... ضريبة الذكـــــــاء ... ( موقف مخزي )

[عجايب بنت الشايب]

[a7la1=000000]

السلام عليكم ورحمة الله وبركاته


يافشيلتي عند الطاوله
وعند الماوس

وعند الواير

ياقص وجهي قصاه

يافشيلتي من جداني كأني أشوفهم متكتفين ومتلطمين من فعلتي الشينه

ودام الفشيله وصلت قوقل و نقد علي

مابقى إلا أنتم والأقربون أولى بالمعروف

أسمعوا وش أنا مخزيه


في أول الشهر بداية العشر ذي الحجه الساعه 11 ظهرا بغيت أشبك الأتصال ( أرانكو )
ألا يقول إعادة الطلب1
و أقعد
ألا إعادة الطلب 2
وأتواسا
ألا إعادة الطلب3

وأروح أجيب لي شاهي وأمر جدتي أشوف سكرها

( هالعجوز زايدن حلاها هاليومين واصل 300بس ليش زعلانه )

وأتطمن على الرعيان و أشيك على الوايت

وطريقة التشييك هي أن تدخل عمود خشب طوله أربع أمتار في بطن الوايت وتشوف وين وصل الماء ومن هالحركه تقدرتحدد متى بيفضى والحمد لله مليان

ماني فاضيه أورد هالليله<<وزيره
المهم وأعود على البليه ألاهو
إعادة الطلب 27

أنا بنتك يابوي وأختك يا أخوي

وأزهم على الموظفه أنا أول ماسمعتها تكلم أنجليزي وأسكر السماعه

تعرفون هذا أحسن حل في مثل هالمواقف لاتلف ولاتدور سكر السماعه وخلاص

حتى هاللحين بالجوال لا خربت شي ضغطت الحمرا على طول

المهم

وأنا أزهم على بنت عمتي لأني أذكر يوم أنا بالثانوي أنا ماخذتن بالأنجليزي 6من 15 وهي ماخذتن 13 من 15 وعندها مثلي أرانكو

وأنا أعلمها وقالت أزهليها بس عطيني البيج نمبر
أنا بغيت أبتسي
قلت : يابنت تعوذي من أبليس ترى أنا عجايب مانيب بوش ترجمي

قالت عطيني الرقم الوظيفي حق صاحب الخط

قلت أبوي رقمه الوظيفي( 1 )
الأول على الطعوس بتربية المواشي بشهادة مصدقه من أهل الشعير مختومه عند راعي المحطه اللي يمره كل صبحيه وياخذ منه كيسين خبز للرعيان

قالت : لا الرجال فلان اللي معطيكم الخط

قلت : ياحيي أنشدي روحتس موهب أنتي وخالك جايبين لنا هالخط ( خالها صديقه معطيه خطنا )

قالت : أيييه صح صح خلاص

وتكلم خالها و يقعد يومين و يجيبه

ألا هي مشغوله و بتسافر قلت خلاص بنجازف و بنغامر وبنكلم

و أجيب أخوي الصغير بالمتوسطه( الأنجليزي طازج عنده با ألحق قبل يتبخر ) وأخليه يدق على الموظفه اللي مسؤوله عن هالمشاكل قالت خلاص بنغير الباسوورد (كلمة السر)قلنا : بصرك
قالت: وشو ؟
قلنا : على كيفك بس هو يصلح

قالت : طيب جيبوا لي رقم البطاقه الهويه

قلنا : زييين ( جعل تهوى نفس العدو )

و نفزع ندق على بنت عمنا ألحقي كذا وكذا

قالت غريبه وش تبي بالبطاقه مالها شغل أهم شي الرقم الوظيفي

قلت عاد غريبه عجيبه دبري لي رقم الرجال قالت بسأل خالي وهالأيام قرب العيد

الوكاد أن الرجال جواله مقطوع
وزامه بالشغل ليل وخالها نهار ما واجهه

وأنا تنطق نفسي وأشكي على أمي قالت:هاللحين أنتم تبون رقم بطاقته الأحوال قلت أيه قالت بسيطه

وأنا أجاريها بكل برود وتعب وشلون نجيب الرقم

قالت: دقوا عليه

قلت : عندتس غير ذا الفكره العجيبه

قالت: أيه
خلي بنت خالتس مدرسة الثانويه تطلع الرقم من ملفات بناته

وأنا أطيير أي والله صادقه أمي طالعه على بنتها

وأنقز أكلمها قالت: أبشري بس البنات نقلوا لثانويه ثانيه بس ترى لهم أخت بالمتوسطه أسألي بنت جيرانكم تشتغل على كمبيوتر المدرسه

وأفزع أدق على بنت جيراننا أعلمها ولا خلت سؤال ألا قالته ليش ؟وش تبين بالرقم؟ تعرفين البنت؟ هي تدري؟ و قالت بأشوف لك بكره

وما أمداني سكرت منها إلا دقت بنت عمتي تقول أبشري جابه خالي واجهه وعطاه الرقم

وأدق على بنت جيراننا خلاص لاعاد تدور


ونفزع للموظفه قالت هذا الرقم السري الجديد ونزين الأعدادت الا المشكله موجوده

والله ماقصرت معنا خطوه خطوه

أخر شي قالت بأحول الأشتراك على رقم ثاني وجربوا ونعطيها رقم البيت

قالت يالله جربوا وردواعلي

ونمصع وايرو وندخل واير البيت

وفي هذه الأثناء شبكنا جهاز التلفون على واير الأتصال وتقوم أختي تدق ألا هو يقول:

(( سدد الفاتورة لا رحمت ))


يعني ما سددنا التلفون والمشكله ماهيب من أرانكو
ولا باسوورد
ولا يحتاج بيج نمبر
ولا رقم الهويه

مايبون ألا قريشات نسدد بليتنا

والسبب في عدم السداد

أنا الله يحفظني

ذبحني الهياط و الكرم و قعدت أسدد فاتورة التلفون من حسابي في البيت
وأنسى أن عندنا خط ثاني له رسوم وأبوي متكل علي و نسى


بصراحه مدري وش أقول

القهر أني قعدت أيام فااضيه ومشتاقه للمضائف وطبعا بالتحديد الفله

بس دخلت المضائف من عند الجماعه أول يوم العيد

و من القهر فكيت تثبيت موضوع ريال وطلعت


يمكن هالموقف ضريبه وزكاة لذكائي المفرط

وسلام للجميع وطحيه عتره وكل عام وأنتم بخير


^^^,,,.......طحيــــــــاتي ........,,,^^^

[/a7la1]

[بالمختصر..]

ك . ب . إ


هاذي اولاً

وثانياً الله يقلعتس وين رحتي وخليتيني مع هالشياب

راح اقرا الموضوع وارد بعدين


بااااااااي

[بنت الحرمين]

أنا قايلتن لتس هالذكاااء الزااايد ماوراااوه غنيييمة..



والله ولتس فقده عجوبة

الله لا يحرمنا منتس ولا يحرمتس من غبااائتس

[ريال الفسحه]

can I help you



هذي اول كلمه تقوله الموظفه ....


لقيت عليتس خطأ والله مااخليه .....


ويقطع الله عدوي ذكرتيني يوم اول مره ادق عليهم....


راجع وناوي فضاااااااااااااااااااااااااايح ....



فاكه موضوعي هاااه












طيب يالعجوز

[بالمختصر..]

.

.



عجايب يالذكيه انا حتى بالبر إذا كنا بالمخيم ادخل النت هع هع هع


الله يخلي جوالي n70 + برنامج متصفح اوبرا ميني


وعندي مسنجر بس ماعمري شغلتوهـ <--- مدري وش بوهـ


وبعدين موقع المضايف عن طريق الجوال وااضح ويجنن حتى تواقيعكم طلعت عندي


واقدر اكتب موضوع جديد أو أحط رد بس ماجربته لأني ناسيه كلمة السر حقتي


هو حــلوو (للضــــــرورهـ بس) .. لأنــوهـ يصررررف كثيييير !!



.

.



نـــــــــــــرجـع لسالفتس ,, انتي المفروض تشيكين ع الفواتير دايماً (وين الشفايه !!)


انا حتى فاتورة جوال ابـوي (الله يحفظه) اراقـبـه (شفااايه + إذا ماشحن لي جوالي اقط نغزاات)


.

.


إذا تبين دروس خصوصيه بهالشغلات ماعندي مانع بس دزيلي إيميل وانا اعلمتس





.

.

[ريال الفسحه]

بسم الله الرحمن الرحيم


لنبدأ نتف الشوش (( من اوله شر )) >> ممداه جايتن المسكينه



اصلا من عقب ماشفتس بالهند وانا غاسلن يديني وبطني وعصعص ظهري


يقطع ابيستس ..والله انتس ماش تمرشين....((احد مايعرف انقليزي ))<<نسينااا ياريالوووه

وأزهم على الموظفه أنا أول ماسمعتها تكلم أنجليزي وأسكر السماعه

والله هذا اللي سويتوه اول ماكلمتهم

كنت عليمي توي مسجلن عندهم وموظفينن قالت ((كان اي هلب يو)) قلت طووووووووط

وكان عندي ريال الفسحه 2 قال وش نوحك يملا الذهاب قلت مامن شين بس اكتنوه
جني اللي رد علي
قال من هو اللي رد عليكـ ؟؟

قلت حرمتن تبربر مادري وش تقول

قال وخر ادق عليهم غديهم يزوجونن ((على فالوه الليد ))

ويدق عليهم اول ماقالت كان اي هلب يو ....قال السلام عليتس ((ترانن صادز قسم

قالت اهلا اخوي وهو يكشر المسكين تريه بغا يسكروه بوجه الحرمه


ويسر لنا الله وركبناوه بسبت ريالوووووهـ 2

وأنا أزهم على بنت عمتي لأني أذكر يوم أنا بالثانوي أنا ماخذتن بالأنجليزي 6من 15 وهي ماخذتن 13 من 15 وعندها مثلي أرانكو

دورو لكم شيخ يقرا عليكم من العين اللي يسمعتس يقول
دكتورات بالادب االانقليزي

وأنا أعلمها وقالت أزهليها بس عطيني البيج نمبر
أنا بغيت أبتسي
قلت : يابنت تعوذي من أبليس ترى أنا عجايب مانيب بوش ترجمي

قالت عطيني الرقم الوظيفي حق صاحب الخط
قالت : لا الرجال فلان اللي معطيكم الخط

تعالي ياام الشباب وين رايحه اصلا مايردون عليتس يما تدخلين رقم الشاره ((الباج مو بيج ))

ههههههههههههههههههههههههههههههههههههههه

ههههههاااااااااااااااااااااااااااااااااا ي خخخخخخخخخخخخخخخخخخخخ
((حبوه للشماته ))

قلت أبوي رقمه الوظيفي( 1 )
الأول على الطعوس بتربية المواشي بشهادة مصدقه من أهل الشعير مختومه عند راعي المحطه اللي يمره كل صبحيه وياخذ منه كيسين خبز للرعيان

هههههههههههههههههههههههههههههههههههههههه ههه
هههههههههههههههههههههههههههههههههههههههه ههه


يالربع حتى ابوه ماسلم مالومتس يوم تسوين بنا كذا

و أجيب أخوي الصغير بالمتوسطه( الأنجليزي طازج عنده با ألحق قبل يتبخر ) وأخليه يدق على الموظفه اللي مسؤوله عن هالمشاكل قالت خلاص بنغير الباسوورد (كلمة السر)قلنا : بصرك
قالت: وشو ؟
قلنا : على كيفك بس هو يصلح

قالت : طيب جيبوا لي رقم البطاقه الهويه

بصرك هااااه طيب طيب....
قلنل..وقلنا....خلي الوغد يحتسي


والله عاجزن اكمل الباقي بعدين ارجع زين ياعجوز الغيبات

[شام]

تسديد الفاتورة

ايضاً عندك نفس المشكلة عجوبة

ما علينا غير نسدد من غير كلام و لاحتى اعتراض ..

و سلااامات عجوبة أختي في الهم المشترك

[الشاهري العبيدي]

مشكله الفواتير انها تصيب بالوقت الحرج

يعنى مستحيل ينزنق الواحد اذا كان الوضع عادي
لكن في الازمات..ما يحتاج كل الوزارات والشركات والخدمات معطله الى ان تدفع او انقطع عن العالم ..


عموما الظلم ماهو طيب فلا تستعجلوا بالقاء اللوم على المساكين ارانكوا.......


اختى اعجاب كل عام والفواتير مدفوعه ومن طول الغيبات جاب المصائب

حياك الله وبياك

[عجايب بنت الشايب]

[a7la1=000000]

بنت الحرميين

وذات الرد المتناقض

ههههههههههههههههههههه

مره تسب ومره تمدح

تبييين تموتيييني



حيااااااتس الله


ملااااايييييييييين ياقلبببي



^^^,,,.......طحيــــــــاتي ........,,,^^^

[/a7la1]

[مناكد]

لا لا ياعجايب...


هالحين اشتراك الإنترنت سلف...



وسالفة البيج نمبر هذي لحاله سالفه...
يعني تتسلفون الإشتراك ولا تاخذون ملحقاته (رقم البادج والتابعيه)...




الا ماتبيعون علي هالإشتراك...
قليلين الخاتمه من اول يوم تقاعدت به وهم قاطعينن اشتراكي...




وعقب هذي اضن لو صار عندكم مشكله بالإتصال اكيد تبون تسددون الفاتوره حتى لو ماحان التسديد!!!



يالربع عليكم بالدي اس ال...ياهو شي وأطلق حتى من اللي عند ارانكو بالمكاتب...




تحياتي...

.