تربية الطفل علي الكرم واحترام مشاعر الغير

**العجوز السنعه** · 30-05-2002 00:43

السلام عليكم ،،،
يازين حتسيتس زيناه يابنيتي ..
والله انتس صدقتي .. نشوف بعض الاباء الله يهديهم يعلمون اولادهم على امورن ما تصلح ولا ترضي الله ورسوله مثل الى منه زهم عليه احدن بالتلفون وهو ما يبيه فيقول لولده : قلّه أبوي ماهوبه أو يقول لولده : زين اخلاقك مع المدرس علشان ما يسقطك أو علشان يعطيك درجاتن تسثيره .. أو يقول لعياله : ادرسوا علشان تنجحون وتجيبون قروش ( صح يجيب فلوس لكن ماهو هذا الغرض الاساسي من الدراسه ،، فالغرض اللي لازم يعلمه لعياله هو العلم علشان نتقدم وتصير ديارنا احسن الديار ،،، ونعرف الصح من الغلط ونعرف امور ديننا ولأن ديننا هو اللي أمرنا بالعلم وطلبه من كل مكان )
ومثل انجح وخذ ممتاز واشرطلك او اشريلك كذا وكذا .. ( الشرط والجايزه زينه لكن ما المفروض ان الولد ما يتفوق الا علشان هالشي )
اشكرتس يابنيتي على موضوعتس اللي ما مثله .
امتس ( أنا ) |511|