بسم الله الرحمن الرحيم
مساء اللي يرضيكم ...!
====+++=== الاربعاء .. الساعه : 30 : 5 العصر ===+++++====
[poem=font="Simplified Arabic,5,darkred,bold,normal" bkcolor="white" bkimage="" border="double,medium,gray" type=2 line=0 align=center use=ex num="0,black"]
بين صمتي / و انكساري / و الخضوع=بين نزف الجرح / واحسـاس المطيـع
انكسر قلبـي / و انـا دربـي قطـوع=شفت وقتي / يذبح الصمت / و يضيـع
قمت ادرّجهـا / علـى درب الرجـوع=قلت في نفسي / يجيـب الله ربيـع ..!
شينـه إليـا صـرت نـاوي للطلـوع=وانكسر فيـك الامـل / منهـن جميـع
منـت باللـي واصـل ٍ / دار الربـوع=و منت باللـي جامـع ٍ / كـل القطيـع
طاح قلبـي / محتـرق بيـن الضلـوع=جيت اشيله / بس .. مانـي مستطيـع
قمت اهزّه / و اسأله / ليه الدمـوع ..؟=ليـه دمعـك منتثـر / زي الرضـيـع
قال يا محمـد / تـرى حالـي تـروع=ليه نشريها ....! و هي دايم تبيـع ..!
كنت جـذع / و شايـل ٍ كـل الفـروع=شامخ و راسي / كمـا السـد المنيـع
والعواصف جـارت / بذيـك الجـذوع=طاحت فروعي / و انا معهـن صريـع
اختلف وضعي / و نبضي / و الطبـوع=ليه يا دنيـا / غـدا العالـم مريـع ..؟
والله انّـي يـا زمـن / واحـد قنـوع=و انت سيفك يالزمن / يطعـن سريـع
ليه تكرمنـي / و تعطينـي قـدوع ..!=و انت تطعن ..! طعنة الذووووق الرفيع
يوم جيتك / ما لفيتـك / لجـل جـوع=جيت ابختم / قصّـة الصمـت الفضيـع
جيت كلّي طيب / حامـل لـك شمـوع=و انت تترك / عـود هالشمعـه يميـع
جيت افجّر / شاعر ٍ جـا لـك فـزوع=جيت ابكسر / شوكـة الحـال الوضيـع
جيت ابنسى ضجّـة ٍ / بيـن الجمـوع=و اجلس اتأمل / فضـا الكـون البديـع
قلـت : سبحانـه خلقنـا / كـل نـوع=الله ... الجبـار / سبحـان السمـيـع
اي والله اني / مـا تحرّيـت الـدروع=ولا رجيت اعجاب / و الا اسـم ٍ لميـع
جيت في قلبي / كـلاااااام ٍ مـا يطـوع=لعنبوهـا / قـصـة ٍ عـيّـت تـذيـع
جيت خوف / و جيت حب / وجيت طوع=جيت ابي الرحمه / و انا العبد المطيـع
واختـم حروفـي / بدعـوات الركـوع=يالله المعـبـود / ترحمـنـا جمـيـع
خمس و نص / العصر / في يوم الربوع=تمّت ... بحمده / و انا صدري وسيـع [/poem]
وسلامتكم
الخامسه و النصف عصرا ً .. يوم الاربعاء .. الطريق السريع
...................... محمد بن راشد الشمري ...........................
رد مع اقتباس
المفضلات