بسم الله الرحمن الرحيم
والله مالي وجهن اواجهكم
فات رمضان ولاباركنا وفات العيد ولاعايدناكم
عموما كل عام وانتم بخير بعد الزحمه
اهدي لكم هالمتواضعه
مع العلم اني من المبغضين لشعر الغزل
وبقوه بعد
لكنها عشان طلب بعض الاخوان
مناسيتها قيلة في موضع اخر
لكن بما انها مصافحه من بعيد غياب
فلكم ان تعتبرو ان المخاطب بها هي "المضايف"
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لاتنشديني عن سبايب غيابي=ماهو جفا..ياعزوتي..مار مكتوب
الله يعلم..من زماني صوابي=واصبحت من غرات الايام مصيوب
نمشي على كف القدر مانهابي=وناطا على الرمضا..مشاوير..ودروب
اصبر على المكتوب ماحدن درابي=والصبر..في صكات الازمان مطلوب
اخاف تعلم باقي الخلق مابي=وان بان سرك..صعب..مايستره ثوب
عساه يفتح للفرج الف بابي=ولاعساها تنتهي بالف ذاهوب
اما تزين..وبالمعزه..شرابي=ولاتشين..وقاسي الذل..مشروب
نحيا..على روس..القمم..والهضابي=ونموت ماناطا..على ايات..عذروب
ياعزوتي وان شفت .."قفت ركابي"=ماهو رضا..في حكم الاقدار مغصوب
لو كان في لجة هواكم عذابي=عهدٍ علي يامنوة الروح ماتوب
ذيب المحبه..بالحنايا..عوابي=واكتم صداه بداخل القلب..لاهوب
هذا جوابي..ان كان..تبغى جوابي=وترى الخطا.. بين المواليف..مشطوب[/poem]
.
.
.
مشعل حاشم الشمري
رد مع اقتباس
المفضلات