[mark=00FFFF][mark=00FFFF]ابجمع القيفان من طيب معناي
للشاعر اللي دوم يعرف ثمنها
يالدوسري الوقت بقبال و اقفاي
ويالحيدري والوقت زود فتنها
اسمع كلام الضيغمي و انتبه جاي
راع القوافي اللي قراحن وزنها
يالدوسري جيتك ابا اقول دعواي
حيثك مساليك النشامى فطنها
واللي رمى نفسه على الشر نواي
يخزي دروب الشر ربي لعنها
ربعي الذي عالموت تشهيه مشهاي
لطامة العيل اذا نشد عنها
من بطن شمر والضياغم تعلاي
ربعي الحجايا خاسر اللي امحتنها
والشعر ما هو للذي يكتب املاي
الشعر للي للقوافي ذهنها
اشكي همومي والشعر زود بلاوي
الضيغمي ياما دموعه دفنها
في غربتي صمتي تزايد ونجواي
ولو زاد وجدي دوم قلبي خزنها
يالدوسري في غربتي طال مشحاي
عن ديريتي اللي كل شوقي سكنها
يالدوسري قافي تبادى بشكواي
يمك على قيفان قلبي لحنها
الى الاخ حسين الدوسري مع المحبه000 قرات بالصدفه ابياتك التي تنتقد بها الحجايا و لا اعرف المناسبه0000ولكن حبيت ان ابعث لك هذه المحاولة
و اقول انت طيب وما يطلع منك الا الطيب00 و اسلم لاخيك : فيصل الحجايا الشمري[/mark][/mark]
رد مع اقتباس
مشرف مضيف الترحيب والتعارف
المشاركة الأصلية كتبت بواسطة ابو خليف
المفضلات