[poem=font="Simplified Arabic,5,black,bold,normal" bkcolor="white" bkimage="" border="none,medium,blue" type=4 line=0 align=center use=ex num="0,black"]
ملّة مسامعنا وش اصله كلمة ارهابي ؟!=أظنـــها طبخةٍ من غير بندوره
ضاعت هالاسماء بين ابلير وعــرابي=تشتت هالفــرق باللون والصوره
أصبحت أنا اخــاف مجلس كانوا اصحابي=إلين اتابع وعقب اخبار بنوره
لكن متوكل على الله وماخذ اسبابي=وكلٍ وله ملته ورايه وجمهــوره
وأهل اللحا فخرنا. وعزي وأقرابي=واللي يشك بكذا سكران ويخـــوره
والله بحقه قليلٍ جور مشعابي=يامدعي مسلمٍ واللبس تنوره
أنا اصلي انا مسلم بمحـــرابي=يعني كذا واضحه ماهي بفزوره
مطول ثيابي او اني مقصر ثيابي=اسلام ناصع بدون حروف مجروره
عقيدتي مابها آكلك بأنيابي=بالعكس انا ملتي سمحه وميسوره
مسلم وكلي فخر قراني كتـابي=ديني بياض ولاتدور عندنا عوره
ياصاحبي شف معي كرر لي حسابي=ياصاحبي اعطني يمنى وطبشوره
ابسألك جاوبن ياقيل وهابي=هل هو صحيح انه يفجر ناسنا بدوره؟؟!
ابد ماهو صحيح وهذا هياط كذابي=اسلامنا واضحِ يعجبّك في نوره
ويشهد علي الله اتعب لأجله ركابي=رجلٍ على ملتي في كل معموره
عندي خطايا ولكن اعرف حسابي=في يد غفار نرجي كلنا حوره
فلاح السعد[/poem]
رد مع اقتباس
المشاركة الأصلية كتبت بواسطة بتول آل علي
المفضلات