هذي قصيده كتبتها ايام الثانوية..تحديداً ثالث ثانوي..
وكان وزنها على وزن قصيده الامير محمد الاحمد السديري رحمه الله. اللي قال فيها
يقول من عدا على راس عالي.....رجمٍ طويلٍ يدهله كل قرناس
(لامن سكب حمس الحطب)
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يا باغيٍ درب الهنا في الرحالي=راح الهنا في أول الوقت منداس
تبكي على ماراح بأول وتالي=(قلبٍ) فتح بابه على كل الأجناس
يومه عنيدٍ مايغره جمالي=يمشي واذا مال الهوى عنْه حرّاس
ليته عنيدُ وصاحبه مايبالي=في ظل دورات الزمن رافع الراس
والدمعة اللي ترضي رب الجلالي=ترجي بها (عزّة) وهي عزوة الساس
ماهي مثل دمعة خــبـل بالليالي=يبكي على خونة عشيقه مع الناس
وإليا رجعله مايطيق احتمالي=ينسى بها اللي طاوي الهم حبّاس
(( من خان لجلك خانك اليوم تالي ))=طبع الردى في صاحب العِرق دسّاس
إحرص على خوّة رزين الرجالي=في عِسرة ايامك على الضيم جلاّس
لامن سكب حمس الحطب بالدلالي=قرمٍ خضع له كل خيلٍ وقرناس
يزلزل حروف الشِعِر بالفعالي=يمضي نهارك بين هاجس وقرطاس
ياخوك بدّل حالة المر حالي=وارفع مقامك من على كل الادناس[/poem]
اخوكم.
ابو سطام الفايز
(بني صخر)
رد مع اقتباس
المفضلات