الله حيهم
ماتلاحظون اني اغليتكم من تالي
لو نبي نعرف فلة حجاج : نجد انه ماهي خاصه للسوالف اللي تضحك
صح ولا لا << يبي يمهد لسالفتوه
سالفتي يالربع ماهي لاتنكيت ولا شي
لكنوه موقف حصل وصراحه دبل تسبدي
وانا هنا ابي رايكم بتعاملي مع هالموقف
هناك من هاوشن ومن ضمنهم اهلي
وهناك من قال ماسويت هو الصحيح ومن ضمنهم ابوي
هذا ياطويلين العمر واحدن تعرفت عليه ماهو شمري
وهو عز الله ونعم الرجل خشم طيب
خاويتوه وخاويت عيال عموه
اما هو فزي ماقلت ونعم الرجل .. رجالن طيب وعزالله راعي فزعه
اما عيال عموه جحلط يدبلون التسبد
فدايم ياتجمعنا انا وياوه لحالنا يقعد يسبهم
وكل ماهذا يقول ياولد عيال عمي يفشلون
ياجاني الضيف مايعزمونوه الواحد ياغسل يدوه بوجهوه ركب سيارتوه وينحاش
وانا عزالله لاحظت هالشي بهم
يوم جاء اكا اليوم وهو يتصل علي قال فيه خويانن لي عتبان من اهل الرياض
ذبحت لهم وابيك تحضر العشاء قلت من قو
يوم جاء ليلة العشاء وانا احضر
على ماحولت من سيارتي وانا اتواجه مع ثلاثه من عيال عموه عند الباب
وانا اتسالم معهم
والباقين داخل عند الضيوف
المهم هم يدخلون قبلي وانا وراهم
يوم دخلنا على الضيوف وهو يقعد يعرف بنا
قال معكم خالد الـ....... وراجح الـ......... وفيصل الـ........
يوم جاء دوري شي اكيد انوه يبي يقول معكم مشعل الشمري
لكن الغريبه انوه قال معكم مشعل الـ.......
وذكرن من ضمن ربعوه
انا سكت وخليته بوجهه قلت يمكن الرجل نسي ولا اختلف
مار يوم قعدنا وهو يجلس يراعي لي ويتبسم وياخذ الدله ويقهوينا
انا يوم شفتوه تبسم توقعته انه مقصوده لانوه متوقع اني ابي اعزمهم
وافتشل من عيال عموه وقال خل عزيمة مشعل عنهم
هذا اللي توقعتوه
يوم خلصنا من العشاء وانا امسك العتبان واعزمهم على العشاء وهم يعيون ويحلفون انهم يبون يمشون
وهو يجينن حدى العتبان قال انتم يالفلان " وذكر اسم القبيلة اللي منه خوينا" علمكم غانم ونعمن بكم انا سكت وخليته بوجهه
يوم قلت لابوي ضحك وقال خله بوجهه
مار واحدن من عيال عمي شوي ويطرحن
قال عزالله انك مخطي ومابك خير وليه ماقلت انا شمري ماني ......
وعرفت بنفسك عشان تسان به مدحه تنسب لربعك ماتنسب لهم
فرايكم هل انا مخطي يوم خليته بوجهه والمفروض اني معرف بنفسي
ولا ماسويتوه هو الصح
عادي لاتجاملون
رد مع اقتباس
انفرثت تسبدها من الضحك :icon_lol:
المفضلات