ان كان مالك في هوى البيض حاجـه
اضـرب طريقـك خـل فاتـن ومفـتـون
بـغـيـت اسـيــر وحيـرتـنـي لـجـاجــه
نفـسـي تـوديـنـي مـواثـيـم واشـطــون
وجـدك عـلـى مــالا تنـوشـه سمـاجـه
مايشتهـي الفتنـه فتـى كـود مشـطـون
قـمـت أتهـايـق لـيـن مـثـل الـسـراجـه
ظبي احجاجه باحمر المـوت مقـرون
يـبـرم عليـهـم فــي طبـوعـه غنـاجـه
يحـيـون مــن غنـجـه ومــر يمـوتـون
حكيـه افروضـات تقـل مـن احجاجـه
قــــوس يــجــر وقـيـنـتـيـن يــدقـــون
مـابـه مــن المنـقـود كـــود الـعـلاجـه
الا العـيـون الـيـا سـطـوا مــا يعـفـون
قلـب جرحـتـه ابتـصـر فــي عـلاجـه
أكيـد مـن طيـبـك جـروحـه يطيـبـون
كــان التمخـطـر والتـعـب والـدواجـه
تـحـوز منـهـا فالـبـدو عيشـهـم هــون
تـلـبـس مـلابـيـس الـبـهـا والـبـهـاجـه
وعـن الوساخـة مـا تغسـل بصـابـون
تشـرب مـن المـا بـارد فـي زجـاجـه
في روشن عن واهج القيض مصيون
حلفت لو اعطـى الحسـا مـع خراجـه
علـي بيـبـان الحـضـر مــا يصـكـون
عنـدي أحـب مـن الـقـرع والدجـاجـه
هيم مجاهيم بالاقفار يرعون
رد مع اقتباس
المفضلات