الابداع شعره ونظمه...!!تعال والله لن تندم...
السلام عليكم ورحمته والبركه...
لن اطيل فالشاعر.../ جابــــر هايف العتيبي....
معروف ولايحتاج لثنائي ومديحي ....
لكمــ,,,,,,هالروائعـــ,,,,,,منــ...روائعهـ.......
..............(((يابويه ...,,لاتبكيني..)))))))......
[poem=font="Simplified Arabic,5,white,bold,italic" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا بويه ليه تبكي كل ماشفتك وعينك لي=اخاف أموت يا بويه وقبل الموت تبكيني
كفى يا أبوي لاتبكي وأنا موجود معك وحي=أجل بعد الرحيل شلون في قبري توطيني
يا بويه لو تموت الناس ماتسوى دموعك ذي=وأنا يا أبوي ميت قبل أموت وأنت محييني
قسم بالله يا بويه لأجل عينك شربت الغي=جرعت الهم والحرمان وبحر الويل يسقيني
تحملت السنين اللي طوتني في عذابي طي=وصار الجمر بكفوفي وتحت أقدام رجليني
يابويه ماعلى عمري حسافه ولابقى بي شي=ولكن بأطلبك ياأبوي تكفى لاتخليني
يا بويه مابي غيرك يغسل جثتي بالمي=وتكفى قبل لا تكفن يابويه فك لي عيني
بأمر الله يمكن ألمحك وأرحل في عيني ضي=وأودع وجهك الطاهر مع دنياي وسنيني
وخل الناس تحملني وترفع راسي ورجلي=وتأخذني على قبري وتكسب أجرها فيني
وإذا جيت القبر ياأبوي نزلني شوي شوي=و وجهني لبيت الله وقبلة المصليني
وإذا تقدر أبي صورتك أمانه حطها في ايدي=لعل الله يشفع لي إذا صورتك في إيديني
وحط الطين وإدفني وعز اللي يعزي في=ثلاث أيام يابويه يجونك المعزيني
ورابع يوم يا بويه تذكر ضحكتي وعني=تذكر ويش كنت أقول يوم إنك تناديني
تذكر يوم كنت أنام في ظل النخل والفي=تجي يمي تصب الما على وجهي وتصحيني
تذكر جرة الموال وصوتن في حباله تي=تذكر يوم أغني لك قصيدي وأنت توحيني
تذكر ضحكتك لاقلت لك ياابوي عشقي هي=تذكر كم قصيده خافيه مابينك وبيني
تذكر كل شي كان وإذكر يوم جابر حي=ولكن اسألك بالله يابويه لاتبكيني[/poem]
.......((...سبعــ...ساعاتـــ....))).....
[poem=font="Simplified Arabic,5,white,bold,italic" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سبع ساعات اسولـف واتكلـم واستخـف دمـي=وهي تسمعني وتضحك ومبسوطه علـى الآخـر
سبع ساعات اعلمها عن احزانـي وعـن همـي=واسولف عن حكايا الطفل كان وصار هالشاعـر
سبع ساعات تتساقط حروف الصدق مـن فمّـي=على صحرا مسامعها سحـاب العشـق متناثـر
سبع ساعات وتحلف لي براس العشـق وتسمـي=تقول انت الوحيد اللي ملكنـي حبـك الساحـر
سبع ساعات ونادتني بأسمـه مـا هـو بأسمـي=تنادينـي فهـد واسمـي انـا ياللاسـف جابـر
تشنج كل شيٍ كـان حولـي ومسمعـي يدمـي=ركز خنجر فهد في مسمعي من صوتها الخـادر
تخدر فكري وجسمـي وذاب بداخلـي عظمـي=وصرت اسمع صدى صوتٍ يردد غلطة الشاطر
يردد غلطة الشاطـر بعشـرة واقعـي وحلمـي=وترددهـا زوايـا غرفتـي والواقـع الـغـادر
كثير اصوات شقت جلدي اللي يحتضن عظمـي=وصراخ البـاب والـدولاب والشبـاك والساتـر
وونـات القلـم والدفتـر اللـي يلتفـت يـمـي=وخايف وش ابي اكتب بوسطه مـن هنـا لباكـر
وكانت ساكته وصوت النفس من خشمه و خشمي=ربع ساعه وبحة صوت قالت خيـر وش صايـر
وطرا في بالي عبدالله وخالـد واحمـد ونشمـي=ولآخرهم فهـد تسعـه وانـا مدموغـه العاشـر
وقلت ابداً مغير الخير ولكـن امسحـي رقمـي=اكيد انه فهد جالس سبع ساعـات وهـو ناطـر
وقالـت لـي رجـاءً او اقولـك طيـر ياعمـي=مسوي حضرتك في هالزمان العاشـق الطاهـر
وقالت لي اقول وقلـت انـا بقـول وذا علمـي=عجب هالناس وش هالناس تخطي وبالخطى تكابر
انا يابنـت بنثـر لـك حياتـي واجمعـي لمـي=بعضه بنثره في مسمعك هالحيـن ومـن خاطـر [/poem]
وللشاعر ديوان صوتي اقل مايقال عنه رائع وخيالي.....
اهلا بكل من مر من هنا....
رد مع اقتباس
وتقول الله يجزاك خير ياريال
المفضلات