المشاركة الأصلية كتبت بواسطة فلاح العماش
عندما تُستفزّ بكلمه / تهمه ,
وأنت أبعد ماتكون عن هذا الأتهام ......!!
أو على الأقل بالعامي ( على أيش يا حسره ) .......!!!
وقتها تنحاس عندك أم القريحه ....!!
.
.
.
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
مغرور ....!! / منهو قال يا بنت ( مغرور ) ....!!=لا والله الا أنسان يا بنت ( عادي ) ......!!
صحيح ( شاعر ) بس مانيب مشهور=أبقى على قدّي وحسب أعتقادي
مغمور أموت .. وعشت أنا أنسان مغمور=حتى طموحي صار لونه رمادي .....!!
لكن على ماقيل متقن أنا الدور=تلميذ وأسم أستاذي ( سعود بادي ) .....!!
( الظلّ ) ماعذرب وأنا عندي شعور=ماني خلي والشعر حسب أجتهادي
لو خاطري يا بنت الأجواد مكسور=أضحك بوجه الحزن والجوّ هادي .....!!
ولاتحسبين أن ضحكتي كبر وسرور=بالعكس كم طيرٍ من الحزن شادي .....!!
حتى الحظوظ المقبله كلها بور=من خلقتي والحظ زايد تمادي
رضيت باللوعات والهمّ والجور=وأخذت من دنياي موقف حيادي
كم جرح فيني ينزف أزهار وعطور=وكم صوت بسم الحب فيني ينادي
وكم طار من غصن المعاليق عصفور=وكم نبضةٍ للحين تسكن فؤادي .....!!
صحيح ماني فيلسوفٍ ودكتور=لكن قصيدي فيه شي أنفرادي
شاعر مزاجي مايبي ( فلاش ) وحضور=يكفي حضورك سيّل ألفين وادي ......!!
غيرك أبد مالي أحبّه وجمهور=حتى ( هنادي ) همّلتني هنادي ........!!!
يحقّلي لاشفت نفسي ومعذور=وأن كان مغترّيتبك صرت غادي ......!!
وأن متّ ماظنّي على شي مقهور=كمّ صفّقت ( أحيان ) لجلي أيادي .....!!
هذا يكفيني عن الورد والنور=رغم الطموح ورغم لعنة عنادي ...!!
مغرور ....!! عادي قولي أنسان مغرور=شخصٍ يعرفك صعبه يكون عادي .......!![/poem]
.
.
.
أحياناً ....
نقبل بعض التهم بشكل أو بآخر للذّتها .....!!
تلميذ / ( مغــرور ) .....!!!
رد مع اقتباس
المفضلات