الضياغم

[عايد الصنيدح]

الضياغم

[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بديت بسم اللي على الناس عالي= فرد صمد من فوق عالي السموات
من بعدها اثني على راس مالــي = ربعي الضياغم ابدع الشعر يالذات
تاريخنـــا معروف مثل الزلالـــي = تاريخنــا ماهـو ملفــق وكـذبــــات
تاريخنـا ياجاهــــل اول وتالــــي = تاريخنـــا مـعروف خــذها من الات
بوادي اليمن السيل يالربع سالي = وقبله لسلطان اليمن صرنا اعصات
وياكـــم ذبحنــا علهــم للـزوالـي = وصرنا سناعيس علــــى مر جولات
عــــام الثمـن ميـه عـد الكمالــي = جينـا الجزيـره بالضياغــم وغـارات
مـن اليمــن جينــا بتثليث والــي = واميرنـا شهــوان كســاب طــــولات
شهوان ابن ضيغم عريب السلالي = هـو جدنـا جد الضياغــم وخذ هات
وجانا الشريف وباغي وجه غالـي = دخيلنــا ثمــــن سقينــاه ويــــــلات
وسلطــان مــارد قـال ميثاء حلالي = سلطــان مارد راح بسيوفنـا مـات
اللي ذبحه حميــدان ذيـب العيالــي= حميدان ابن ضيغم وللذهن روغات
ثمـن حرفناهـــا علــى دو خالــــي = بريـاض نجد اللــي تسمى بتنهـات
ومـن بعدهــا رحنــا لذيـك الجبالي = اجا وسلمى يــم بهيجــــن وأبـانات
وحنـا اللــي حدرنا بهيجن بخالـي = ثمـن حكمنــا بالجبـل حكمنـــا بات
وحنا الطنايــــا حاصرونـا ليالـــي = تسعيــن ليلـــه وانتصرنا بعـزوات
بعبــده وسنجــاره وعـز الرجالـي = ومعنا العجرش مايهـاب الملاقـات
واهل اللحيسـه كاسبيــن المعالـي = وعيـال زوبـع والمساعيــد شارات
على الشريف محمد وبيـص قالي = ياعـم قومــن مـايعــــرفــون ذلات
وسمونـا اليتمـــان لكثــر القتالـي = تيتمـــوا تسعيــن قتلــــى واصابات
وابن علي محمد لا جاء مجالي = السمن العرابي وللشيخ وقفات
وصحن ابو فارس للضد صالي = وكل العلي شجعان راعين فزعات
اللي حكموا قرنن ونصف وحوالي = حكم العلي ولليوم باقي امارات
ثم ابتدا حكم الرشيد الموالي = مع دولة الاتراك صارت علاقات
عبيد وعبدالله لشيل الثقالي = وأبو خشم سعود راعي الصعيبات
ومن شاف اخو نوره صابه اجفالي = عبدالعزيز الليث رجل المهمات
سمي الجنازه يودع الجمع بالي = ينطح الميه مايهاب المغيرات
وبقعاء والمليداء والجوف تالي = وعروى والجميما جراب وعيارات
والمستوي والاشعلي ينحكالي = ماعدهن بس المعارك كثيرات
ومنا العلي ثم الخليل الكحالي = ومنا الرزانا والعبيد وعطونات
ومنا بني جشعم والكل حالي = والحيمر اللي مايهابون صكات
حنا وعبيده والهواجر جمالي = اليا انتخينا بالضياغم لنا فات
وحنا الضياغم لا شرينا بغالي = وكم سجل التاريخ منا بطولات[/poem]

أخوكم الشاعر / عايد الصنيدح (شبل الضياغم )

[سيف الدولة]

قول وفعل وتاريخ وفصل وأصل لكم والنعم

أخي عايد صح لسانك ولاهنت على هذه التاريخيه

[سيف الضيغمي]

وحنا الضياغم لا شرينـا بغالـي وكم سجل التاريخ منـا بطـولات00

سلمت ولا هنت 00 كفو والله00سلم الله لسانك على هالقصيدة الزينة00 اخوي الشمس ما تغطى بغربال00 و من مايشوفها اعمى00 ومن غمض عنها00 يحس اشعتها و حمّها00 والله و النعم من الضياغم 00 و من شمر العز كلها00 عفية والله000
و اســــــــــــــــــــلم00

[أم نــــــــــواف]

قصيدة قصصية فخريّة

تعج بالصخب الحماسي


صح لسانك ونعم فيك وفي كل الضياغم

وشمر عموم


بارك الله فيك اخوي عايد

وياهلاااااااا بك بيننا ..

[فايز عيد الشمري]

صح لسانك أخوي عايد أبيات رائعه جدا
لاهنتتتتتتتتتتتتتتتتتتتتتتتتتتتتتتتتتتت

[ريم شمر]

هذي تصلح لمضيف قصه وقصيده

.
.
.
صح لسانك وسلمت ولاهنت ,,,

.
.

[شريف روما]

تسلم والله يالشمري على هالقصيدة الطيبة

صح السانك

والجنازة على مااذكر ينادونوه اخو رثعه



لاهنت
والله يعطيك العافية

[راعي الوقيد]

^
^
صح

تسلم يالشاعر على الجلب الطيب

وسلاااااااااام ...

[احـمد الـطـرقي]

الضياغم

[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بديت بسم اللي على الناس عالي= فرد صمد من فوق عالي السموات
من بعدها اثني على راس مالــي = ربعي الضياغم ابدع الشعر يالذات
تاريخنـــا معروف مثل الزلالـــي = تاريخنــا ماهـو ملفــق وكـذبــــات
تاريخنـا ياجاهــــل اول وتالــــي = تاريخنـــا مـعروف خــذها من الات
بوادي اليمن السيل يالربع سالي = وقبله لسلطان اليمن صرنا اعصات
وياكـــم ذبحنــا علهــم للـزوالـي = وصرنا سناعيس علــــى مر جولات
عــــام الثمـن ميـه عـد الكمالــي = جينـا الجزيـره بالضياغــم وغـارات
مـن اليمــن جينــا بتثليث والــي = واميرنـا شهــوان كســاب طــــولات
شهوان ابن ضيغم عريب السلالي = هـو جدنـا جد الضياغــم وخذ هات
وجانا الشريف وباغي وجه غالـي = دخيلنــا ثمــــن سقينــاه ويــــــلات
وسلطــان مــارد قـال ميثاء حلالي = سلطــان مارد راح بسيوفنـا مـات
اللي ذبحه حميــدان ذيـب العيالــي= حميدان ابن ضيغم وللذهن روغات
ثمـن حرفناهـــا علــى دو خالــــي = بريـاض نجد اللــي تسمى بتنهـات
ومـن بعدهــا رحنــا لذيـك الجبالي = اجا وسلمى يــم بهيجــــن وأبـانات
وحنـا اللــي حدرنا بهيجن بخالـي = ثمـن حكمنــا بالجبـل حكمنـــا بات
وحنا الطنايــــا حاصرونـا ليالـــي = تسعيــن ليلـــه وانتصرنا بعـزوات
بعبــده وسنجــاره وعـز الرجالـي = ومعنا العجرش مايهـاب الملاقـات
واهل اللحيسـه كاسبيــن المعالـي = وعيـال زوبـع والمساعيــد شارات
على الشريف محمد وبيـص قالي = ياعـم قومــن مـايعــــرفــون ذلات
وسمونـا اليتمـــان لكثــر القتالـي = تيتمـــوا تسعيــن قتلــــى واصابات
وابن علي محمد لا جاء مجالي = السمن العرابي وللشيخ وقفات
وصحن ابو فارس للضد صالي = وكل العلي شجعان راعين فزعات
اللي حكموا قرنن ونصف وحوالي = حكم العلي ولليوم باقي امارات
ثم ابتدا حكم الرشيد الموالي = مع دولة الاتراك صارت علاقات
عبيد وعبدالله لشيل الثقالي = وأبو خشم سعود راعي الصعيبات
ومن شاف اخو نوره صابه اجفالي = عبدالعزيز الليث رجل المهمات
سمي الجنازه يودع الجمع بالي = ينطح الميه مايهاب المغيرات
وبقعاء والمليداء والجوف تالي = وعروى والجميما جراب وعيارات
والمستوي والاشعلي ينحكالي = ماعدهن بس المعارك كثيرات
ومنا العلي ثم الخليل الكحالي = ومنا الرزانا والعبيد وعطونات
ومنا بني جشعم والكل حالي = والحيمر اللي مايهابون صكات
حنا وعبيده والهواجر جمالي = اليا انتخينا بالضياغم لنا فات
وحنا الضياغم لا شرينا بغالي = وكم سجل التاريخ منا بطولات[/poem]

أخوكم الشاعر / عايد الصنيدح (شبل الضياغم )

عايد الصنيدح

شبل الضياغم

شاعر قد لا يعرفه الكثير ولكن الكثير من الشعر يعرفه

اسم لم تستميله اضواء الشهرة

وارتضى ان يبقى شبل الضياغم اكراماً لهم وله
حضوره هنا تم عن دعوه قدمتها له
وكلي خجل ان حضر قبل حضوري




فـ اهلا بك شاعري عايد واهلاً بالشعر الفخم معك

الف نعم والله وصح لسانك

مودتي

اخوكـــ

[عبدالله الجعيثن]

عايد الصنيدح


صح لسانك


تشرفنا بتواجدك بيننا


ملاحظه: من شروط مضيف الشعر ان يكون بين المشاركه والاخرى 5 ايام على اقل تقدير وذلك لكي تأخذ القصيده حقها من الردود..نرجو الانتباه في المرات القادمه