الأعزاء .....
مساء الخير والمحبه
اهديكم هذه القصيده التي اتمنى ان تحوز على اعجابكم .
لكم جميعا ..
( الهقوووووووووووه )
ابعد ويبعد ونتفارق على خير
واقول شيء (ن) شافت العين مكتوب
الله يعين اللي مشى دون تخيير
والله يعين اللي على البعد مغصوب
حكم القدر ياصاحبي والمقادير
تمشي ونمشي في دهليز ودروب
سقيت حلمي من رذاذ النوافير
وسقاني الواقع مراراة ... وهروب
ودمع (ن) تحدر فوق روس المحادير
وش حيلتي به دامني صرت منكوب
خله عساه يسيل سيل الأغادير
ويطفّي بصدري من الوجد لاهوب
وأن قالوا : انسى يب يجي واحد(ن) غير
اقول أنا : الا صويحبي عنه ماتوووووووووووووووب
لو جنّ كل البيض عندي مسايير
هذاك .... يسوى ياسعد كل رعبوب
هذاك سيد وسيد كل الغنادير
هذاك ... مابه ياسعد أي عذروب
هذاك حتى النور من نوره يغير
محسوب من عمري وأنا منه محسوب
هذاك لعيونه خذتني التفاكير
وهذاك بعيوني غدا أعز محبوب
وكان الخطأ والذنب عشق المخادير
عز الله أني كلي .. أخطاء.........وذنوووب
حاولت أنا اصبر يالعيون المساهير
والصبر جاوز داخلي صبـــر أيـــــــــــوب
حاولت أن اشرح قصتي بكل تعبير
وعجــزت ابيّن للعــرب جــرح معطــوب
لي قصة(ن) ما ترجمتها الطباشير
وبيــض الصحــايــف ماحوتــها بدالــوب
يم وقفوا دونه وجوني محاذير
ثم هددوني بقولة : الدم مسكـــــــوب
أنا احسب أني بقطف احلى النواوير
وأنا احسب انــه ينجلي كــل مكـــــروب
أثر الزمن والناس صارو مخاشير
كل (ن) غدتله موتتي شيء مطلـــوب
عابوا غرامي بزايفات العاذير
حــب الشرف ياللأسف صــار معيــوب
( منهو يناديلي يزف التباشير
ابنتخــي مادامني شخص مغلــوب)
(والهقوه).. اللي مالقت عز تدبير
تفنى .... وراعيها من العـز مسلـــوب ؟؟!!!!!
واخافق اللي يرتجي يوم تحرير
ايموت ... مايلقى قلـــوب(ن) لــه تــــذوب
عجزت اميّز راعي الشر والخير
مادام كل(ن) قلبه اليوم ........ مقلوب !!!
وعجزت ألاقي حل وألقى تفاسير
حلمن توارى .... وانطوى لحظة غـــروب
اخطط لعمري رسوم.. ودواوير
وأتذكر أن العمر .. ضايـــع ..... ومنهــــوب
ماهمني جمع الذهب .. والدنانير
ولا همنـي دنياء تجــي لكــل لاعــــــوب
ياليت ربي يوهبن كفخة الطير
والله لكفخله.... وكل ضــــو مشبـوب
وأسامره .. وأنسى جميع المعاسير
لين اتهنّى ... وتهتني قلوب ... بقلــــوب
وش عاد عمري لو غدا من المخاسير
ماعادلي في باقي العمــر مرغـــــــوب
اشوف كني ياسعد عاكس السير
سطر(ن) غدا في صفحة العمر مشطوب
كم اتعبتني وقفتي والمشاوير
مابين.... بين وبين حاير .....ومنصــــوب
وياكم تعبت آشيل همي وأنا اسير
حتى شماغي صار يثقل مع الثــــوب ؟؟؟!!!!!!!!
مصايب الأيام .. صفت طوابير
ثم فتّحت وسط الحنـايــا لــها بــــــوب
مخذول من دنياي لاقيت تكشير
ماغير أنا والهم ......... صاحب ومصحوب
وتعطيني الدنياء وعود(ن) وتخدير
وأكشف ألاعيبه .... وهي تقول: يادووووب !!!!!
وأقول له : وش فوق هذا يبي يصير ؟؟؟؟
وتضحك عليّ وتقوللي : النوب ...النوووووووب ؟؟؟؟؟؟!!!!!!!!!!!
وسلامتـــــــــــــــــــكم
رد مع اقتباس
المفضلات