مرحباً بقلوبكم
قصيده متأخره بالتوقيت ولادتها كانت سهّاري بعد الثانيه عشر والصلاة ثم الدوام لم يتبقى له سوى سويعاتفالمعذره لكم ولذائقتكم
[poem=font="Simplified Arabic,5,white,bold,normal" bkcolor="coral" bkimage="" border="none,medium,gray" type=4 line=0 align=center use=ex num="0,black"]
الطار والمزمار والكيــوليه=والعود والمرواس ويا المواويل
وعلوم ربعي وطاري الحايليه=وفنجال بنٍ رايب وريحة الهيل
الفرق شاسع واضحٍ للبريه=ماهو بحاجه للتفاسير ياسهيـل
النفس سمحه والمواجب رضيه=سمن بكيفك لوتبي قللي خبيل
بس الوكاد ان النوايا نقيه=والواضحه ماتطلب الناس تعليــل
أكره طواري شلة العربجيه=عشقي رجالٍ علمهم له محافيــل
اقبل كلام المرجله لي هديـه=والمجتهد لو ينعثر عندي حليـل
القابليه... ارحبي قابليــه=نوبٍ رضوخ ومرةٍ للمداهــيل
وأحيان تاتي كنها عسوجيــه=دنيا تجي اشناب وأحيان له ذيل
جمهورها ياصاح بالصوت هيه=صارت كذا لو الفزع طفسة زويل
أما انا فزعة سما ضيغميــه=تسمع سما على الاقل جيتي سيل
النفس ياجت لك تراهـا رضيه=فيها النشامى والسناعيس والخيل
افرح بها ياناشدٍ عن عطيـه=لا لا تغرك فزعة الذيخ والفيل
متساويٍ فيها البقا والمنيه=مقدامها من لقبوهم مشاكيل
زيزومها راع العطا والحميه=وعلى يمينه قدوةٍ للحلاحيل
غلطان من قال النصر لأكثريه=كان الجنازه واحدٍ للعدو ويل
ماكل اسم ينوصف في سميه=النيل يشهد له مسماه بالنيل
جعل الذخيره عامره والسريه=تردع ضعاف النفس. ناسٍ مهازيل
أو ان ربي حلها هالقضيه=ويبقى الامن سلطان لعيال هالجيل
يعجبني شخصٍ يمتلك جاذبيه=وعند المواقف نادر الفعل حلحيل
فنجال كيف ودلتي حضرميه=الطعم مايفرق سوى صبح او ليل
مااحنا من اللي يعشقون الاذيه=ورفيقنا نعطيه لليل قنديـل
الله يبعد عننا كل سيه=والله يحفظنا عن اللغو والميل
عبيد نرجي ربنا حسن نيه=عساه يرحمنا اذا وزّّن الكيل
فلاح السعد[/poem]
رد مع اقتباس
المفضلات