لاحبة المضايف وكل من يعشق الليل واسراره وتمتماته
حائره اخرى تلتمس الدفء في ليل بارد
[poem=font="Arial,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
البارحه والليل مرخي المجاديل=وانا شطون الليل تقتات حالي
اقرب دلالي واحوف المعاميل=واحمس على صالي جمرها غوالي
هذي مصاديرن وهذي مقابيل=وهذيك ترعى في وسيع المفالي
احسّب حسابي واشوف المداخيل=وارجع واشوف اللي لغيري ومالي
اتذكر اللي فات واخشى المقابيل=واخاف من كثرة سواد الليالي
للنفس سجه والمشاعر مداهيل=وايام عمري مشرفه للزوالي
يالله بسترك من جهام البهاذيل=يوم (ن) ننوخ للحمول الثقالي
ويالله طلبتك للدروب التساهيل=في دبرة احوالي عليك اتكالي
ولامن تذكرت الغصون المظاليل=ماكن شيئ من العنا غث بالي
ولامن تذكرت الرجال المشاكيل=اللي بعاد عن الخنا والخمالي
اهل الوفا غرس(ن)كثير المحاصيل=من طيبهم نجني الدرر والآلي
امد للخافق نظاف الفناجيل=اللي تنقا في كرام السبالي
وارجع واقول الله يكافيك يالليل=دايم شطونك قوتها سم حالي[/poem]
رد مع اقتباس
المشاركة الأصلية كتبت بواسطة اصـــااايـــل
المفضلات