-
[gdwl][gdwl]
قصيدة أعود إليها دائمــــــاً
وأحفظ منها الأربع أبيات الأخيرة
لاتحتاج منّي تقديم سوى أنها مرثية كتبها طلال الرشيد
بخاله ممدوح البندر السبهان ويتذكر جدّته عفراء رحمهم الله ..
[poem=font="Simplified Arabic,5,burlywood,bold,normal" bkcolor="black" bkimage="" border="none,medium,gray" type=2 line=1 align=center use=ex num="0,black"]
تعلّمت النواح اليوم لين أبكيت صوت النوح=وعرفت اليوم ليه الله خلق لي دمعي الصافي
عشان أبكي وأنوح اواه لامنه طرى ممدوح=الا ويلاه واويلاه واعظم ويلي الخافي
على ممدوح دمعي دم خالي والعيون جروح=رحل عني حبيب الناس لازعلٍ ولا جافي
عقب منكف حصان الشيخ مدبح والعنان يلوح=عليه المعرقه تومي جفير السيف متهافي
تلفّت ونشدت .. العلم؟ من جاب الخبر بوضوح=وقيل العلم يامسكين غزو الشيخ بنكافي
ترى غازي الزمان اكتف لاخايف ولامذبوح=ولكن له بلوغ كتاب يالله تجعله وافي
نثرت الدلّة الصفرى فلا لي بالكرم مصلوح=كسرت الرمح دون السيف ياخلاّف ياكافي
أنا والله لولا الله وأخشى من خفي البوح=حضنتك ميّت وأقفيت كود تعود متعافي
قطعت يديني الثنتين يومٍ شالتك في لوح=ويوم تدفنك بتراب وتنفض باقي السافي
على الصقار ياصعبه فراق الأشقر الدابوح=يعين الله أبو ممدوح الامن صد لخلافي
أنا خالي نهار ونار شمس تخجل أهل الضوح=وبعض الخلق عقب الشيخ سرج وبعضها طافي
له قلب بياضه قطن أوسع من فضاة الدوح=مريض تقبل بهمّك وتنكف ضاحك شافي
خوالي بينهم والناس من طيب المكارم شوح=حرار يقرب الطلع البعيد ومحزم ضافي
بقالي من حليب أمي لهم دم يجي ويروح=اطيب بطيبهم غصبٍ أقلد شيمة اسلافي
وإذا حنّا بكينا ولف موضي تفتخر وتدوح=يخو موضي فخرها إنت وإنت ستارها الوافي
وأنا قبلك دفنت أمي ومعها قد دفنت الروح=عقب ( عفرا) عقب ( ممدوح) صرت العاري الحافي
أنا في حايل أحبابي قبورٍ علمتني النوح=انا منها عرفت إشله خلق لي دمعي الصافي[/poem]
-[/gdwl][/gdwl]
رد مع اقتباس
المفضلات