إبتسم مع الشعراء ...

[أم نــــــــــواف]

ليس كل الشعر
مدحاً وهجاء
غزلاً ورثـــاء
ردّ وإستجداء
\
/
\
بل فيه من الأبيات الطريفة مايرسم الإبتسامة على وجه القارئ ..

هلاّ هممتم معي إخوتي الأكارم في تجميع الأبيات الطريفة في الشعر النبطي .. مشكورين .

سأبدأ من عندي وأنتظر منكم المشاركة إن جِدتم بها ...


قال أحد الشعراء ...

[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
فكرت مرّه اسرق البنك وأعتاش = وصممت من قلبي أنفذ قراري

وجهزت نفسي في مسدس ورشاش = ثم إستعديت لجميع الطواري

لكن قبل لا أسرق البنك وانحاش = احترت بين المركزي والتجاري[/poem]


ننتظر مشاركاتكم إن شاء الله

-
-

[ريال الفسحه]

لكن قبل لا أسرق البنك وانحـاش
احترت بين المركـزي والتجـاري

هههههههههههههههههههههههههههه

حلوه هاللحين بلشان بين المركزي والتجاري.......

ابجيب ابياااات وانكس لتس......



لاهنتي

[شموخ]

اهلين ام نواف


على الطاير من الارشيف

فيه بيت دايم يردده خالي بس ماهو من نظمه ماندرى من شاعره


بعض العرب ودك تحطه بمخباك ............. تظهر خشيمه كل ساعه وتحبه

وفيه بيت حافظته بس مدري لمن .

لي صاحب ٍ لامن تبسم مثل قبل امس ........ يالله يجمع كشرته عقب باكر

وفيه ابيات يقول فيها

لي صاحب لاشفت وجهه توحشت ............. وجه كريه وحاوي كل شيني
له برطم لامن ضحك كنه الطشت ............. والخد من شينه كما جدار طيني


ايضا فيه ابيات

انا حسين وعزوتى أهل بنجلاديش ............. الرجال اللي تحتميهم حسينه *
ليا تجمعنا تجمعنا على لقمة العيش ........... وان جاء نهار الكون رحنا عجينه

* يقصد بها رئيسه بنجلاديش السابقه ( والله مدري لو كان للحين حاكمتهم )

يامرحبا ترحيبة تسبق الفار ........... لصار في دربه ثلاثين بسه

*****

حنا بنى هنود لاصار جنجال ........... نارد حياض الموت مافيه مشكل
واحد نفر يكفي عن الفين رجال ...........متسلح عجرا وراسين فلفل

وفيه ابيات سمعتها بقناة الواحه قبل يومين بشاعر المليون بس للاسف الله يخلي لنا جدتى نادتنى وماسمعت بقيه القصيده

اللي قالها واحد شايب شكله بدوي يقول

صديق سلم على رفيق ......... قله ترى حالتي تيقا

وفيه ابيات جتنى مسج من وحده من زميلاتي

عزى لمن حده زمانه على زيود ............. جريمة كبرى وعظمى وشنعا
عبده شراحيلي وشوعي ومحمود ............ وكبودنا من ذيك الاشكال وجعا


وفيه مسج ثاني برضه جانى من وحده من صديقاتي العزيزات دائم تقول عني قاطعه واعترف بالتقصير تجاه صديقتي .


ياصاحبي جعل العقارب تعشاك ............ في ديرتن ماطاح فيها الربيعي
سته وعشرين الف عقرب توطاك ........... حتى تسوي فيك فعلن شنيعي
حيثك نسيت اللي من الناس خاواك ............. وهذا لمن خان الرفاقه طبيعي






وسلامتكم هذا ماطرى على بالي اللحين لو اتذكر شي يحمل الرجعه برجع

على فكره الابيات اللي استشهدتى بها للشاعر حمود البغيلي .


شكرا لك يام نواف

[أجا]

ام نواف

فكره حلوه



هلا رأيت الخيل يأبن مالك ( ن ) ..... تاطا شخانيب الرضم ماتشوفي


...................


رمتني بسهمن فكان السهم رنانا .... فوطيت راسي فمر السهم من هانا .


.

[ريال الفسحه]

[font=Simplified Arabic]شموخ

الله لايضرتس......[/font]

[فلاح العماش]

أم نواف



ألف شكر لك على الموضوع الجميل والممتع



والتفاعل واضح من الأعضاء

والشكر موصول


للأخت شموخ على كميّة الضحك التي أهدتها للقلب





الموضوع ثبّت


لأضفاء نوع من الأبتسامه والمرح هنا




دمتي أم نواف

[أم نــــــــــواف]

الأكارم

ريال الفسحه

شموخ

أجا

فلاح العماش


شكرا لكم جميعاً على المرور والمشاركة بما جدتم به

وشكرا أخي فلاح للتثبيت ..

ـــــــــــ


وهذه مشاركة للشاعرة عابرة سبيل رحمها الله ..


[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لي صاحب منه تبي تطلع الروح = خبل ومن هي مولعه فيه.. خبله

عامين المح له مع الجد و مزوح = واقول يا عنتر تناديك عبله

طال المدى ثم قلت انا اغليك يا لوح = مجروحه جرح مخاطره عجله

دنق و قال أنا من العام مجروح = و أشر لجرح مبطي وسط رجله[/poem]

-

[الصيرمي]

ام نواف

فكرررررره حلووووووه

احب اضيف البيتين

[poem=font="Simplified Arabic,5,white,normal,normal" bkcolor="black" bkimage="" border="none,medium,gray" type=2 line=0 align=center use=ex num="0,black"]
عطني زقاره من الباكيت = باكيتي اللي معي خالي

حسبي على راعي الوانيت = اللي خذا صاحبي الغالي [/poem]

تحياتي

[ابو عارف]

فكرة رائعه يا أم نواف

وخوذي مني هالرائعه

[poem=font="Simplified Arabic,4,purple,bold,normal" bkcolor="white" bkimage="" border="none,medium,gray" type=4 line=0 align=center use=ex num="0,black"]
ريق الحبيٌب حليب أرنب *** هجلن ولاعمره إكمشبه
وقرونها ياذنب عقرب *** اللي ليانيش تلغش به
وريح الحبيب ياريح أجرب *** اللي أليفه يطنش به[/poem]

[عبدالله المهيني]

فكرة جميلة أم نواف



وفيه أبيات ماني عارف شاعرها
تقول

[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يامحلا النوم على فراش ممدود=في ليلة مايقال بكره دراسة

يصبح عليك الصبح ماجاك منكود=ولا جاك من ثقل الليالي تعاسة[/poem]

شكراً أم نواف