ليلتن من الليالي
كنت داخلن بهالمضايف وامذرح به
ولاحظت انفيه واحدن من الاعضاء اسموه ريال فسحه مطابدزن
وين ما اروح معي !
واروح للعام ليمار هذا هو معي
وانزل للرياضي ليمار بثري
واوديه للديني ليمار مايفارقن بعد شدوق
المهم غثن هو ووجهوه هاللي تقل عجينتن واطيه ديتس
وقلت اروح انا ابركلي لا اتأخر على الدوام
المهم رحت ونمت
ويوم نمت والله يجيركم وانا احلم هكا الحلم ( قولوا خير ان شاء الله )
حلمت ان ريال الفسحه قفل النت وراح لبيتهم
ليمار عايلتوه مكونه من الخمسه ( أختن لوه ) والعشره ( بحسبت امن لوه )
والخمسين ( بحسبت ابوه ) والخمس ميه ( بحسبت جدتن لوه )
المهم انوه جلس يسولف مع ابوه قال يا يبه ( الخمسين ) ابيك تجوزن بنت جارنا ( الربيه )
قال ابو معصي مابقى تاخذ الا هالهنديه
تسانك ولدن تبي العرس
باتسر يجون عمامك ( الدنانير ) واجوزك بنتهم
قال ريال الفسحه
لا يا يبه انا احب الربيه وابي اتزوجه وبنت عمي الدينار حسبت اختي
قال ابو يا ولدي لا تكسر كلامي
انا اخترت لك بنت عمك بنت الاصل والفصل
مهو هالربيه اللي لا اصل ولا فصل
وهي تقفل مع ريال الفسحه وهو يهرب من البيت ويتفق مع البايهه الربيه
ويروحون لمأذون الانكحه ( الدولار )
قال الدولار انا ما املتس لكم الا بولي امركم
المهم ان ريال الفسحه تعقد وقام يدوج بالشوارع عقب ما رجع الربيه لبيته
وهي تنتظروه على احر من الجمر
وبينما اخونا الريل يتخم بهالشوارع هايمن بوجهوه
وهو يصادف الشويب الخرفان ( الجنيه السوداني )
وهو يجيه قال يا عمي
قال الجنيه ااااااااااي
قال يا عم بالله ابيك تصير ولي امري قدام المأذون الدولار ليما املتس على الربيه
قال الجنيه السوداني جداً ياولد على الرحب والسعه
المهم خذا الجنيه وهديفتوه الربيه وراحوا للمأذون
لكن المأذون ردهم نوبتن اخرى
وقال تلعبون علي انتم
ليصار هذا ولي امرك اجل وين ولي امره والشهود
المهم رجعو نوبتن اخرى يدورون لهم حل
وهو يطري عليه وخوياوه الدرهم الاماراتي والصايع الريال اليمني ( سكير )
وهم يجيبون عجيزن بالحاره يقاله الليره السوريه ( تسنه ام الربيه )
وهم يجتمعون ويروحون للمأذون ويوم جوه ليمار المفاجأه
لقو ابوه الخمسين وعموه الدينار وبنت عموه ( البيزه ) وولد عموه ( الفلس ) واخوه ( النص )
عاد بنت عموه البيزه طرقا على حسب ماشفته بالحلم
قال يبه ؟
وشتسوي ها
قال ابوه جاي ابي املتس لك على بنت عمك البيزه قبل تسويه وتفضحن بين الناس
وتتزوج هالربيه .
قال يا يبه انا ماراح اتزوج الا الربيه
وهو يصكوه ابوه هكا الكف ليمار متكومن بالقاع
وهو يدنق عليه ابوه قال قم اخلص علينا
اقول قم
انت ليه ماتقوم بساع
ترك غثيتن اخلص علي
ومافطنت الا الماء مصبوبن على راسي
تريه ابوي يقعدن من النوم يبيني اروح للدوام
وسلامتن تسلمكم
( مع الاعتذار لاخوي ريال الفسحه )
وتقلدوا تحيتي
رد مع اقتباس
المشاركة الأصلية كتبت بواسطة ريال الفسحه
اكيد ليالي
استريييييييح
المفضلات