في هذا الموضوع سآخذكم في رحلة (أتمنى أن تكون ماتعة) في أنجع الوصفات القديمة لعلاج ضيقة الصدر
وقد وجدت علاجاتهم تدور بين شبة النار وسواة القهوة ورقيت المرقاب وروحةٍ للخلا (البر) تسانه مقيم ومطراشٍ على الذلول وبعضهم يعالج الضيقة بالشعر وجرة الصوت!
ونبدا بأكثر ما تطرق له الشعار كعلاج لضيقة الصدر الا وهو شبة النار وسواة القهوة:
[poem=font="Simplified Arabic,5,white,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يقول ابن عبيكه الرمالي:
لا ضاق بالي جبت وقدة جذامير=وشبيت نار مثل نار الحرابه
ثم احترفت وجبت عوج المناقير=على سنا نار يزيد التهابه
وصبه على مثل الزبيدي مغاتير=خطر على العذرا تمنى خضابه
لاشفه الطرقي بلج بلجة الطير=يزين وجهه عقب وسم الخلا به
ان سانعت نحط كبش على مير=وان عاضبت يسد قولة هلابه
***
ويقول مشاري بن ربيعان:
لا ضاق صدري جبت نجر وحماس=ودلال بيض غالي مشتراها
قم سو فنجال على خمسة أجناس=إحذر تجي حرقة وبالك نياها
الى آخر القصيدة
***
ويقول زيد الخشيم الخالدي:
لا ضاق صدري قمت أسوي من الكيف=فنجـال بـن مـا يغبـب سريـبـه
بـكر علـى بـكر عـذي عن العيف=يطري علي ان نام خطو الزريبه
***
ويقول ابن هذال:
قم سو فنجان ترى الراس منداش=يا شوق من قرنه على المتن مرجود
في دلة مربوبة عدها الشاش=وبهارها موقوم خمسة عشر عود
لذّات بالدنيا معاميل وفراش=وصينية يدرج بها العبد مسعود
***
ويقول محمد الأحمد السديري:
فنجال يغدي ما تصور ببالي=روابع تضرب به أخماس وأسداس
***
ويقول تركي ابن حميد:
يجلي صدى قلبي ضبيح المهاريس=لا قام شراب الحشايش يعومي
ودلال فوق النار دايم مجاليس=اكرامهن حق علينا لزومي
من صنعة الصبة وخمس التحاميس=برية يعمل بها كل يومي
وبهارها هيل بليا حواسيس=وكيف يعدا للنشامى القرومي
***
ويقول الشاعر صالح بن قبلان:
أنا ليا ضاق صدري قلت شبو لي النار=سويت كيف ما يسوى مثيله
حمست بربه وناديت ببهار=ماها قراح جايبه من ثميله
***
ويقول ابن صقيه التميمي:
ليا ضاق صدري واستحسيت واوحيت=ورقٍ لعى بالصوت جريت ونـــات
وادنيت رسلانٍ ربيبة وسويت=فنجال ينسيني جميع الحساسات
حمست بنه فوق سمرٍ وشميت=ريحٍ لها من شمته خذت راحات
***
ويقول أيضاً:
ليا دك بي هاجوس شبيت ضوي=وحمست بن فوق جمرٍ غضاوي
برية ماحافها كل بوي=دلالها يبري لها نجر ماوي
***
ويقول حنيف بن سعيدان:
لا ضاق صدري يم الاصقه تخطيت =لو كان من دونه ثمانين شباب
نجرٍ يصوت كل ما اصبحت وامسيت=لكن يندبني على النار نداب
***
ويقول آخر:
لا ضاق صدري جبت نجرٍ ودله=وسويت ما يطفي لهيبٍ بجاشي
وان جا المسير عمس عندي دوى له=فنجال ما سواه خطو الخداشي
بكر على بكر ليا جيت ازله=يشبه خضاب مرودعات النقاشي
حينٍ هشيم وحين نوقد بجله=ومـر نبهرها ومر بلاشي
معبرين كل وقتٍ بحله=نصبر على ما كاد والرزق ماشي
***
ويقول الآخر:
ان ضاق بالي جبت ضبة اجرومي=ودنيت مني دلتين ومصفاه
ومحماسة تركى على النار دومي=عقب اللهب من صافي الجمر يصلاه
واحمس من اللي ماشراه الغشومي=نذ العرق باركانها كنه اياه[/poem]
==========
العلاج الثاني (البر والمطاريش)
[poem=font="Simplified Arabic,5,skyblue,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يقول شالح ابن هدلان:
إن ضاق صدري لذت فوق المصاليب = مانيب من يشمت فعايل ذراعـه
***
ويقول آخر:
ليا ضاق بالي قلت دنو ذلولي=وحطوا عليها كورها والقراميش
***
ويقول عواد ابن شامان الشمري:
ليا ضاق صدري من حلوق العصافير=البعد به كيفي وراحة ضميري
اسج رجلي مع طوال المشاوير=بعيد عن واد العوى والصفيري
مالله موازيني على نافخ الكير=يبلش ويبلش به من الناس غيري
***
ويقول الشاعر سرور الأطرش:
لا ضاق صدري رحت يمّ الخميلة=قعدت بالمرقاب لاجل الضواحي
والاه في عيني تلوح الجميلة= والى السما مع كل الآفاق صاحي
يوم اقبلت ترعى الحيا مع مسيله =بدّلت عقب الدلبحة بانبطاحي
وبالكف حسنا عوق تيس الجميلة =وقلّطت للمشقاص جمر(ن) ذحاحي
قلت انهجي لعيون موضي سبيله =حلفت انا ما ارسل عليك الذحاحي
لعيون من ينسع طويل الجديلة = ابو خديدٍ كنّه البرق لاحي
***
ويقول آخر وتسنه معاصر:
أنا ليا ضاق صدري أطوي فراشي=وأدق سلف المقفص واطوي البيدي
أجول في كل ديرة وابرد الجاشي=وانطح نسيم الهوا وأدور الصيدي
فرضاً هواها طليق وينعش إنعاشي=في تختخاً ما به إلا الطير وابعيدي
***
ويقول آخر وأشك بأمره:
لا ضاق صدري رحت للبر حطاب = وشبيت ناري في صحاري خلاها
وسط الفياض اللي بها أزهار وأعشاب = ريح الخزامى فايحٍ في مساها[/poem]
==========
العلاج الثالث (رقيت الرجم)
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يقول الشاعر عبدالهادي بن راجس السبيعي:
عديت مرقاب طويل وعملاق=رجم طويل يبرح الخد شاهوق
رجم يوسع خاطري كل ما ضاق=من عقب مشرافي بسميه مرزوق
***
ويقول ناصر المسلم:
لا ضاق صدري رقيت كميت=وهيضت من الصدر عبراتي
***
ويقول آخر:
امس الضحى عديت رجمٍ منيفي = من هاجس مايودع القلب يرتاح
***
ويقول آخر:
نطيت رجمٍ يوم ضاقت بي الطّـرق=ابي عليه اشكي بعد ضـوح برقـا[/poem]
=====
العلاج الرابع (الشعر وجرت الصوت):
[poem=font="Simplified Arabic,5,skyblue,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يقول شاعر مجهول:
لا ضاق بالي من عنا الوقت واحتـار=وتعومس الخاطر همـومٍ وتفكيـر
فريـت دولاب المثايـل والاشـعـار=يالله تدرجهـا علـى مسلـك الخيـر
مـا ينفـع المهمـوم مقعـاد بالـدار=يا كود برٍ يسهجه صبح وعصيـر
مد النظر والشوف من غيـر منظـار=بارضٍ خلا إلا من الذيب والطير
***
ويقول الغيهبان المري:
ودي اغـنـي وينهانـي عفيـشه=وش ابسوي الى من ضاق بالي
البحر ما الله كتب لي فيه عيشه=جعل رزقي فوق موميـة الحبال
فـر فلبـي فـر طيـر صـف ريشه=لا جت امه لا مكانـه منـه خالـي
قرع صدري قـرع بيبان الدريشه=يوم تقرع من يمين ومـن شمـالي
***
يقول الشاعر ابن سبيِّل:
لولاي أوسع خاطري بالتنهات=وأبصر بحالي من خلاي بخلايه
***
ويقول بندر بن سرور:
إن ضاق صدري شفي أمزح بالالحان=والا عـن الـزلات رجلـي ثقيـلـه
دنيا نبي تقزيرهـا ضحـك حجـان=وألا تـرى صيـورهـا مستقيـلـه
والرجل غاية ملحته قلب ولسان=وألا أن باقـي جثتـه حنضليله
***
ويقول الآخر:
اليا انتحى الهاجوس جريت صـــوتي=واليا انتبهت أثري بشهر ارمضاني[/poem]
هذه بعض الطرق القديمة والتي لا زالت مستخدمة لعلاج ضيقة الصدر
والموضوع مفتوح للإضافات لزيادة المتعة والفائدة
تحياتي
رد مع اقتباس
المفضلات