( رسالة الرحيل )
.
.
[poem=font="Simplified Arabic,6,deeppink,normal,normal" bkcolor="black" bkimage="" border="none,medium,gray" type=2 line=1 align=center use=ex num="0,black"]
ثقيل الليل وعيوني عَصَيّه=غَدَت لي في ظلامه حاتِمِيّه
أغالب دمْعها و الدمع غالب=و لابه خَدّ ما هو له ضِحيّه
تِطاول في ظلام الليل حزني=و ضاقت بي وَساع المهْمِهيّه
همومٍ في همومٍ في همومٍ=تِضيق بْها حروف الأبجديّه
أحس من الغضب فالصَدْر بِذره=تِمِصْ من العروق الشمريّه
و كم بذرةْ غَضَب قبْلهْ بِصدْرِي=نِمت وَ اوْراقها خِضْرٍ نِديّه
نِمت حتى غدا وآرف ظِلاله=مِقيلٍ ياسع هْموم البِريّه
قِتيل الغبْن و الحسرات قلبي=و لا له في سُلُوم الغبْن دِيّه
غَبِن مما أرى و اسْمع و أعايش=صور تِثْقِل فضاء الشاعِريّه
شِتات و ضعْف و اسْتِعمار غاشم=يبونا نقْبَله و بأرْيَحِيّه
وِ آخِرْها وَ لاهي بالأخيره=مَعَ المشنوق في عِيد الضِحيّه
مَعَ اللي زاد موته و بْجداره=سِجلات الخنوع اليعْرُبيّه
مَعَ اللي منْظر اعْدامه ذَهلْنِي=له اللّْه منْظرٍ وِشْ هزّ فِيّه؟!!
رُفض يِخْفي عن الجلاد و جهَه=وِ قابَل كالجِبَل وجْه المِنيّه
له اللّْه كيف ما غمّض و لا ارْمش=و لا هزّه نِباح الرافِضيّه
وِقفْ فوق المنصَّه في ثِباتٍ =مِهِيبٍ يعْجِب النفْس الأبِيّه
كأنّه حاكمٍ مِن فوق منبر =يبي يِلْقي خطابٍ للرِّعِيّه
وِقفْ شامخ وِ ذَكَّرْني شُموخَه=شموخ جْبال سلمى الحايلِيّه
رَحل صدام وآخر شَيِّ قاله=بِأنّ اللّْه ( أَحَدْ ) و أحمد نِبِيّه
رِحيلٍ صاغ للتاريخ صوره=تبي تبقى مَعَ الأجيال حيّه
بِكيت و لا تِحَسْب إني بِكيته=سِبب رِقّة عواطف إنثوِيّه
و لاني يوم مِن أنصار ظلْمه=و حزب البعْث ما هو حِزْب لِيّه
وِ لكِنّي ذِرفْت الدمْع لَمّا=عَرفت أعْماق و أبْعاد القِضيّه
رَحل صدام في مشْهد يِأجِج=فِتِنْ وِيْزِيد نار الطائِفيّه
رِحيلٍ عَجَّلوا بَهْ فَجْر الاضْحى=وِ فالتَّعْجِيل بَهْ مقْصد وِ نِيّه
وِصل يا بوش مضمون الرساله=يِجَلِّي كِل مسْتور و خَفِيّه
وِصل وِ إن كان في قومي عقولٍ=تَغَابتْ عَن مَعانِيه الجِليّه
سلامي يا زعامات الكراسي=أسوقه في أسى صِبْح و عَشِيّه
و مِنّي قبْل ما أنْهي قِصيدي=لِكل النايِمين أحلا تِحِيّه[/poem]
رد مع اقتباس
المفضلات