سؤال صريح محتاج لاجابه ؟ بين قوسين فزعه

[مشــــعل]

الله حيهم

والله يالربع صار لي ساعه وانا استدير بهالسوعال مادري وين احطوه

قلت مالي الا اهل الفله


حصل اختلاف بيني وبين واحد من الشباب حول معلومه
والمخطي عليه عشاء

عاد البلا مايرضون بحي الله عشاء
ولا كان خبز تميز وجبن كيري يفي بالغرض

والله يالربع خبز تميز ياصار صاخن مع جبن كيري وببسي ورب البيت شي <<مجرب
صراحه يفكن ازمه اكا الليله ياصرت مفلس

المهم
المعلومه هي منهو الرجل اللي تمنى الرسول رؤيته
هل هو حاتم الطائي ولا عنتره بن شداد

انا اقول حاتم ورفيقي يقول عنتره
فنبي راي اهل العرف اما يعشيني
ولا اعشيه الله لايقوله << عفن

عاد عندي ناسن ياصار عليك عشاء وصرت مفلس
وقلت لهم اصبرو لي لاخر الشهر

تعال وشف بهالشهر
انواع الضغوط النفسيه
وانواع التحطيم

وخاصه ياصرتو من الي مايصكون جوالاتهم وهم نوما مثلي
تفاجأ احيانا بوصول رساله الساعه خمس الفجر

تقمز من غرقة نومك تخمش اللي حولك
وتفاجأ ان الرساله مكتوبن به " وين العشاء يالعفن؟"

مانطول عليكم الراي يالربع
كانوه يعشينن خلوه علي

وكان انا اللي اعشيه تروه يشوف كتابتكم
اطلبوه غدي الشاورما تكفي

نخليكم اللحين

وشوفة عينكم الموضوع عباره عن سوعال مار انا مطيتوه غديه يصير موضوع

[شريف روما]

هههههههههههههههه
والله مدري شقول لك

بس يتراولي انوه عنتر بن شداد

[صدى الشمال]

أقول مشعل يالغالي



ليه ما تخلونه قطه





ولا تدري
مامثل المقلي
رخيص وش زينه








بس الإ‘جابه الله واعلم إني مادري













بعدين مشعل
ليه هالعمل هذا
الرهان ما يصلح
وش تبي بالمخاسير










ولا تدري عشهم تر ربعك يستاهلون












ولا تدري
إمطلبهم
يعني إجحدهم










ولا تدري تعذر









ولا تدري
جمريه
بالبر وشاهي



يا بناخي
الجود من الماجود

[راعي الوقيد]

منهو الرجل اللي تمنى الرسول رؤيته
هل هو حاتم الطائي ولا عنتره بن شداد

حي الله مشعل

اقول .. اللي يجيب لك الجواب الشافي هو يحصل له عرااااش

ابو ياسر !!!

انت لو تبي تمنى .. ايهم اللي ودك تشوفه حاتم والا عنترة

انا بزعمي انه حاتم الطائي .. ليش حاتم ..؟

لأنه يتمتع بخصال حميدة واخلاق كريمة ..

فحاتم ، الجواد فلا يجارى ، والسمح فلا يبارى ، والليث الضرغام

قرّاع كل هامة ، جوده في الناس علامة ، لا يقرُّ على ظلامة << ماينام على الضيم ...

فهو قد جمع الشجاعة الى الجود والكرم ...

إذا ً :-

هو حاتم الطائــــــي ابو عدي

خذ العلم الوكاد وحط ببطنك بطيخة شتوي

هلا والله العفو ماسوينا شي

سلاااااااام ...

[المطنوخ]

الا ياليت لو بيل قيتس يخترع لنا انك تقدر تعشى الكترونيا تسان مغابشينك بهذا



السمي
قالك ابوفيصل بالعلم المزبوووط حسب علمي



ابوفيصل
no هنت

[ســــارا الرياض]

اخوي مشعل
الجواب
عنترة بت شدّاد
ولو انا مو ع عجلة من امري
كان جبت لك الدليل
لكن جاك الجواب

[غاده]

معلش لاتزعل ولا يضيق صدرك










هو









عنترة بن شداد








الرسول صلى الله عليه وسلم أعجب بشجاعة وإقدام عنترة بن شداد فقال :-


( ما ذكر لي احد وأحببت ان القاه إلا عنترة )

[ابن جشعم]

ل ل ل ل
ل ل
ل
الحق ماقالت الملاك غيداء

الله يعينك على الحق يالغفيلي

[أبو فهد]

عنترة عبد كليح فحمة من الناس ولو هو شجاع مير ماهي شي بمثل الكرم


و على مقولة المثل


الكرم يورث و الشجاعة حدها براعيها <<<<<<< صفقوه من راسوه




مير و الله رحم من قال مدري




-------------
تحياتي
أبو رشيد

[عجايب بنت الشايب]

[a7la1=000000]

مشعل الغفيلي


بالفله

اسفرت وانورت ......

والله يالربع صار لي ساعه وانا استدير بهالسوعال مادري وين احطوه

قلت مالي الا اهل الفله

أيه الفله الظاهر حفرة الكشته اللي يقطون فيها الأغراض ثمن يحرقونها

عاد البلا مايرضون بحي الله عشاء

الله يعيين يالنسوان حنا اللي ناكلها

انا اقول حاتم ورفيقي يقول عنتره

( ما ذكر لي احد وأحببت ان القاه إلا عنترة )



صدق رسول الله صلى الله علية وسلم






وأبتلش ولد الغفيلي .....




يالربع ..... بما انه استفزع بنا ......


بنقط لك قطيه ..... وأن شاء الله انك بتعشيه عشا ماحصلش على حسابنا

انا اول


باعطيك ريال الفسحه حق اخوي >> ماتقصد احد



ويالله كلن يورينا بياضه >> تصقد زراق فلووسه







^^^,,,.......طحيــــــــاتي ........,,,^^^

[/a7la1]