شوق الديار ... كتبتها في خارج المملكة
[poem=font="Simplified Arabic,6,burlywood,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
الله اكبر يانسيم الشوق وديار البراد = في ديارن حظها تاقف على كوم ابردي
ديرتن ربي عطاها كل مايمكن وزاد = يستحي منها السحاب ويذرف الدمع الندي
تجفل الغزلان فيها لا تقاد ولا تصاد= ماتناظر للنجوم ولا تفكر فالجدي
بس مع هذا وهذا ديرتي شوق الهداد =مسندي في وقت شوقي الا والله مسندي
يوم هاضت بي الهجوس وذكرتني بالبلاد=راح ليلي بين همّ وغمّ واعيا مرقدي
بين لوحات المشاعر باكتب العلم الوكاد =يوم غبت شوي كبرت في عيوني ابلدي
الديار اللي جعلها ربها شوق العباد = نفس حرّ ، وبيت عز ، وخير قومن سرمدي
رحت عنها والفؤاد اللي رضعها بالمهاد =مانسى طعم الحليب وقول يمه ..وولدي
مانسى ذيك الجبال ولفحة سموم السهاد = مانسى لون الوجيه وصوت شيخن مهتدي
الشعر في غير حبك هايمن في كل واد = اشهدي لي يابلادي واشهدي ثم اشهدي
والله ان الله جعلها للبشر مثل الوتاد = ماتغيرها الصوارف لو يجيها معتدي
حفظها من حفظ ربي من قصدها بالعناد = والله ان الله بلاه وجابه الحظ الردي
لو كتبت الشعر فيها مايكفيّه المداد =يكفي اني لا ذكرتك ترتفع غصبن يدي[/poem]
رد مع اقتباس
ابيات رائعه عذبه تنبع وفاءً للارض ...
المفضلات