عبد العزيز و أمسية رمضانية

**شام** · 02-10-2006 22:43

**هاني العجل** · 02-10-2006 23:44

.

أمسيه رائعه تعيدنا للتفكير بالماضي .. شكراً عبدالعزيز

شكراً لك إيمان

.

**شموخ** · 03-10-2006 00:06

وقبل مايبلع اول واحد فينا لقمته دخلت الوالدة كشفت الوضع الشباب هربو وانا جلست انتظر المصير من الوالد طلعت وكنت متأكد انه رح تبلغه وعلى هالاساس كملت اكلي الين شبعت لما طلعت ولا صار شي بنفس التوقيت طلعت للغرفة وانتظرت يحصل اي شي ولا صار شي نمت ، وصحيت على ضربة عقال معتبرة كان هذا اول رمضان اصوم منه 29 يوم لان هذا اليوم بس اللي فطرت فيه .

هههههههههههههه ياشين الفجعات فتحت الباب على النايم تفجع مو عاد ضربة العقال

ذكريات حلوه من المجتمع الحايلي ...

كل الشكر لك اختي ايمان على هالامسيه الرمضانيه بس تصدقين يوم شفت العنوان عبدالعزيز قلت أجل الرجال تحضرا وغير اسم الولد من سعود الى رامي عياش

تحياتي لك ولأبو رامي

**المطنوخ** · 03-10-2006 00:31

علامة فارقة /مميز / متواجد / مشرف إداري + أخ وصديق الجميع

إنه عبـــــــد العــــــــزيـــــــــز ( ابو رامــــي )

هههههههههههههههههههههههههههههههههههههههه ههههههههه
هههههههههههههههههههههههههههههههههههههههه هههههههههه

عبد العزيز : في رمضان بعد التراويح الين الفطور بالعادة الصبيان يعملو بالشارع

صحيح بيعملو ولك ابوراامي

طيب بأي سن بدأت الصوم ؟

عبد العزيز : يا11 او 12 ماني متأكد بالظبط .

خخخخخخخخخخخخخخخخخخخخخخ
سلم لي على 11 هههههههههههه

عبد العزيز : اساسا ماانام ابد الا بعد السحور لكن السحور نفسه مااحبه واكل منه لقمتين او ثلاث بالكثير إحياء للسنة مو اكثر

هههههههههههههههههههههه لعنبوا ابليسك اجل وشلون بالماسنجر ليا قلت ابي اروح اتسحر تاخذ لك ساعه

قال لقمتين قال هههههههههههه

الله يونستس بالعافيه يا ايمان ويالعزي

ينقـــــــــــل لفلة الحجــــــــــــــاج

**سيف الدولة** · 03-10-2006 00:54

الصراحة حوار ممتع

مع السائل والمسئول

شكرا اخت إيمان

اخي عبد العزيز إجابات في منتهى الدقه والروعة

جدا اتحفتنا بهذه ألأمسية

**بيان الشعر** · 03-10-2006 02:12

بارك الله فيك أخت إيمان على ماتقدمينه للمضايف
وشكراً لضيفنا ( عبدالعزيز )

**ريم شمر** · 03-10-2006 02:19

اجل ابو رامي

.
.
.تسلم يابو رامي على الصراحه المطلقه

وش هالفضايح الله يهديك

.
.
مشكوره ايمان ’’’

**عبدالعزيز** · 03-10-2006 03:20

ارانا لله .. لاوالله انمصخت

أما انا قايلٍ خوذي منه بعض الحتسي وظبطيه لاني هكا الايام بجدة ولانا ملقيٍ للانترنت كله بال , مرة سوري ومرة مدري وشلون انا قايل وكل الحتسي تقل محطوطٍ بكرتون ومنثورٍ بهاه نثر

واما انت ياطنيخان يجيبك الله يالهيس الاربد وان تساني استاذن منك للسحور ترن ابي الفكة منك لكن ماعليه ياعلك تضحك مع جنبك .... الا وش رايك بابورامي ماهي تقل بالثمانيات

لكن مايخالف وياعله فدوة والحمدلله انه جت بدون زود او نقص ولاتنميق والخلاصة تؤخذ مهما تعددت أوجه الطرح ..

كل الشكر للجميع وللاخت ام قويدر بالذات الله يعطيك العافية واذا لزمك مقاطع صوتية لاستظافة المطنوخ تريه عندي وانا ابوهندي

**ابو خليف** · 03-10-2006 03:51

وش انت رامي يالماخوذ

هذي شين جديد مانعرفه يااازليل الحياء

**راعي الوقيد** · 03-10-2006 06:02

اهلييييين ابو رامي

كيفك خيوووو

لكن .. وبصراحة ...

لقاء رائع واجوبة عفوية صادقة بكل المعاني

تسلم يابو سعود على نقل الصورة الحايلية عن الاجواء الرمضانية

الله حق لقيت لي وهيف ماهوش بس لازم اقوله

ولدى سؤالنا عن سهرات رمضان أجاب عبد العزيز مشكوراً ؟

عبد العزيز : في رمضان بعد التراويح الين الفطور بالعادة الصبيان يعملو بالشارع مجلس لهم و هذا تقليد لنا او بالحدائق القريبة نجلس فيها كل هالفترة و يزورونا صبيان الحواري المجاورة ونزورهم في اماكنهم للعب كورة دائما يكون اما غيره جلسة سمر الكورة طبعاً يكون لها دوري منظم بين الحواري كذا نقضي ايامنا اما قبل التراويح نتابع المسلسلات والبرامج الفكاهية

ترا ماقصدي بس على شان تدري اني قريت اللقاء بحذافيرهـ

بالله عبدالعزيز صمت هالسنة والا مثل العام

ايمان

الله يعطيتس عافية على هاللقاءات الرمضانية الرائعة مع نجوم المضايف

تحيتي وسلااااااامي ...