( شاعر الملـ 1000000يــون ) !؟

**ريال الفسحه** · 05-02-2007 00:05

طنخان خشمك ><

تقف كلمات الشكر عاجزه فلك شهادتي بالفله

**المطنوخ** · 05-02-2007 05:42

لاهنت ><

ريال

ابشر بالخير وتبي تشوف الازين والازين

ريال محد قالك انك تشبه الكصيده؟ هههههههههههههه

**المهرة** · 05-02-2007 05:46

المفروض نسوي مسابقة بالاعلامي ونعطيك مليون دينار كويتي

على المجهود الرائع والتغطية الاعلامية الجميلة اللي
اصبح الكل يتابعها هنا بالمضايف
مشكور وماقصرت

دمت بخير
اختك /المهرة

**المطنوخ** · 05-02-2007 06:08

تسلمين والله يامشرفتنا الراقيه

ومتابعتك شرف لي

وابشري بالخير الجاي

وترى فيه تغطيه جايه بالطريدز مير تزهبي

ونعطيك مليون دينار كويتي

ماني طماع
ابي 250 الف

والباقي لكم <--وشدعوة تبي تحصل دينار اساسا

**المطنوخ** · 05-02-2007 08:59

قصيدة من الحلقة الرابعه للشاعر الرائع/ محمد حمد بن فطيس المري

[poem=font="Simplified Arabic,5,white,bold,normal" bkcolor="transparent" bkimage="" border="inset,medium,skyblue" type=2 line=0 align=center use=ex num="0,black"]
مانيب من ياتي ولا يدرابه=شطر حفظته ماعرف كتابه

شطر يناسبني لمثل الليله=واشوفني في ذالمكان اولى به

ابتكل بالله ونعم بالله=اللي مايوصد دون خلقه بابه

باقول واللجنه تقيم قولي=ومن كثرت الشعار ماني آبه

الحمد لله واثق(ن) من روحي=وان كنت ذيب فالرجال ذيابه

ما اقول انا اشعر واحد فالدنيا=لكن قصيدي كفو وانا ادرابه

الشعر جمعنا لو تفرقنا=حدودنا وظروفنا الغلابه

الله يبيض وجه راعي الفكره=عز الله انها تنحسب لحسابه

والله يبيض وجه من يرعاها=محمد الله يحفظه لاحبابه

محمد ولد زايد عريب المجنى=ولي عهد الديره الخلابه

الشعر تاريخ(ن) لنا من مبطي=واعلامنا يوم السنين نهابه

الشعر بيت(ن) والوزن عمدانه=معناه طنب وقافيته حجابه

الشعر واد فيه صيد(ن) واجد=وكل على الوادي يهج ركابه

والافكار صيد وكل شاعر قانص=وكلن يدسم شاربه مخلابه

احد(ن) خياله حر واحد(ن) وكري=واحد(ن) خياله كوبجن بقطابه

وانا خيالي كل ماهديته=حول على الوادي وصاد عقابه

شاركت امثل ديرتي وربوعي=وكلن يمثلن ديرته واقرابه

والله الا الله راد والله قاله=اني لسلمها الفخر وكتابه

داري قطر وانا اهنا امثلها=المجد مطلوبي وانا طلابه

عهد علي اني لشرف داري=ترك صبي ما يعز ترابه

شوفوا دمي من حبها عنابي=وحماستي من ضووها شبابه

شاعر خليجي والعروبه بيتي=والبيت ماياقف بدون اطنابه

وان عودت بين القبايل فزعه=انا اشهد ان لي فاللوازم لابه

لي فالقبايل ربع واقدرهم=ماني بمن يجهل مقام اصحابه

وان عودت لاصلي فانا اصلي مري=من صلب يام اهل القنا وخضابه

قوم لنا فوق المعالي بيرق=والسيف قوة سلته بانصابه

الشعر طوقني وانا طوقته=قمت اتمشابه وفك ابوابه

يابنت ياللي تفرقين بعودش=مالومهم لاكثروا الخطابه

لامر بش دربش على خلق الله=قالوا كذا بالاصبع السبابه

زينش يزينه فعل ابيش وجدش=وانتي بدورش للنقا كسابه

قومي تباهيبي وفلي راسش=عليش من ستر الشرف جلبابه

وان ماسترتش بالفعول وباسمي=فعقبني الفنجال ياصبابه[/poem]

**المطنوخ** · 09-02-2007 09:35

//

تغطية الامسية التاسعة من مسابقة شاعر المليون

المرحلة الثانية

//

كانت الامسية التاسعة من مسابقة شاعر الميلون

جيده الى حد ما

فقد اثار فوز يوسف عبدالرزاق العصيمي مفاجأة كبرى لانه كان متوقعا فوز احد الشاعران ابن ساقان او ابن اسرور المطيري
ولكن كانت الغلبه طبعا للعصيمي بفضل مجهودات المسجات!

//

فرسان الامسية التاسعه هم :

|--*¨®¨*--|خالد رافع العنزي|--*¨®¨*--|

//

|--*¨®¨*--|عبدالرحمن الاهدل |--*¨®¨*--|

//

|--*¨®¨*--|محمد مريبد العازمي|--*¨®¨*--|

//

|--*¨®¨*--|مبارك المنصوري|--*¨®¨*--|

//

الضيف هالمره غير شكل

عراقي زقرتي شلعت قلبه روضه ههههههههههههه

//

يتبع ...