الشعراء 1- عوادالعلي 2- تركي الطوال 3- احمدالزقروطي 4- راكان المعجل 5- حمود الشمري 6- نزهان الاسلمي
--------------******----------------------*****---------------------------*****-----------*****
محاوره جمعت بين عوادالعلي//راعي الاوله
عوادالعلي
موال
[poem=font="Simplified Arabic,5,limegreen,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اسمح لنا باللعب يابن الطنايا=ونادو سمي العود سيف الطنايا
انا احمد الله كل ابونا طنايا=ومن لايعرف الصقر بالفرن يشويه
الطاروق
جيت يوم التحدي وابتديت السلام=ياهل الحفل هاتو راعي الاوله
الوعد حان وقته يارفيع المقام=والله انك عزيز وعالي المنزله
راعي الاوله
موال
الحر ساعات اللقى مايهمه = العز يسري في وريده ودمه
جانا الخميس اللي نوينا نخمه =ومن لايعرف الصقر بالفرن يشويه
الطاروق
مرحبابك هلابك والقا بك تمام=والتحدي ترانا بآخرة وأوله
انت شاعر ولكن ضايعٍ بالزحام =جيت تبغى جواب وطحت بالأسئله
عوادالعلي
موال
ابشقر الموال لعيون سكبه=ابدا معاك الشقر واونس ك به
اضبط كلامك صح لاتممس ك به=ومن لايعرف الصقر بالفرن يشويه
الطاروق
قاعدآ لك وفاضي لين يبدا الدوام=والرواتب طويل العمر ما دبله
آ ه يا طيب حظي لو يطيح النظام=ثم نلقى نظامآ ينهي المهزله
راعي الاوله
موال
اشقر بكيفك وانت شاعر وفاهم=وانا على كيفي وراهم وراهم
راحت اجازتكم بليا دراهم= ومن لايعرف الصقر بالفرن يشويه
..
طاروق
لاتمنى الاماني يالخوي بالكلام = الرواتب ..جمايل شيمتك وعمله
حكمكم حكم عدلٍ بين عوج الحكام =والحقيقه نعرفه زين مانجهله
عواد
موال
الشعر برجآ يازميلي له ادوار=وانا ارفض التمثيل في بعض الادوار
واظن راسك صايبه مني ا دوار=ومن لايعرف الصقر بالفرن يشويه
الطاروق
لو رجعنا مع التاريخ ميتين عام=كان شفت البيارق بس منهم هله
تعرف اهل القصور ونعرف اهل الخيام=والمواضيع هذي كلها هجوله
راعي الاوله
موال
عواد انا جيتك وكلي مواويل = شاعر ومن شعري تشوف التهاويل
انت االعصر وانا غشيتك كما الليل = ومن لايعرف الصقر بالفرن يشويه
طاروق
..
شكلك الوالي اللي قايمٍ بالمهام = أو محامي على القالات والمعضله
الله اللي يدوم وكل شئٍ حطام = شوف صدام وينه ساكن بمعزله
عواد
موال
اخطيت ياحموووود واحذرتعيده=الفطر يابن الناس قرب ت عيده
والعام وسط السوق غازل ت عيده=ومن لايعرف الصقر بالنار يشويه
الطاروق
احترام القبيله قبل شهر الصيام=واحترام الزماله زلتك نقبله
خل صدام خله لايطول الكلام=يبطي الهيس الاربد ماوصل منزله
راعي الاوله
موال
انا بدوي عندي قدوعٍ و دله = والدرب لا ضيّعت إسأل و دله
العام في سنجار ليتن ف دله= ومن لايعرف الصقر بالنار يشويه
..
طاروق
انت شكلك إرهابي ماتحب السلام = إنتحاري وجيتن بيدك القنبله
مير خل السوالف وإعتكف للقيام = وإقر سورة تبارك وإحفظ الزلزله
عواد
موال
الاوله نزل معانا عقالك=اسمع كلامي لايتم اعتقالك
اخاف بعقالك يوثق عقالك=ومن لايعرف الصقر بالفرن يشويه
الطاروق
اعتقد بعد هذي ماعلينا ملام=لو نجابه ونردع راعي البلبله
كان ماشفت منه مرجله واحترام=والله اني ماادور غير للمرجله[/poem][/poem]
الشعراء/ عوادالعلي/
/تركي الطواله /// نزهان الاسلمي//راكان المعجل
عواد
الموال
[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اليوم للشعار بالصوت ناديت=لورنس والنزهي تروني تحديت
حتى على تركي ونازف تعديت=واللي بغى الغالي يضحي بغالي
الطاروق
الا يالطنا يا ما نسيت المواجيب=وصدري على الشعار دايم شمالي
انا بينكم فتلت روس الاشانيب=تركت المدارا بعد شيآ جرالي
نزهان
الموال
حييت يا عواد في كل الأحوال = البث بالأقمار عن وضع الأحوال
هات البطاقة كان هي صرف الأحوال = واللي بغى الغالي يضحي بغالي
الشيلة
هات الوسيمه قبل لا تركب الجيب = وافحص مدى الانوار واطي وعالي
الله يستر كيف ذيك العراقيب = لحّـق ما دام الشمس قبل الزوالي
عواد
الموال
مشكور يالنزهي وابحاور اثنين=نزهان مع راكان في يوم الاثنين
والمشكله ماهي قضية فلسطين= المشكله بغداد راحت وراها
الطاروق
ترى اللفظ يالنزهي ببعض الخطا عيب= وترى اللي طرالك ياولد ماطرالي
ومن لايها ب الناس يحقر ولاهيب=تدهورت يالنزهي وجاك الزوالي
راكان
الموال
عواد وأويلك من اللي دعيته = وشبك وش اللي مزملك مدعيته
وشلك بيطار لذغ مردعيته = واللي بغى الغالي يضحي بغالي
الشيله
أما تجيب القيد غصبا" عن الجيب = وألا يعل البوم يلعي بعالي
خلك حذر لايلطمك راعي الطيب = وتعجن دواليبك من أول وتالي
عواد
الموال
نقزت يالملقوف والله يحييك=ماعاد فيها اليوم خلن واخليك
ماتدري اني جاهز لك وناويك=واللي يبا الغالي يضحي بغالي
الطاروق
انا جيت اسوي لك بالاشعار تدريب=واخرجك بعد اسبوع شاعر مثالي
ابعطيك درس بالثقافه وتهذيب=واعلمك يالشاعر حميد الخصالي
تركي
الموال
يامرحبا باللي بدى باسْمه العيــن=اللي ملك قدرٍ على الراس والعين
ياأهل الجبل خلّو طبايع هل العين=واللي يبي الغالي يضحي بغالي
الطاروق
ترى الحر ما يلحقْه شكٍ ولاريــــــب=يقوله خوي حسين يابن الحلالي
علومٍ تجي وتروح من دون تشطيب=ولاكـلّ علــمٍ بالصـحـيفــه يقــالــي
عواد
-الموال
ياماحلا الشاعر لياجاك فاهم=مار البلا ناس جهلنا خفاهم
ياشين خطرهم على من لفاهم= واللي يبى الغالي يضحي بغالي
الطاروق
نبا نترك الغيبه وحش العراقيب=وعطني علومك ياكريم السبالي
ابنشدك عن ضيف لفاله معازيب=وكل على الثاني يدور خمالي
راكان
موالكم
أشوف شوف العين ماهو تعدي = والظاهر الايام بتبدى تعدي
وشلك بحيدا" مبعدا" لاتعدي = واللي بغى الغالي يضحى بغالي
الشيله
عسى دوم يالغايب تجينا بترحيب = وطلاميس فكري تنتخي بالعيالي
ترى الطايله طارت وفيها مقاضيب = بس اليد ماتمسك عريض الحبالي
عواد
موال
اليوم ياراكان ترطن بالالغاز=والظاهر انه منتهي عندك الغاز
ان كان مابينت ابعطيك ملغاز= واللي يبا الغالي يضحي بغالي
الطاروق
تلمح بشي ماعرفناه يالذيب=تكلم لنا بوضوح خل الجدالي
ولا باقي الا نردعك بالمصاليب=عشان احسم الموضوع يابن الحلالي
تركي
الموال
مــافــيــه ســر،، ولابــحــثــنــا عــلــى ســرْ=ميـــر ان سمــعْــت الــعــاز،، يالـعــســكــري ســر
والــدرب الأيْــمــن،، مــايــقــارن بالأي ســـر= واللــي يبــا غــالــي يضـــحــي بغـــالــــي
الطاروق
أنــا مــارفــعــت الســيــف قــدْم الأصــاحــيــب=أخــاف الــمــلا تــلقــــى عليــنـــا خمــالـــي
وانـا مـاأشــوف اضْــيــوف لــكـن تــعــاجــيــب=اشــوف الـمـعـــزّب فـيـه بعض الـهــبـالـي
عواد
الموال
انا افتخر واقول حاورت تركي=واقول للزلات ربي س تركي
ماللخطا يالذيب ياكود تركي= والي يبى الغالي يضحي بغالي
الطاروق
انا اقول ياستر البنات الرعابيب=نثبت شروط اللعب لااهل السؤالي
ترى المنتدى المحبوب يحتاج ترتيب=مطاليبنا هذا عليها مثالي
تركي
الموال
الــعــرض فــاشــل،، والــسّــبــب بالــمـــقــدّم=وانــا عــلــى درب الــفــشــل مــاتــقــدّم
وغــصْــبٍ عــلــى الــجــندي يــطيــع المــقــدّم=واللـي يبـا الغــالــي يضـحي بغالي
الطاروق
بــكــى الطــفــل يــوم إنـــي خــذيـــت الـلـعــابــيــب=ومــن عــقــبــهــا مــا غــيـــر صــوتــه يــلالـــي
لـيــا شــفـــت فــي بــعــض المــواضـيـــع تـســريـب=رجــعــت لــمــكــانــي فــي رواســي الـجـبــالـي[/poem][/poem]
------------------------------------------------------------------------------------------------------------------------------------------
الشعراء / عوادالعلي//حمودالشمري
عواد
الموال
[poem=font="Simplified Arabic,5,limegreen,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياحمود لاطعتني خلك من اصحابي=والله لاارفعك وانهي لاجلك اشنابي
وان كان ماطعتني لاتحرق اعصابي=اقول مالله خلق نفسآ وضيعها
الطاروق
ياحمود ناديتك ولا ادري وينك=بيني وبينك غيبتآ نجهلها
ابهزمك بالشعر واكسر عينك=وان كان في خاطرك كلمه قلها
حمود
الموال
نصايحك قبل انا لاعرفك مسمعها=بعض البشر ظايعه وشلون نتبعها
حنا نجوم المنيره كيف ترفعها= = اقول ما الله خلق نفسا وضيعها
الطاروق
الله مجمل قافك ويازينك=ونا بوسط العاصمه وس الها
لاجل اسمك الثاني انا ماهينك= الكلمه الي قلتها عدلها
عواد
الموال
ياحمود ياحمود توه بين اخبالك=مادام هذي علومك مالي ومالك
تبغى السلامه وتبطي ماتهيالك= لو ان ماالله خلق نفسآ وضيعها
الطاروق
لاتحسب انا بالردى ناوينك=ماني معدلها ولابدلها
الله على كثرة جهلك يعينك=والكلمه اللي تغضبك حللها
حمود
الموال
افعالنا قبل تاتي عندنا مهاجر=بالفعل يشهد لنا نزهان ومهاجر
ان كان تبغى الحقيقه شف بني هاجر=لو ان ماالله خلق نفس وضيعها
الطاروق
طاروقك مكسر الا يا شينك=بعض الحون الناقصه جملها
خفيف دمك بس انا مااعينك=بعض البرامج لازم تحملها
عواد
الموال
ماجور ياحمود كيف الحال وشلونك=الناس باسم المعزه دوم ياتونك
وانا من اللي على طيبك يعزونك=اكيد ماالله خلق نفسن وضيعها
الطاروق
المشكله ياحمود في تلحينك=والناس بالموضوع لاتدخلها
لابدنا لابدنا مرضينك=ترى النشاما عيب لو نزعلها
حمود
الموال
لاوالله اطورة با الفعل منفوحه=يا شاعرن طول با اله بين بشوحه
في شهر رمضات والقلطات مسموحه= صحيح ما الله خلق نفسن وضيعها
الطاروق
يا شاعرن فا الملعبه ناسينك==الكعبه اليازرتها قبلها
ماني من الي بشعر با الينك=روح بفالك والعرب شعللها
عواد
الموال
عز الله انك حسمت الوضع من بدري=بس انت وش قصتك مع مقتدى الصدري
تدري وانا ادري وبعض الناس مايدري=واقول ماالله خلق نفسن وضيعها
الطاروق
اباانشدك وش مذهبك وش دينك=مانرغب الشيعه ولا نقبلها
وآخر سؤال اقول كم سنينك=وصلت للعشرين والا اولها
حمود
موال
يا صوفي اشدخلك بشيعي وسني=اظاهر ابن العلي دايم معه جني
طاروقنا يا جماعه به خلل فني= وقفت على الباب اليمن فوق مقسيمه
طاروق
مسلم وحب الي قبل غازينك=الغزوه الي مقبله ندبلها
بسبعه وخمسين اضن حاصينك=انقربل القايه قبل نشخلها
عواد
موال
بيني وبينك وجنب ربعك وربعي=السب ياحمود ماهو ياولد طبعي
وان كان خربتها بدفك بصبعي=واقول ماالله خلق نفسآ وضيعها
الطاروق
بالغزوه اللي قلتها واطينك=انشد عربك الفاهمه واسألها
ان كان تبغى العيش مع مغلينك=السالفه ياصاحبي حولها[/poem]
-------------------------------------------------------------------------------------------
الشعراء /احمدالزقروطي(راعي الاوله)//عوادالعلي
احمد
[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
إرحب ياعـواد كانـك تدعـي بالقصيـد=وعطنا علوم القوافـي نبغـي أخبارهـا
نبا نصيد الحباري و انت قرناس صيد=وانـا عزومـي بيـدي رافــع شعـارهـا
عواد العلي
ياراعي الاوله لاهنت مامن جديد=والطايره يابن عمي مات طيارها
اشوف الاحزان زادت يوم ذكرى الفقيد=واشوف بعض الاوادم لدة انظارها
راعي الاوله
اشهد انك سنافي وافيٍ بالوعيد=مير لاتامن الايام وأخطارها
و الحقيقه طعنتن طعنةٍ بالوريد=موتة الشيخ معروفه وش أسرارها
عواد العلي
انا تراني على الشعار مثـل المبيـد=يمر ناسن حاشاك ويقصف اعمارها
بف باف لكن ماني مثل بف باف ريد=اشوف ناسن كبار وتتـرك ادواهـا
راعي الاوله
نب نلعن إبليس ياعواد لنّه مريد=يجيبنا للقصايد وانت مزمارها
قد علمتنا الليالي حبنا للرشيد=وترى الصقور الشهيره عند صقارها
عواد العلي
انته تبي شي لكن قلنا وش تريـد=ياثقل نفس الرجال ليازعل جارها
ماباقي الا يميني دون حبل الوريد=كلام بعض الاوادم يكشف اسرارها
راعي الاوله
ابي اشتكي لك زمانٍ ذلّ فيه الحديد=يشب نار العفون وتنطفي نارها
ياولد ضيغم تراني ناويٍ لك مزيد=بعض الهقاوي تموت وننفض غبارها
عواد العلي
ياخوك انا قلتها لك بس مانت الوحيد=حنا بدنيا حقيـره سـادو صغارهـا
الله يقطعك وقتآ سـاد فيـه العبيـد=واشوف حتى الثعالب صارت كبارها
راعي الاوله
غير شمر حشى بالارض مافيه سيد=شوفهم حاكمين الارض وأقطارها
مجدهم ياولد عمي عتيد وتليد=لكن الخوف حول النوق وحوارها
عواد العلي
بعد قولك ترى مافيه عندي مزيد=القبايل كـرام وشمـر خيارهـا
اشهد انك تقول المختصروالمفيد=بس خل الذبيحه عنـد جزارهـا [/poem][/poem]
رد مع اقتباس
المفضلات