الي اخواني اعضاء وزوار مضيف شمر الشعري
مع تحياتي وتقديري لكل من شرفني بالمرور
خوكم برق المحيا
[poem=font="Simplified Arabic,5,white,normal,italic" bkcolor="transparent" bkimage="" border="groove,medium,gray" type=1 line=0 align=center use=ex num="0,black"]
عابر سبيل وجيت طرقـي وزوار = من دار نور الحق منهـا يجيهـا
من ديرت(ن) ضمة جسد خير الأبرار= دار السـلام وكـل مسلـم يبيهـا
طيبه وطابه والمدينة والأنوار= والخيـر وام الخيـر دار(ن) عليهـا
مسجد تجيه الناس من كل الأقطار= من أقصى بقاع الأرض تأوي إليها
هاجر لها الهادي وحيوه الأنصار= ومنها ابتدأ الإسلام للـي يليهـا
فيها بقـا للعـز والمجـد تذكـار= من عصرها الماضي شذا يحتويها
يفوح منها المسك وتغار الازهـار= والعـود والعنبـر يقبـل يديهـا
يحتار فيها الشعر والنثر يحتـار= واحترت كيف أبدا بهـا وانتهيهـا
مرت على أفكار وأفكار وافكاااار= ويكفي إذا قلت النبي عاش فيهـا
منها لفيت وفي يدي دفتر أشعار= ولي قيمة(ن) وسط العيون احتريهـا
واشيل في قلبـي تحيـه ومقـدار= ومقدار نفسي حافظه وارتجيهـا
تبقى على عهدي بها وسط الأحرار= وعن زلتي وسط الرجال احتميها [/poem]
رد مع اقتباس
المفضلات