السلام عليكم
تجمعنا انا وخيي الوسي وقلنا ياولد حنا كل ماهذا مسيرين على هالناس وكل شوين السلام يالربع
يعني طولناه وصرنا نستحي من دخلتن عليكم لاننا حنا مثلكم عندنا معاميل ونشب ولايسير علينا الا كم واحد وكان تبون الصق والله انه صايرتن بخواطرنا شوين يعني تقل نبي نزعل لان الواحد ياسير مره وثنين ولاشاف احد يسير عليه تقل يشتك شوين وحنا ياربعكم شكيين ويه خبراتكم تقل ماهي لايقه ولاهي بسلومنا الاله.
الزبده انا وصلتن الطنيه وقمت وصفقت دلال المضيف وقلت بلاش من هالشبات كله بس اخوي الوسي وسيع بال وقال احلم يارجال كلن وظروفه وقلت انا وانا محمق حيل وش هالظروف اللي تخلي جماعتنا مايسيرون ولا يمرون علينا واحدنا لو ينمرض كان مات ولا دري به احد.
وانا هالحين جايكم لو اني عايفن المسايير ولكن قلت اعلم جماعتي باللي بخاطري بحيث مايلحقن لوم بعدين ولايقولون تكبر علينا وغز خشمه هذا
وشرايكم نقطع العلاقات الكتابيه والقراءيه والتعقيبيه وماشابهها ولا تبون تشوفون لكم صرفه.
ترونا نتحراكم
رد مع اقتباس
ابشر بسعدك
المفضلات