$$ [قصيدة صوتيه] سلام يا شيخٍ أعمى $$

[عشّاق]

[ALIGN=CENTER]




القصيدة هي خاتمة قصائد سنة 2006 وآثرت أن تكون في الوالد الغالي


الوالد ضرير منذ 15 سنه فقط وهو يبلغ الثمانين من عمره
وقبل أن يصاب بتلف في أعصاب العين ويفقد البصر
كان مؤذن للمسجد لصوته الجميل الجهوري الذي لم يكن يحتاج إلى مكبرات الصوت
وبعد فقده للبصر لم يتوقف تعلقه بالمساجد
حتى أنني أحس بحرقة في نفسه حين يسمع صوت الأذان
وكلكم تعرفون سبب هذه الحرقه ..!






.. ~¤§ سلام يا شيخٍ أعمى §¤~..

[rams]http://www.m-3ashaq.com/3ashaq/salam_ya_shai5.ram[/rams]


[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لانت بأمير ولاغني قد سكنت قصور= ولانت بسجل المشاهير و تدانيها

لكن أخاف إن وصفتك حل فيه قصور =ومهما أقول بغلاتك ما أوفيها

ولو كان باكتب وحبري يا أبوي بحور= جفت بحور الكواكب ثم شواطيها

عجزت توفيك ثمٍّ جا علي الدور= عسى التعابير توفي في معانيها

سلام مني يا أبوي وارحب وماجور= ترحيبةٍ جاب كل الناس طاريها

يابو الكرم يا أجودي ما نطق بالزور= حلحيل ما يعرف الشينه ويخفيها

سلام يا شيخٍ أعمى كل قلبه نور = ينبض بحب المساجد ما يخليها

ما يمنعه شوف عينه من صلاته فور=وإن كان ما من يقوده ..؟! راح يمشيها

حافظ صلاته وصومه يستمر شهور= عشرين حجه وأمواله يزكيها

يا أغلى من قد سكن قلبي وكل شعور = وأنا ومالي فدى رجولك وواطيها

ياما نصحت .. وتعبت .. وما سمعت الشور=أغلط ولكن من الطيبه تعديها

وياما من اسباب فعلي جيتني مقهور= تنصح وتدعي لي المولى يصفيها

وأنا حجر قلبي .. وكم خاطرك مكسور= آسف يبه.. وأوعدك ما عاد أثنيها

مجبور يبه تدمح زلتي مجبور = قلب الأبو يدمح الزله ويمحيها

نفداك ما بيك يالوالد تجي مشهور= إنت بغلاتك ولا به من يوازيها

إنت بعيوني أمير .. ولو كتبت سطور= شاعر .. ولكن وصفك أشتكل فيها

يابوي يا تاج راسي يا عشيق الحور= أبي رضاك ورضا أمي وأغليها

وإن قلت منْـك السموحه .. ماني بمعذور=لك فوق راسي جمايل ما أجازيها

يابوي آمرني .. وأمرك علي دستور=علمتني حدود ربي ما أخطيها

ودي أشوفك سعيد ودايما مسرور=والروح ترخص ولا دونك أبديها

وإن قلت مشكور .. ما تنفع معك مشكور=الشكر لله .. وللفردوس بادعيها

يالله تسكن أبوي بعاليات الدور= وأمي تصاحبْـه في دراك وترضيها[/poem] عشّاق



لحفظ الملف الصوتي اضغط بزر الفأرة الأيمن على الرابط أدناه واحفظ الهدف باسم ..
http://www.m-3ashaq.com/3ashaq/salam_ya_shai5.ram




[/ALIGN]

[هايس الشمري]

شفا الله والدك..




و صح لسانك




اخوووك

[عشّاق]

الشكر الجزيل لك أخي هايس
وتسلم على دعوتك الطيبه لا هنت