.
تقبلوها بكل ضجرها
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ماني مساعد ولا نايف صقر = ولا فهد عافت ولا خاويت ليل
جيت هاني مابقى عندي صبر = ليلةٍ مرة علي دمه ثقيل
كان جت للشعر في قافي فخر = اعجبك حتى وصل للمستحيل
انت في عيني بشر غير البشر = بك آمان الروح وآمال الدخيل
هاك عمري سقته لعينك مهر = عمر عمره مايبدل بك بديل
بالمحاجر صار لك معرض صور = ذي عيونك ذاك همسك ذا جديل
كل ما وجهت شعري يختصر = بك مسافاته سمع صوت الهديل
معك يحلى ليلي ويحلى السهر = كل نسمه جابتك جوه عليل
الدفاتر مابقى فيها سطر = والحبر خلص أبـ أستدني سهيل
عاشقك لامن طريتي له سكر = مر ليله عاش بك عيشة هبيل
بأغتصب لحظه ولا تعدي هدر = ما يغثك يالجزيل ألا الهزيل
إنتحر عامين من فرقى شهر = ع النصايب كاتبه لا للرحيل
مذبح العشاق في نية هجر = وإن حيا بعد الهجر عايش بويل
شفت ذاك الغيم لي مرمى حجر = ليه أناظر في بروقي واستخيل
خلني عايش معك ليلة عمر = قهوني فنجال من رمشٍ كحيل
إجلس اكتب معك شيٍ معتبر = بس خايف دمعة عيونك تسيل
اجلس اسمع كيف عايشت القهر = طال عمره يا عسى عمرك طويل
رافقاً همي وانا توي بزر = مع مراحل عمري أصبح لي خليل
عيشة الخنسا بعد موتت صخر = عيشتي إياه والله الوكيل
للفجر يسهر معي عالم ضجر = صرت أشوف الدائره كـ المستطيل
كل ما أكبر عام يكبر بي دهر = وكل ما انا قلت لك هذا قليل
أي رقم ليا ضربته في صفر = يطلع الناتج معي نفس الحصيل[/poem]
إعتذاري للذائقه
.
رد مع اقتباس
المفضلات