[poem=font="Simplified Arabic,6,black,bold,normal" bkcolor="transparent" bkimage="backgrounds/20.gif" border="outset,medium,gray" type=4 line=0 align=center use=ex num="0,black"]
برقعك يازين قامت تلاعبه الهبوب=وأنت تدريـبه لاكن ماأنت بحريصن عليه
يالمعيع الأكسجين وشفق وقت الغروب= لرتفع عنه الغطى جعل ربي يبتليه
عزتي للي يشوفه وهو ناون يتوب= راح مرواح القطى والشما لي مقـتفيه
بري حا لي منه برية محاحيل الغروب=عند شراخن يحوفه ويرك النار فيه
ونتي ونت خلوجن تلد لكل صوب=تخترش وأن بان زولن بعيدن تلد فيه
أحتد واها بالعصا فالترايب والجنوب= لين شال أحوارها اللي بماله مشتريه
حرك الموتر وقـفى وهي قامت تلوب=والحبال مجوده من فقاره ليدهيه
كن وزيز أضلوعها جندب الصيف اللعوب= تطلع من الذ ود يم الطويل وتعتليه
والله أني مثالها بين غالب ومغلوب=مرة عاقل وعشرين مراتن سفيه
انفرى جيبي وأنا صابرن صبرمغصوب=طاح له في يد عدون بيلعن والديه
الجفا ياناعس الطرف ماهوب أمحبوب= لوتسال أدنى بشرقال والله مانبيه
وأنت تسمح للمفاتن تحملنا الذنوب = وأن بغينا ناصل أحماك مانقدر نجيه[/poem]
رد مع اقتباس
المفضلات