اختي اصايل .. !!
مشكوره على الفكره الرائعه .. و أروع ماقرأت :
.
.
ليلة البارح عرفت ان الفضاء كله بشاير
وشفت طيفك بين صدق وبين شك وبين حيره
وشفت في رعشة هدبك اسيوف فرسان العشاير
زرت في صدر الخدود الثلج والورد وعبيـره
وشفت ذيك الجمرتين وشبت بجوفي سعاير
وفي الثغر برق وغدير وحظ من يرشف غديره
لو لمحك ابخل بخيل(ن) كان ماهاب الخساير
لاجل عينك ساق ماله والحقه جاه العشيره
يابشاير تذكرين الذنب ؟ والسبع الكباير ؟
قالوا ؟ انتي ارتكبتي واحده منها كبيره
كان للشهره ضريبه ياعديمين الضماير
فالمحرر جسم هيكل حي والميتّ ضميره
صح يفهم بالمثلث والمكعب والدواير
صح يفهم فالمظاهر والمظاهر تستثيـره
صح يفهم فالبنوك وفالعطور وفي السجاير
وفي الادب خسران من هو يابشاير يستشيره
آه ياعمي القلوب وآه ياعمي البصاير
بحركم زيف ونفاق وغبته حسد(ن)وغيرِِهِ
ترفعون الشاعر اللي في مسير الزيف ساير
وتهضمون الشاعر اللي سيرته عكس المسيره
ولا أعم الكل واللي يستمع للشور شاير
والنزاهه فالبشر حسن السلوك وحسن سيره
والادب وسطالجزيره ياعرب واشلون صاير؟
ياترى هو كم باقي ؟ناقد(ن) وسط الجزيره
هو مجرد رآي والا الرآي له ضدن مغاير
ولااخذته من حديث (الترمذي ) وابو (هريره)
يابشاير كل ليله طيفكم راحل وزاير
راحل(ن) يم السواد وزاير انفوس (ن) شريـره
والله العالم بما فالصلب وماتخفى السراير
والله ايرد الاسير اليوم وايحدد مصيـره
لـ الرائع : زاهي الشمري
.
.
.
ماننحرم
رد مع اقتباس
المفضلات