يالادراه ...ويالمشرفين...ريال والالفيه الاولى...

**ريال الفسحه** · 22-12-2006 18:37

بسم الله الرحمن الرحيم...

الحمد لله والصلاة والسلام على رسول الله محمد بن عبد الله وآله وصحبه ومن والاه
الى يوم ان نلقاه ...أما بعد..:-

هاهي الالفيه الولى تنطوي واسال الله ان اكون نفعة او على الاقل استنفعة من وجودي
بينكم عضوا محبوبا انشاء الله ....

لي احاسيس وملاحظات......

لتكون اهداء لكل من يدخل من هنا ...

قبل تقريبا سنه واحده كنت جالس مع احد الزملاء ونتحدث عن المنتديات وكنت من
النوع اللي يسجل اليوم وبكره يضف عفشه
اما هو فمشرف في احد المنتديات يقول لي منتداك اللي ترتاح له هو بيتك الثاني
كنت اضحك عليه الا ان يشوف ضرسي المسوس <<ضرس العقل

هذا اذا بي عقل

فلم اقتنع بهالكلمه الا اليوم والان لاني لقيت بيتنا الثاني ابروح اعلم ابوي

فما ان حطيت عفشي بهذا الا احس بشعور يجتاحن مدري منين ان هذي
هي ضالتي اللي ابحث عنه فيلسوووف

ولكن كما اني احبكم يالوجيه الطيبه لايمنع اني انتقدكم وتنتقدونن اجابيات وسلبيات

فمن باب التحفيز والتشجيع
اقترح عليكم ان تحطون في الردود ان يكون هناك رد مميز ....

يعني بعد طرح الموضوع وان لم يكن مميزا هذا الموضوع وكلا منا شارك وادلى بدلوه
ان يوضع على رده.((رد مميز))....

وبعدين ليه طلبتكم تحطون خرده 24 ياعه وللحين ماحطيتوه قوي عين

عادي من غلااكم يالغااالين عاااش المصرف

فمن هذا الباب احب ان استقبل التهاني والتبريكااااااات صايرن وزير انت ووجهك

والله ماخلصت لكن احس ودي اوقف وراح اكمل بعين

لاهنتوا يابعدين حيي... خوووش لغه

لي نكسه<<<وين العجوز تجي تشوف

نسيت اقول شكرا لكل من يقوم على هذا الصرح الشامخ وكل من يدعمه منم ابو سلطان
الى اصغر عضو اقصد روحي

**شام** · 22-12-2006 18:43

مبروكين اخي الالفية الأولى

و عقبال الالفية الألف

و كل مكان فيه الاحبة و الاخوة

هو بيت لنا

فما بالك و نحن في صرح فهذا ليس بيت ثاني فقط

إنه الوطن

و الجنة هي حيث يكون فيها اهلنا و أحبتنا ..

مبروكين ياربال الفسحة

كلماتك خلتني أكتب معلقة

**سيدة القـــــلم** · 22-12-2006 20:55

مَاَشَاَءلله تَبَاَرَكَ الله..

ولله مَنتب هِيّن يا رِيال .. الألفِيّه هالسَرع..؟!!

عسَاَك لطُولَه العُمَر والصَحّه .. وتكملهن مَلِيُون ..

الف مَبرُوك.. وعقبال الأالف الثانِيه..

وربِيْ تَسْتَاَهِل كل خِيرْ..

وكل مَاُِشُوفك لَك دبكي ورَكض وخرشي ومغَاَبَش

بالمضاِيف أتَذَكر " الشبَث " الله يذكرة بالخير..

طبيعاتوه مثل طبِيعاتَك..

يمْكن ماتعَرف الشبَث .. لَكن أرجَع لمواضيعه وردوده .. راح تحبّه وتدعِي لَه بالخِيرْ ..

مَرّة اخرَى

الف مبروك

كُنْ بِخِيرْ

.

**مجرّد** · 22-12-2006 21:40

ماشاءالله ..

مبارك يالغالي وإلى الامام ..

انا سنه وفوق والظاهر ماراح اوصل الالف

**ريوف الشمري** · 22-12-2006 21:46

مبارك أخ ريال

**سيدة القـــــلم** · 22-12-2006 21:51

المشاركة الأصلية كتبت بواسطة مجرد قلم

ماشاءالله ..

مبارك يالغالي وإلى الامام ..

انا سنه وفوق والظاهر ماراح اوصل الالف

يااااشِين الرفَاَلَه

.

**ريال الفسحه** · 22-12-2006 22:58

هذه هي المشاركه رقم 1000مع الف تحيه لكل من يقرأها....

فهي لكل عضو في المضائف ولكل مشرف هنا ولكل شخص حتى لو كان ضيف

هناكــ....اعضاء..تكامشتو..معهم وتناتفنا الشوش ايمان ..تكامشة(مسكة)

ويقولون مابعد العداوه الا الصداقه فهم مهما كان يبقون لي احبه وان
فقدوا القليل من تلك الشعيرات المنتوفه فلي ان اذكرهم على عجاله مطفووووق

الزقروطي...عواد العلي...المطنوخ...العبيدي...ابو ثوب<<عندي ولاء
صدى الشمال..محمد الشمري...غربه((العميل)).. سيف الدوله..ابن جشعم...راعي الوقيد...هاني العجل..

هذا على دكة الشيبان ناتي لدكة العجز....
العجوز الاولى في هذه المضايف ورائده الاعلام المضائفي ((عجاااايب بنت الشايب))
والاخوات ريم شمر...سيدة القلم...ايمان القويدر...هند القاضي..الدهور.!!!!

والله اسف اذا نسيت احدن منكم...!!!!!!!!!

واستغلها هالمشاركه<<<<حللت والدينه

نبارك لابو سلطان نجاح العمليه وانشاء الله يرزقه الله طولة العمر والصحه والعافيه
ومن يقرا......امين

ونستكمل بعض الاقتراحات.....

فارس المضايف ...فارسة المضايف...مشرف المضايف ...محاور المضايف

او باي صياغه اخرى لتكون اسبوعيه اي كل اسبوع في الواجهه الرئيسيه فوق
المواضيع المميزه االاعضاء المميزون لهذا الاسبوع او لهذا الشهر...<<فكره

لي عوده قريبه .......لاهنتو يالغالين,,,,,,,

ريالووووووووووووووهـ

**ريال الفسحه** · 22-12-2006 23:22

اليوم والله ومازل عليكم يالربع جتن هوايه لي قديمه الا وهي الكتابه والخطخطه
وبما ان خطي ماهو هكالحلى قلت ناخذ رايكم <<<موضوعي وابلعن ابو جدفوه

فو انا مرتسي على بطني واحك غاربي استوحيت اني اجيب قلم واكتب لكم
واقعد اخطط لكم ورايكم ابي اخذوه ..<<الله لايضروه كثير حتسي
وللاسف ماعندي سكنر والا كان الوضوح حلو هذولي الصور مصورهن بجوالي((الدمعه))

هنا كتبت اسمي

[img][/img]

وهنا كتبت العنوان بتاع اليوم ولهالموضوع

[img][/img]

وهنا كتبت اسم هالصرح ............

[img][/img]

لي عوده مع هالردود الحلووووووووه <<يازين الاخلاااااق

**ريال الفسحه** · 22-12-2006 23:41

إيمان القويدر

مبروكين اخي الالفية الأولى و عقبال الالفية الألف

الله يطول عمري وعمرتس على الطاعه

الالفيه الالف يعني مليون ...ابطي عظم

فما بالك و نحن في صرح فهذا ليس بيت ثاني فقط إنه الوطن

وشو .......الوطن ...تصدقين حلوه الوطن.......
نعم هو الوطن...<<صح لسانتس..

و الجنة هي حيث يكون فيها اهلنا و أحبتنا ..

ايمان متحمستن بالحيل

احسدتس على هالولاء

مبروكين ياربال الفسحة
كلماتك خلتني أكتب معلقة

الله لايهينتس ويبارك بتس ...وكل ماحسيتي انتس فاضيه
سيري بهذا واكتبي اللي تبين تراني فاضي..

صادز الولد

**ريال الفسحه** · 22-12-2006 23:48

ولله مَنتب هِيّن يا رِيال .. الألفِيّه هالسَرع..؟!!

لايدري سيف الدوله ويجي تراوه نضوووووووول

واجبكم تراني فشقه.....

عسَاَك لطُولَه العُمَر والصَحّه .. وتكملهن مَلِيُون ..

مره وحده مليون

الف مَبرُوك.. وعقبال الأالف الثانِيه..

امين...امين.....امين...امين...امين...امين.....امين.. .امين

ماصدق احد دعالوه

وكل مَاُِشُوفك لَك دبكي ورَكض وخرشي ومغَاَبَش بالمضاِيف أتَذَكر " الشبَث " الله يذكرة بالخير..
طبيعاتوه مثل طبِيعاتَك..
يمْكن ماتعَرف الشبَث .. لَكن أرجَع لمواضيعه وردوده .. راح تحبّه وتدعِي لَه بالخِيرْ ..

كنت اقرا لوه اول قبل لا اشارك والله يعطيه الصحه والعافيه.....واياتس

<<عجوووز

مَرّة اخرَى

الف مبروك

الله يبارك بايامك ولاهنتي على المرور

كوني بخير