[align=center](أجتماعيه, وطنيه)
------
يرحْمك ربي يافهد- رحــمه عظيمه واسعه
عزالله أنك من رحلت والحزن فينا منطوي
لا ماتخّيل عندنا وش حــجم ذيك الفاجعه!
ولو مانت غالي يافهد ماكان تــوديعك قوي
------------
الاسم/ عبدالله ابن عبدالعــــزيز آل سّعود
العمر/ تاريخ ٍ مضى ولليوم حافل بالعطا
المهنه/ حاكم دولة ٍ تشــــــهد له بصدق الوعود
ويابختها من دولة ٍ فيها ابو متعب وطا
مانقول الا ياعــساك (صقر العروبه )بالوجود
ومانقول الا ياعسى - تسلم لنا ذيك الخُطا
-----------
يانجـــود لاتــبكين باكر تشوفين
اللي قتل (وجـــدان) وشلون يندان؟
قومي البـــــسي يانجــود احلى الفساتين
وقومي اهتفي يـحيى الوطن أغلى الاوطان
--------------
يابوش توّك تعـــترف بميزة الدين
وان صح ظني فاعترافك مكيده
ترا العرب يابـــوش ماهم بليدين
خل (التحالف) عنك يابن البليده
-------------
كل شي بهالـــــحياه وله نهايه
والنهايه من نصيب المعتدي
وانت ياصــدام لاهي في البدايه
معتدي وجيت بغرورك مبتدي
---------------
ماهي غريبه يوم سالت دموعك
مالوم انا قلبك ومالوم دمعتك
خل المشاعر تفضح أجمل طبوعك
لاجل الخلايق ترتوي من محبتك
--------------
من قال لك اني انا شاعر الجيل؟
ياخي انا شاعر على قد حالي
راضي بشعري و(مقتنع) فيه بالحيل
وقناعتي وعفويتي راس مالي
-------------
اذا المولى إله الكون (تعالى) يغفر الزلات
مين تكون أصلاً (انت) لأجل ماتغفر الزله!
اذا (عندي) انا غلطات ترا(عندك) بعد غلطات
(تواضع)و(ابتسم) و(اصفح) ونصيحه هالكبر خله!
--------------
اذا ودك تعرف الشاعر (الأصلي) من (التقليد)
فلاتهتم في (أسمه) وفي (أصله) وجمهوره
تأمل دوم بأبياته واترك عنّك التعقيد
وركز لي على (المعنى) عشان تكون في الصوره
-------------
ياما نصحــــتك خل عنــْك المظاهر
الى متى ياخوي ماعندك أحساس؟
(الفقــر) ماهو عيــــب يابو جواهر
العيب والله مـــدّت ايديك للناس
-----------------
يافهد تسأل عن أجــمل ذكرياتي
أجمل الذكـــــــرى هي أيام الطفوله
الطــفوله يافهـــد شمعة حياتي
بس حسافه!! مــرّت بلحظه عجوله
----------------
مجلس ٍ ماتجـــتمع فيـــه الرخوم
هو مناي ومطلبي يابو رسيل
صب لي فنــــجال واعطيك العلوم
وخل عنك الهرج والدم الثقيل
---------------
اقوى اراده يمتلــــــــكها المعاقين
لانهم (هم) يصنعون الأراده
ياما عتبرناهم ضعــوف ومساكين
ومنهم تعلمنا الصبر والجلاده
----------------
خطأ طبي ونتيجة هالخطأ نأسف على اللي صار
توك جاي تتأسف بعد ماكنت تلعب بي
انا مؤمن بحكم الله وانا صابر على الأقدار
بسامح وأتركك واروح--- وانت يحاسبك ربي!!!
-------------
-
-
-
-
-
( حزن , فراق, عتاب......الخ)
شاعر انا لاتاثقــــين بكلامي !
لاقلت اصونك يمكن اني اخونك
كم قلت لك انك وحيدة غرامي؟
وانا بغرامي عشرة يشبهونك!
--------
قاعد لحالك -- ولاقد جيت في بالك!
وش فيك ساكت علامك ماتعلمني؟
يعني عشاني احبك واعشق وصالك
تقعد تغلى علي وماتـــكلمني!
----------
أخذ الذي تبغاه بس اترك الشوف
لامن أخذت الشوف - وشلون أشوفك؟
متى على الله ترحم الحال وتروف؟
ياللي ذبحت المقتنع في وصوفك
---------
وقف على الشـــاطئ وعدد ذنوبك
بس انتبه !لا تـــــتجه صوب الامواج
اخاف تــــــــغرق وبعدها مااشوفك
وانت الوحيد اللي من النــاس احتاج
--------
[align=center]؟[/align]
والله ثم والله ماطــيق انا الكذب
وماقد كذب يابنت من قال والله
دامك سألتيني عن الموقف الصعب؟
فرقاك اصعب شي بالكون كله
----------
قلــت اسمعي ماقلتها زيف وغرور
كلمتك هذي امانه لاتعيــــــــــــديها
ماني على طــرد الملذات مجبور
و(الحاجة) اللي تهين النفس مابيها
----------
طفله وطــت باقدامها عشبة الشوك
ورغم الألم كأنـــــها ماوطتها؟
مرت بجنبي وكـــلها اسرار وشكوك
أثره تدور لـــعبة ضيعتــــــها؟؟
--------
العب على غيري ترا الوضع مكشوف
يامنتهز من قلب فرصة غيابي
وان كنت ياللعاب مانته بمكسوف!
والله - ماتفرح بلحظة عذابي
-------
[align=center]؟[/align]
توك تجيني ياأسود الوجه توك!
توك بعد هالعمر كله تجيني
خيبت ظني -خيب الله ظنك
مابيك انا حتى لو انك تبيني
-------
خلاص يكفي لامتى هاالأكاذيب
مليت من قولت عزيزٍ وغالي
سّحبت في قلبي مع الوقت تسحيب
تسحيب ماجد في الدفاع الهلالي
--------
كبــــريائك-- أصل كــل الكبرياء
وعنفوانك سيــــْد كل العنفوان
ليــش لا, وانت سيــــْد الأذكياء؟؟
يحرسك مولاك من غدر الزمان
------------
دامك تحداني-- قبلت اتحداك
لاكن ابيك تكون قد (التحدي)
ابغاك تهزمني الياحان لقياك
وابغاك تثبت انك اليوم قدي
-----------
مابيك (تثقل)--- ترا بعض الثقل مو زين
خلك على الدين وأحزانك تجاهلها
أضحك وضحــكـني معك ياأريش العين
ضحكتك عندي تساوي (الدنيا) بأكملها
-----------
أكبر ويكبر هاجس الهم فيني
ياليت عمري يرجع سنين (وأصغر)
لاقلت زان الحظ-- فجأه يشيني
ياشين حظ الآدمي لاتعثر !!
-----------
!العام كنا ننتظر فرحة العيد
واليوم ماللعيد يابنت طاري؟
مادري السبب هو بختلاف المواعيد
والا قرارك يختلف عن قراري
---------
ياصاحبي-ياصاحبي ياشين فرقا اللي تحب
ولاصار هاالشخص المحب مايحتمل طاري الوداع
مجبور لحظتها تتوه ثمٍ تصيح وتكتئب
ومجبور تذرف دمعتك لو كنت لحظتها شجاع!
----------
مابيك تجلس ثواني وتعتذر وتروح
من جد مليت من كثرة تصاريفك
تعال سير -- ترا باب (الغلا)مفتوح
ودي اشوفك وأشبع من سواليفك
--------[/align]
رد مع اقتباس
مدري منين جايه
))
المفضلات