[center]
قصيده متواضعه ...وهي حوار بين ابن مغبون ..واب نصوح..اتمنى ان ترتقي لذوقكم
http://up.almoso3h.com/uploading/NNNN.mp3
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يابوي جيتك اشكي الحال مقهور =... من هاجسن بالقلب مدري علامه؟
ولدك يبكي وادري اليوم معذور= .... ماحسّب لقول العدو .. والملامـــــه
ولدك يشكي وماعلى حالته زور=...وعز الله انه صادقن في كلامــه
وانا اشهد انك بالوفا باني قصور=وهذي الحقيقه وما عليها غمامه
وعلمتني في دنيتي عدة امور = ..وطبعتها في وسط قلبي علامه
في صحبة الطيب وانا ابوك مجبور=واحفظ صحيبك لين يوم القيامه
ويابوك احفظ علمي اليوم والشور=الضيف ثم الضيف احفظ مقامه
واحذر ينادونك هل الشعر مغرور=واحذر تساوم ياولدي بالكرامه
واحذر تسمّع صاحبك من ورى السور=واحذر تصنّع ياولدي بابتسامه
ولامن دخلت جدال مع شخص مطيور=احذر تشبّه بالبحر والتطامة
والله امرك وانت لرضاه مأمور=عليك ..(بالتقوى)...( وبالاستقامه)
ناسن تموت وناس تبكي على قبور=....وناسن تفكر بالسهم وانقسامه
ترى الاوادم بالعمر مثل الطيور=كلن ضمن ابمخلبه وش طعامه
وابعد عن دروب الهوى وعيش مستور=وش لك بدربن مايعرف السلامه
ترى الهوى لو ينطرى اليوم مدثور=محدن تحقق في غرامه مرامه
هذي الحقيقه واغلب القول مأثور=لا يخدعك لون البحر وانسجامه
ياكم شخصن عام في اعمق بحور=واثر الغرق منيّته يوم عامه
يابوي انا في قربك اليوم مسرور=ياتاج راسي ياخوي الزعامه
ياعل عمرك يايبه سنين ودهور=انت الكريم وانت رمز الشهامه
وصلات ربي عد ما هدت صقور=وعداد مزن منتثر من غمامه[/poem]
اخوكم/نواف الناصر
رد مع اقتباس
المشاركة الأصلية كتبت بواسطة متفاائل
المفضلات