من يخبر لي ( تنكة حلوة ) مجرشة وزينة ..!!

**طاب الخاطر** · 06-01-2007 23:14

السلام عليكم ورحمة الله وبركاته

مادري وين أحط هالموضوع وحطيته لكم هنا

ما يزين فنجال القهوة إلا بعد القدوع

وتتميز منطقتنا منطقة حائل بــ( الحلوة )

وتكثر في بقاء والوسيطا وسميرا

ولكن الحشية تختلف من شخص لشخص

ودي الله يسلمكم تدلوني على واحد

عنده من الحلوة المجرشة الزينة

لا يهم السعر بقدر ما يهمن جودة التمر

انتظر إجابة .. أو دلالة .. والسعي محفوظ :icon12:

محبكم في الله

طاب الخاطر

**عجايب بنت الشايب** · 08-01-2007 17:28

[a7la1=000000]

هلا يا طاب الخاطر

الله يفشلكم يااهل الفله يوم جانا العميد ما نفعتووه نتفاهم بعدين

حياك الله يالاجودي بارضك الثانيه ارض الفله

وليت والله لو تفسر لي وشلون الحلوة المجروشه

ولو تحط صورتها ياسلااااااام نقدر نفيدك أو اقدر انا اسويها لك >> خبـــرة أقط وكرثي وسمن

ولو ماعليك كلافه حط لنا عنوان المحل علشان نشتريها معك ...

لا والله بس اللي اقدر افيدك فيه ان اهل القصيم ماخلو شيء خصوصاً اهل السيارات

موهب اهل المحلات

عندهم شغلات خطيييره

لو نزلت القصيم مر عليهم

حنا بالشرقيه توصلنا حركات اهل القصيييم طااااازه مثل كليجا ام عبد الله رهييبه

يمكن شطحت شوي بس مدري على العموم ...

حياك الله ... والهمام ياعيال .....

[/a7la1]

**ريال الفسحه** · 08-01-2007 19:26

88888888888

سبقينن الله يلعن عجوزن ببالي

لاتخافين مالعن مسلمين

أعني عالتسلبة العبده رايس

نرجع للخاطر طاب ((شقلب الرجال ))

والله يالغالي تسانك تبي الحلوة الاصليه اللي عليه العلم

فعليكـ

بحلوه من

اليابان يمدحون صناعتهم

والله يااخي انا من الشرقيه ياعل العدو يلعن والدوه ((اعني بوش))>>>سياسي اليوم

اخيرا اقول اذا تبي احد يفيدك لاتجي الفله الا اذا تبي تضحكـ

اللهم ارزق عبدك طاب الخاطر حلوتن مجروشتن وسعره طيب

وش تبي بعد ....امنوا يالربع ان الله يرزقوه...

لاهنت

**اللـــورد** · 08-01-2007 19:56

مساك الله بالخير ياطاب الخاطر

والله الحلوه مدري عنها بس ياولد انصحك بالشقراء تراها حليله

وتوجد بكثره خاصه في المناطق النائيه

**حمود الباتع** · 09-01-2007 14:40

قدوعها من طلع حدب الجريدي=احلا نمونه من نما شمخ الغيد

يقوله بدر الحويفي

الحلوة اللي تدور عليها ماتحصلها غير في بقعاء عاد دبر عمرك

اما كانك تبي الحلوة اللي عليها الكلام فهي والله مجلس الفلة وحياك الله عند معقد الشوش وريال

وشلة الأنس هنا وعلى الرحب والسعة ..

للجميع اطيب المنى