لمحبي الكبتشينو !!!الطريقه بالصور !!

[ريم شمر]

نوريه //

هلابك ياغاليه ,,,وبالعافيه الضافيه

[ريم شمر]

عجوبه اللهلوبه قاهرة الديكتاتوريين

تستاهلين مكينه كبتشينو ياعسل ,,

.
.
الورد لك وحدك

[ريم شمر]

ماصارت طبخة

ياشين الغيره

يعني علشان انا حاربت زوالتي وانتصرت عليها وسويت مفطح كبتشينو

وانت ماعندتس طاري تسوين بيالة شاهي قمت تطلعين الاكو والماكو


مالقيتي بالورد عيب قلتي له يااحمر الخدين

ماودتس تفرمينها حسب الرغبة

والله ساعات تطري علي هالافكار الارهابيه
بس انتي بالله وش فيتس ينفرم ياعمري <<حنّت

ريومة بسويها مع إن خلطة الكابتشينو مادخلت مزاجي لأنها نفس المقادير بس بدال النسكويك نسكافيه

الحين اللي ودي افرمتس

مافهمت

نفس مقادير ايش


بعدين النسكويك مهو اساسي

شي اضافي بس

حسب الرغبه

يعني تضيفينه كـ رشه بسيطه في النهايه للي يحب نكهة الشكولاته ,,

وماعليتس من هالعلبه اللي ماليتن الشاشه

السالفه اني فرحانه ان عندي نسكويك ورازتن العلبه هيك


.
.
ريوم ارجعي لفصيحتس لاعاد اشوفتس هنا

اصلا انا وياتس مايصلح نجتمع بالمطبخ

.

[شموخ]

تسلميييييييييييين ريومه .


المشكله انى اللحين اشرب قهوه عربيه بخلي طريقتك بالليل اجربها مايصلح نعمل كوكتيل عربي + ايطالي


تحياتي
شموخ

[هند القاضي]

تسلم إيدج أم طلال



ولا عدمنا المواضيع الحلوه



دمتِ بخير

[ريم شمر]

غادتنا //هلا بك منوره وربي

لكن نجرب واشك بذلك

جربي وعلى مسؤليتي

اصلا اي اكل من صنع يدينك
بيكون له طعم غير وبيكون تجربه حلوه <<<علمي روحتس

رائعه وفنانه ياأم طلال ماشاء الله

عا رفه مو اي كوفي ممكن يتفضل عليك بمثل هذا الفنجان مع الرسم والتجميل

الي يتطلب خفه يد واتقان

انا صح رائعه وفنانه ومافيه مثلي ابد

بس عاد التسذب خيبه الله لايخيبنا

اخر صوره

صورة الكبتشينو المزخرف مهو من عمايل ايديني مثل الاولات

واصلا هالمره ماحاولت ازخرف ولاطرى لي

هذي صوره عندي في الجهاز وحبيت تعبر عن كلامي

بس عموما طريقة الزخرفه سهله جدا وماتبي لها شي

وسبق وجربتها وظبطت من احلى مايكون ,,


بعد ماتخلصين مسويه الكبتشينو

هاتي كريمه وضعيها على الحواف

ونقطه بالوسط

بعدين استخدمي الشكولاته السايحه بشكل دائره

على النقطه اللي بالوسط

وحول الكريمه اللي على الحواف من الداخل

بعدين سحبي الشكولاته بعود او بسكين بهالشكل

زي ماتسوين مع التشيز كيك اذا بغيتي تزينينه





وسلامه تسلمك ياعسوله


.
.





.
.

[ريم شمر]

ايمان //

هلا امونه وشكرا لحضورك ياغاليه ,,

[الجازي]

نفس المقادير يعني :

الخلطة مقاديرها (( سكر / نسكافيه / موية ))

والمكونات الثانية (( سكر / نسكويك / حليب ))

بالله وش الفرق بين المقدارين !!

كلهم فيهم سكر

وكلهم فيهم نسك (( بس واحد ويك والثاني افيه ))

وكلهم فيهم مويه (( بس واحد مويه سادة والثاني موية مع حليب بودرة ))

<<<<<<<< ياشين اللي يطيح وجهه ولا يعرف يصرّف

الزبدة هالتميلح والتفلسف اللي ماله سنع خليه عنتس واخلطي الدنيا جميع

حليب مع سكر مع نسكافيه مع نسكويك وقضينا بلا خلطة كابتشينو بلا مقادير ثانية

<<< بالله ما أنفع أحطم

باختصار السنع اللي يجي من وراي ما أبيه !!

يانتسنع سوا يانقعد على شغلنا سوا

سلام يا بعد الكابتشينوات كلها والإسبريسوات بعد

[ريم شمر]

المشكله انى اللحين اشرب قهوه عربيه بخلي طريقتك بالليل اجربها مايصلح نعمل كوكتيل عربي + ايطالي

العربي اكيد احلى


حياك ياشموختنا

ومن الحين ورايح خلي المشروبات الايطاليه مع الصبح على فكة الريق

والعربيه مع المغربيه


قهوتنا ماتصلح الا بصحبه وجلسات عائليه

اما الكبتشينو والنسكافيه فهو حق التفكير والهواجيس

.
.

[المطنوخ]

ابي قهوة فرنصيه مابي كتشينو