طين الكلام

[عبدالله المهيني]

خالد الردادي

شاعر لا يحتاج التقديم بتاتاً
فــ قصائدهـ تقدمه وبتميز
إذا كفى للتقديم هنا
ولـــ ننشغل بالقصيد فقط

[poem=font="Simplified Arabic,4,white,normal,normal" bkcolor="black" bkimage="" border="solid,thin,gray" type=1 line=0 align=center use=ex num="0,black"]
نشف ريق السراب.. ولا ملت عين الطريق خطاه=قسا طين الكلام ولاقسا..زاد البلل طينه
شرب مر السكوت من الحروف اللي تبي تقراه=وسجد كفر القصيد لدفتري لين اعتنق دينه
غرقت اكتب كلام مانجيت الا ..عشان قراه=ونجيت اقرا عذاب ماغرقت اكتب عناوينه
ترا هذا الصواب اللي خطاه ان الصواب اخطاه=وانا هذا الصويب اللي خطاك انك تحبينه
انا هذا الحضور اللي غيابه ماعرف يلقاه=واناذاك الغياب ..اللي حضوره ماعرف وينه
انا ذاك البعيد اللي يموووت..! ولايعيش اقصاه=واناهذا القريب اللي مبعثر بينه وبينه
انا (صوت السكون) اللي سمع غنج الصدى واغواه=بكى حتى. بكى حتى . بكى. من حسرته عينه
عسى صبح الوضوح ليا سرى ليل الغموض وتاه=يجي مثل الضرير اللي يمد الشوف.. بيدينه
ذكرت اني نسيت اذكر كلام..! مانويت انساه=ولكني ذكرت انك.. نسيتي ماتعرفينه
انا من معشر الانس الاوادم.. اولياء الله=واعيش بعالم:...(الجن تعّوذ من شياطينه)
نشف ريق القصيد ولا نشف ريقه شرب معناه=سقا طين الكلام.. ولا بعد هذا القسا طينه[/poem]

يتبع

[عبدالله المهيني]

موسيقة اوزان

[poem=font="Simplified Arabic,4,white,bold,normal" bkcolor="transparent" bkimage="" border="ridge,thin,gray" type=4 line=0 align=center use=ex num="0,black"]
نشوة رضا ! رشفة وهم ! نكهة احزان !=احساس مدري ويش اسميه جاني
من كثر احس اني مع احساسي انسان=احس ان احساسي انسان ثاني
اسمع بصمتي عزف موسيقة اوزان=وارسم صداها في ضلوع المعاني
وشلون الّونها..؟ وانا مالي الوان=غير البياض وحلمي الارجواني
احيان..! اعيش بداخلي لحظة ايمان=واحيان احس اني مجّرد اناني
احيان اقول ان الزمن كله احيان !=واحيان اقول احيان كذبة زماني
هذا انا..؟ والا أنا حالة جنان ؟؟=والا أنا عقلي ؟ وهذا جناني ؟
يامعشر الانس (العفاريت) والجان=البارح ..اللي جاني العام .. جاني
والله .. لو بقلوبكم ذرة احسان=ماتتركون اللي يعاني .. يعاني[/poem]

المبدع : خالد الردادي

[تركي الاسلمي]

صح السان الشاعر وسلمت يداك اخي عبدالله المهيني

[عبدالله المهيني]

تركي الاسلمي



الله يسلمكـ

شاكر لكـ هذا المرور



لكـ الإحترام

[ريال الفسحه]

صح لسانه ولاهنت على هالنقل عبدالله

[عبدالله المهيني]

ريال الفسحه


شاكر لكـ تواجدكـ وحضوركـ



لكـ الإحترام

[هند القاضي]

كما تكون كتابة الشعر موهبه كذلك الأختيار
فن . ذوق . وإحساس سلمت ولا هنت ..

[عبدالله المهيني]

هنـــد القاضـــي



مرور ماطر جداً
شكراً على حضوركـ هند



لكٍ الإحترام

[عبدالله المهيني]

لـــ ذائقتكم
عوده
مع الردادي


بـ وضح القصايد

[poem=font="Simplified Arabic,4,black,bold,normal" bkcolor="burlywood" bkimage="" border="double,thin,gray" type=1 line=0 align=center use=ex num="0,black"]
وضح القصايد.! لامتى وانتن رقاد؟=شاب السكوت .. وخّوة الصمت صلفه
لعلّ مايقدح على كفّي زناد=لاسقيتكن بعد الضما ذلّ وطفه
لاوالله الا توّ مابانت ( سعاد ) . !!=وتو الهوى ماوّرد (زهير) حتفه
قالت من انت..؟ وقلت يابنت الاجواد=انا القويّ اللي قتل فيك ضعفه
وانا السهير اللي تعداك .. نشّاد=يطرد نهار ويلهث الصبح خلفه
نجمه يغيب وضيعته فيك تزداد=ولااشعل سراجه يصرخ الليل.! طفّه
سجين هم ولابس.. ثياب جلاد=نصفه ذبيح .. وذابح الموت نصفه
تلميذ مهمل يشرح الدرس ل استاد=بليد . ! واذكى من تلاميذ صفه
وانا الموقع جرحي ادناه .. من غاد=الشاعر اللي طّوع الشعر حرفه
اصعب حروفي لاركب راسه عناد=يلّذ لي لاعسعس الليل عسفه
اعزف لموته اغنية..عيد ميلاد=واسمع صدى صوت النغم قبل عزفه
بالصدر طفل يسحب خطاه بركاد=وبالعجز ريح يرعب الكون عصفه
لي صدفة احلى من الفين ميعاد=ولي موعد احلى من الفين صدفه
وبالناس لي انصاف واقران واضداد=وكل يفسرني على قد عرفه
وبي جرح ماله غير نزفه له ضماد=وشلون اطيب..؟؟ ولابعد كّف نزفه
واللي بعث هود ل(ارم ذات الاعماد)=انا بزمن يشبه زمن عاد وصفه
أصدق من الدمعه على خّد.. بغداد=واكذب من اللي شافها وغض طرفه
غربه. وهم. حيره. ألم. هم. واجهاد=طالت وضاقت نسأل الله لطفه
ويابنت انا.. طارق مثل طارق زياد=لولا الذي قضبّني الجمر كفّه
والله يلولا. خاطر عيون الاوغاد=ل اقطف لك اللي ماتمنيت قطفه[/poem]

قد

.
.
.

يتبع


،،،

[عبدالله الجعيثن]

جنون


ليس كأي جنون


سأنتظر يالمهيني يارائع