السلام عليكم
بالخير يالذيابه
بالخير يالذيابات ( الذيابات وليس الذبابات )
ألف 1000 مبرووووك تعين أختنا الكريمه ( كلها إعجاب )
وبدون شك بأنها تستحق وبجداره هذا المنصب .
لذا ..
أخوكم أبوثوب
مايقعد راحه .. وربنا يجيب العواقب سليمه
**********************
بسم الله الرحمن الرحيم
من عظيم الفله / الأصيل أبوثوب ـ أطال الله بقاءه ـ
إلى إمبراطور الفله / الأطنخ أبو زبون ـ طيب الله ثراه ـ
أما بعد ( أسلوب أيام الدوله العباسيه )
فقد ساءنا وأوجع تسبودناماحصل من تعيين العجوز مشرفتننن على الفله والشيبان
وإن هذا يعتبر خرقاً واضحاً لمعاهدة مدريد التي تنص في الماده أربعطعش على :
(( كل شي يجوز ألا تعيين العجوز ))
وقانون منع التسول الذي يقول(الدين ممنوع والعتب مرفوع والرزق على الله)
( ماحنا ببقاله يابوثوب !!! )
واعلم ياطنخان .. وعلمن ياصلك ويتعداك إلى سينما الصليبيخات ودوار العظام
( على فكره : سينما صليبيخات به محل بيتزاهت على كيف كيفك )
اعلم أن شيبان الفله لن يخضعو لهذا القرار ولو وصل الدم للركبه والخشم والحجاج
وإذا لم تمتثلو لمطالبنا .. فإننا نعلن الهجره الأبديه إلى أحد المضايف :
1 ـ قصه وقصيده
2 ـ الشعر الشعبي
3 ـ الإسلامي
4 ـ المطبخ
علماً بأني لو مت من العطش والجوع ولو أعيش بالنفود وتاكلن الذيابه .. لايمكن أن
أهاجر إلى مضيف ((( الأدب العربي )))
كما أنني قد قمت بجولات مكوكيه لحشد التأييد لقضيتنا العادله
واعلم ياأبا زبون إن دكتاتوريتك ماهي علي
وإنني أتمثل بقول رحمت ابن رثعان ( منهو ابن رثعان ) ؟؟
يوم يقول :
لاصار أخو طنخه على الحرب جاهز ** حنا نقول : تعوذ من إبليس واكفنا شرك يابن الحلال
والعلم ماترى لا ما تسمع ( روووووووووووووووح )
ختاماً :
أقول للبنيوات اللي مبسوطات يهلهلن لخويتهن عجايب بأن : الفرحه مش حتّم
دام إن الأصيل والزقرت بالفله ....
يقول أبوثوب
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
إيه ياوقت الشقاوه .. آه يالقلب الشقاوي=ياعسى بالأمر خير ، وياعسى بالأمر خيره
الله أكبر زادت البلوى على الفله بلاوي=المضايف جنة الدنيا ، وحنا بالسعيره
والإداره مايخيب الراي فيهم والهقاوي=والعجب : ( كله عجايب ) يوم للفله تديره ؟!!
باسم شيبان المضايف اشتكينا بالشكاوي=فنشّو ( كله عجايب ) ،، عينو رجّال غيره
والأصيل اللي تكفّل بالقضيه والدعاوي=عظ ثوبه في سنونه ،، كل يوم يطب ديره
والقضيه كاسبينه لو دفعنا للرشاوي=لو يسيل الدم الأحمر بالمحاديب الشطيره
ون خسرنا .. فالأصيل مبيّت النيه وناوي=يجْمع ثيابه من الفله ولو يبعد مسيره
ونت يالحر القطامي ،، ونت يالطير النداوي=ياهل المضياف كلن باللزوم يهد طيره
هاجرو .. للبن الأشقر والسوالف والقهاوي=عند أبوفيصل وكل اللي يجي عنده يجيره
أو على شعر وقصايد للسديري والعطاوي=والمهادي بالمثايل يصبر لزلة قصيره
والفوايد في مضيف الدين وشيوخ وفتاوي=مارواه أبو بكر وابن عمر وأبو هريره
أو على المطبخ إلى الكبساااات وأنواع المشاوي=والعصير وبيض مقلي والحلاوه والفطيره
ذا صحن مندي دجاج ورز وقلوب وكلاوي=واتركو كل المواضيع الطويله والقصيره
لن نعود لساحة الفله ولو فيها المخاوي=دام الأطنخ دكتاتوره والعجايب سكرتيره[/poem]
.
,
.
ختاماً :
كل ماأغيب .. ألقى : فلان حدر اسموه عشر نجمات
وفلانه حدر اسمه ثمان وعشرين طعش نجمه !!!
وحنا .. ماتجينا ترقيه !!!
وترقبوا ......
قنبلة الموسم في الأدب العربي
بمان الله ياعيال
بمان الكريم يابوثوب
رد مع اقتباس
مشرف مضيف الترحيب والتعارف
المفضلات