سؤال عن ابيات لمن هي

[مطشحر]

ملكني بالهوا عذب السجايا ولا اذكر ساعة قلبي نساها
نحيل الخصر وضاح الثنايا نظيم الدر منظوم بفاها
الله يجزاكم خير لمن الابيات هل هي للشاعر عبدالله العلي الرشيد ام لمن واذا كان له ديوان بلغوني الفزعه ياشملر

[مطشحر]

وينكم يالطنايا وين الفزعه ابي الرد سريع جزاكم الله خير

[مطشحر]

هها ياراعي الوقيد فزعتك يابو الفزعات

[شموخ]

على مااظن انها لمحمد السديري


واظنها من قصيدته المشهوره

انا من نجد يكفيني هواها ...........ويبري علتي شربي لماها

والاخوان اكيد ماراح يقصرون يفيدونك بالعلم الأكيد ..


تحياتي
شموخ

[راعي الوقيد]

هها ياراعي الوقيد فزعتك يابو الفزعات

ابشر يالغالي

وهذي شموخ ما قصرت اعطتنا طرف الخيط

واستلم يالعشير

أنا من نجد

شعر محمد السديري

[poem=font="Simplified Arabic,5,royalblue,normal,normal" bkcolor="burlywood" bkimage="" border="none,medium,gray" type=4 line=0 align=center use=ex num="0,black"]
أنا من نجد يكفيني هواها =ويبري لوعتي شربي لماها

وشوفي من نبيه ومن نوده =غزال تابع قلبي هواها

غزال ضيعت عقلي وروحي =رمت قلبي وقلبي ما رماها

لها بالروح وفوادي موده =ولا شي من أحوالي خفاها

تعرف إني لها مملوك طايع =أبيع الروح في دورة رضاها

أهيم بحبها واخفي جروحي =وقلبي ما عشق زول سواها

توقد حبها باقصى فوادي =ونار الحب يحرقني لظاها

ملكني بالهوا عذب السجايا =ولا اذكر ساعة قلبي نساها

نحيل الخصر وضاح الثنايا =نظيم الدر منظوم بفاها

فجعني بالهوا ورقا حمامه =إلى غنت يذكرني غناها

يذكرني وليف غاب عني =وعيني منه جاها ما كفاها

ورا دنياي عقبه لوعتني =من الفرقا تكدر لي صفاها[/poem]

اي خدمة طال عمرك ،،،

مع سلاااااامي والتحيــــــــة ...