لعيون حسناء يسهجن الأظـلة .. وسؤال للراوي ..؟؟
السلام عليكم ورحمة الله وبركاته
[poem=font="Simplified Arabic,5,white,normal,normal" bkcolor="blue" bkimage="" border="none,medium,gray" type=2 line=0 align=center use=ex num="0,black"]
الله يعين اللي شكا سود الليال المايلات =عزمه قوي ما ينثني لو لينت حديدهـا
مثال عند الناس في ذكر المغازي والغزات =إن أبركه قريبها وأنا هويت بعيدهــــا
أطرد نصيبي لامشت عوج الرقاب المقفيات =إن طالت الفرجة ظهر للسايرة عقيدهـــا
أكبر غلط عند الرجال الطيبه ذكر الهبـــات =أقفت على الطائي الكريم وتركي ابن مهيدها
وأهل المكارم والشيم ماعابهم طرد البنات =إسأل جبل سلمى وأجاء عما يقول عبيدها
لعيون حسناء ينتخي يرقا بروس الطايلات =جسر على الموت الحمر لاهابها رعديدها
وألذ ما بالكون ملك الطيبه والطيبـــات =مجناه والحشمه وعفتها ومسكت إيدها
يارب توهبني هبه طبع الجلاده والثبات =لا شفت ثوب تلبسه متضايق بنهيدهـــا
يسعد خطاويها ومشيتها شموخ في ثبات =هزت ردايفها وصحت بصوت عالي عيدها
ياليل دانه ليل دانه يوم لفتها العبــــات =ياهوه يا أيوه يا نغمه وتر فريدهـــــا
لبيه يالباه يالبا العيون الناعســــات =يالبا ذاك الرمش لاسلهم يحطم حيدها
يالغاليه بأبيات شعر من الغرام مقفيات =كل البحور السبع تخضع لا دعاها سيدها
والله لو إنه شافتك شقر الحرار الطايرات =والله وأقول أستغفر الله غير تترك صيدها
إنتِ جنون الحب وأهاته وطيف الذكريات =وإنتِ مذاق السكر اللي منبعه جريدهـــا
يالله سوي دبكه غلا ماعاد ينفعنا السكات =أصل السكات إن كان فيه جروح غير يزيدها
لا أبطيت أدوخ لشوفتك كني خذيت عويد قات =متخيل نفسي كذا لو هو حرام عويدهـــــــا
وإن جت علوم الصد والهجران ودروب الشتات =ماني ولد من يتبع المقفين في تصديدهــا
راسي طنا من راس جدي بالسنين الماضيات =خذته وراثه ماخذيته من طرق تقليدهـــــا[/poem]
يقول الشاعر ..
وأهل المكارم والشيم ماعابهم طرد البنات ** إسأل جبل سلمى وأجاء عما يقول عبيدها
لعيون حسناء ينتخي يرقا بروس الطايلات ** جسر على الموت الحمر لاهابها رعديدها
عبيدها : عبيد بن علي الرشيد ،،،
قال :
[poem=font="Simplified Arabic,5,white,normal,italic" bkcolor="seagreen" bkimage="" border="none,medium,gray" type=2 line=0 align=center use=ex num="0,black"]
لعيون حسنا يسهجن الاظلة = ويجرن بنا شهب الغوارب الى الليل [/poem]
[mark=FF0000]
ما اتمنى ان اجد عندكم من يكمل لنا قصيدة عبيد المذكور منها البيت السابق .؟
ماذا قال الامير / محمد العبدالله الرشيد ( المهّاد ) عندما اشرف على ديار العجمان !!؟
[/mark]
اللي انا اخبر شطر .. نفس اللي سبق :
لعيون حسنا يسهجن الاظلة * مادري شيقول قهوة ماه سيل !!!؟؟
[mark=FF0000]
من يكمل لنا قصيدة محمد العبدالله المذكور منها الشطر السابق .؟[/mark]
والمعذرة على قلة المعلومات اللي تساعدكم في الإفادة
الشكر مقدماً موفور لكم ..
لكم التحيــــة ،،،
والسلام ...
رد مع اقتباس
المشاركة الأصلية كتبت بواسطة Msaed AL Aslmy
المفضلات