طاااااااااااااااااااااااط
سلالالالالالالالالالالالالالالالالالالام عليكم
بالخييييييييييييييير يالربعاااااات
بالخييييييييييير يالربع<<<وش عنده صاير الفاضي وذف ويعترف بقاعده ليديز فرست خخخخ
وش نونكم
وش اخبااااركم
انا يا ربي لك الحمد بخير وصحه سلامه
لا وبعد تروا عويناتي دايم هنا بس مسبط ما اقول شي<<<<<فاضي ما عليك شرهه
اليوم انا جايب لكم حتوته حلوه صارت لي قبل ثلاث اسابيع تقريبا
وهي صدزيه 100% يعني مابه تبهير او فبركه صحفيه خخخخخخ
والقصه كله انوااااااع المنااكح والمصااااااااااااايب الي صارت لي بيوم واحد
واتحدى اي واحد يجنه مصايب كثر مصااايبي
للمعلوميه اذا انت مستعجل لا تشوووووفك عيني هنااااااا
لان الموضووووووع طويييييييييييل وملينااااااااااااااااااان مناااااااااكح
تبون ننهج للقصه
الي يبي يرفع يده
مشالله كلهم يبون القصه
يالله مشينا
القصه بعنوان
الفاضي وتريلة البطاطس هع هع
هذا يا طويلين العمر صار عندنا موسم بطاطس
والحمد لله كان الموسم ممتاز
يا راعين الاسلاف من هالحين تروا ماعندي سلف خخخخخخ
الوكاد انه صار برنامجي اليوم كالتالي
اقوم من النوم حروه المغرب واطلع ادور لي عيشه باقرب مطعم وبعده اطلع لم مصطفى بالاسترااحه
وتكوووه هنااااك وهستره
عاد استراحتنا مشالله علينا اطلب تجد
تبي بلاي ستيشن به
تبي دش ودوري اوربي به
تبي انترنت دي اس ال سرعه 512 به
تبي دخان وشيشه به
تبي بلوت وكنكان به
تبي عود والات عزف وطرب به
تبي حلقات ذكر
تبي جهاز مكالمات او جهاز مراسلات وازحف يا وطن وسوالف اص اص اص اقطمممم ولا نفس به
تبي هندي يصلح لك اطلق كبسه بحايل به
يعني مشالله علينا ما يحتاااج كل شي به
مالكم بالطويله وهي قصيره<<<<<<<<تروكم ما دخلتوا بالزبده خخخخخ
اني اذا جت الساعه تقريبا 2 بالليل ادعس النومه بالاستراحه الى وقت الفجر
وبعده ادق سلف للمزرعه
ومعي كعادتي فطوري المعتاد وهو علك اكسترا الاخضر
اوصل للمزرعه واشيك على الشغل واسجل الحموله وارجع للبيت تقريبا الساعه 11 او 12 الظهر وادعس النومه مره ثانيه
شغله سهله صح
ومابه تعب لكن المقروووود مقروووووود
حدى الاياااام ما نمت زين نمت الساعه 12 وقمت الساعه 4 وطلعت كعادتي للاستراحه
ويوم جت حزت النومه مار مامن نوووووم
ياولد يا عدل يا بدل ابي اغفي لو ربع ساعه مار مااااش النوم مجافينن
على طاري مجافينن
=====================================================
توصيه شراء لراعين الاسهم
اشتروا بالكهرب والاتصالات والسبب
ان الكهرب ركبوا مقوي حول بيتنا والاتصالات ركبوا لي خط الدي اس ال
=====================================================
نرجع لموضوعنا
الوكاد قدر الله علي اني اروح مواصل للمزرعه لا وبعد جيعااااان ما تعشيت اكالليله
واوصل للمزرعه يمار نص الهنود ماهم به اخذهم المقااول حقهم ومادري وين رايحن بهم والي عندي حول 16 بسسس
وهم اول حول الــ30 هندي
عاد اكاليوم الشغل زايد ونحتاج عمال اكثر هذا اول المناكح
سجلوا عندكم
مواصل+جيعان+العمال ناقصين+حرررررر قصدي مووووت حرررر=الاخلاق تجاريه
اي والله وشغل مع العمال وكرف وحالتنا حاااله يمار ماش كلخته ما بي حيل<<<الي يسمعك يقول مشتغلن معهم مانت واقفن فوق روسهم خخخخخخخ
يوم شفت الوضع كذا قت ما بدهااااش خلن ازبن للجيب واسدح النومه
واركب السياره واشغل المكيف يوم جانن البراد
والله واخذ وضعيت التسفط
واحشر نفسي بالغماااااره واسفط رجليني واعكف راسي ياما خذيت وضعيه تساعد اقل شي بالنومه
لاني امووووووت ولا انام وانا جاالس هههههههههه
يوم غفيت الا وحدى الهنود يطق القزاز علي
ياليل الليل
قلت الله لا يهينك دقه كعاااابي مالي بك شغل
وهو يطس وارجع للنومه ويوم غفيت مره ثانيه ويجينن واحد ثاني يقول نبي ماء
وانا اكرشه قلت هذيك المزرعه طسسس يمه
القهر ان المزرعه الثانيه قريبه مره وحنا بوسط رشاش المزرعه الاولى يعني مشوار نص ساعه روحه ونص ساعه رجعه
وارجع للمره الثالثه احاول اانام ويوم توسطت بالنوووومه وهو يجينن العامل الفكوك مره ثالثه يقول نبي ماء مره ثانيه يمار ما بدهاااااااااااش وانواااااااع التشويت بوسط الرشاش
قسم بالله يخلونن كفته وكبه محشيه ومعهن فتوش
طبعا النومه ماهي حااااصله ابد لذلك خضعت للامر الواقع وكنسلت النومه من راسي ورحت جبت ماء لهم
طبعا الاخلاق صارت تجاريه اس ثنين
بس قسم بالله لو تشوفون شكلي اكاليوم تسان تضحكووووون يا تموتون
وواحد نيم داخل سياره وش تتوقعوون راح يكون شكله
العيون واارماااااات وحمررررر
ووالشوشه طاااايره بالهواااااء<<<<شوشته طويله
والثووووووب متسفط ياما هو قايل اااااااامين
والحااااله حااااااله
الظهر متكسر والركب لهن صوت اذا مشيت
هالحين بلشنا بالجوووووع صارت الساعه 12 وانا ما كليت شي
امممممممم وش نسوي وش نسوي قلت مالي الا اطلع لاقرب قريه غدينن ادور لي مطبخ والا بقاله احصل لي عيشه عندهم بس اانا متكسر ومابي حيل اروح هناك واحس انه بعيده مادري ليه
مع اني اكالحين يوم اتعلم السواقه احسه قريبه بالحيل خخخخخخخخخخخ
وبعد التفكير قررت ان ارفع رايه لا للجوووع نعم للرجيم
لاني يوم حسبته قلت كل ساعتين وارجع لميمتي واتغدى عنده واكبس النوووووووومه
لكن زي ما يقول المثل تجري الرياح بما لا تشتهي السفن
لان حساباتي طلعن غلط لاني خصمت 3 ساعات من الحسبه
صبرنا ويسره ربكم وجت الساعه 5 وخلصوووو العمال تحميل الثلاجه بالبطاااطس
سجلووو عندكم
مواااصل 24 ساعه +جيعاااااااان مرررررره وحده +به عرس خويي لازم احظره بس ما الظاهر
يعني الاخلالالالالالالاق ماهو تجاريه الا تجاريه وتجميع وكل شي بعد يعني لو تقول لي سلام عليكم قلت اصصصصصص ولا كلمه هههههههههه
المهم قدر الله ان التريله تحرك
وفجأأأأأأأأأأأأأأأأأأأأأه ومن غيرر ميعاااااااد ومن غيرررررررر توقع ومن غير ما نحس الا والتريله مغرزه بطرف الرشاش لان نصه طييييييييين ما نشف
تعرفوووووووون وش معنى طييييييييييين
يعني انس انه تطلع بغير الجر جبنا الحراثه وربطناااااااه بالتريله وسحبنااااااه وطلعت
المهم انا قلت لراعي التريله ادعسسسسسسسسسسس لاخر شي لا تهدي ابد لانك ان هديت كلينا هوااااااااااااااااااااااااااا
الكمخه راعي الحراثه وراعي التريله يوم قربوا من اخر الرشاش وهم يهدووووون وعلى طوووووول غرزت التريله
تخيلوا بالله الوضع معي
تريله مغرزه بوسط طين وحمولته اكثر من 25 طن
لا بعد تبون اقهركم زياده
باقي اقل من مترين وتطلع التريله من الطين ومن الرشاش كله
لا والطين بعد ناشف شوي وصاير قاسي يعني ما تقدر تبعده خصوصا بعد ما رصته التريله بالارض
لا وزود عليه انك مواااااصل وجيعااااااان يعني التفكير عندك يسااااوي صفر مكعب وهذا يؤدي الى ان نسبه الذكاء راح تكون سالب مليوووووووووووون
ماهو بس هذا
اضف عليه ان فوق راسك 16 هندي كل واحد عنده حل اغبي من حل خويه
واحد يقول خله يرجع بالتريله وراء
طبعا انا جالس على كبووووت السياره وهي شغاله
لكن وش اسوي منقهرررررررررر
جالس افكر وشلوووون نطلع التريله + وشلون ارجع للبيت + وشلون اناااام + وش الوجبه الي راح تسد جوعي
وطبعا ما فيه فكره تطراء على راس اي مخلوق الا وسويته
سحبنا التريله بحراثتين بدون فايده
سحبناااااه بشيول من النوع الكبيييييييييييييييييييييير بس عجز عنه <<<اكيد يبي يعجز عنه تريله حمولته 25 طن بطين وش يبي يطلعه
حطينا رضم وبحجر تحت الكفر بدووووون فايده
حاولنا نحفر عن الدفرنس ما قدرنا
حاولنا نفصل الثلاجه((التيدر ))عن الراس لكن بدون فايده لانه تنزل تحت بالطين والسبب الحمووووووله 25 طن ماهي لعبه
فكرنا ننزل الحموله بس ماااااااااش يبي لنا اكثر من ساعتين وحنا ننزل واذا نزلنا راح يخرب البطااطس
خصوصا اننا مشغلين الثلاجه عليه
قلنا طيب خلنا نخفف من الحموله شوي ونسحبه برضوووووه ماااااااااش
اقولكم كل الافكار سويته لكن بدون فايده
اللهم فكره وحده فكرت به بس ما قدرت انفذه لان ما حولي شي
سجلوووا عندكم
مواااااااااااصل+ جيعاااااااااان بعنف +الاخلالالالاق خرباااانه +الشوشه طايره +الجوالات مابه شحن بطاريه+الثوووب صاااار خريطه من الطين
تصدقون واحد من الشيبان وقف بجنبي معه زي موتري قالي ليه ما تسحبه يا ملى الغنيمه بجيبك تروه يطلعه
يوم طق الحوله وقااال هاااااه اخاااف يخرب الجيب
بالله كم تتوقعووووون الساعه وصلت وحنا نحاول ونعاافر بالتريله ياما طلعت
وقسم بالله اني راجع للبيت والساعه حول 1 بالليل
احسبوا حساب الطريق وحساب الوقفه عند المطعم وحساب الرجعه للبيت
بالعربي ما نمت الا الساعه 4 الفجر
للمعلوميه رجعت للبيت والتريله ما طلعت
لكن ما رجعت الا بعد ما تاكدت ان التريله راح تطلع 100% وحل غير قاااابل للنقاااااش بتاتا البته
يعني طالعه طالعه
قوووولوووووو وشلوووووووووووون
ماني قايل لكم
انتم فكرووووووووا وشلووووووون طلعت االتريله من هالتغريزه؟؟؟
يالله يا اهل الفله
اخبركم ذياااااابه قولوا وشلون تتوقعووووون اني طلعته
انا ما راح اقولكم الحل الا يوم الخميس الجااااااي
يعني معكم اسبووووووووع كاااااااااامل
يفضل ان تفكرون وانتم جيعااانين ومواااااصلين اكثر من36 ساعه زيي
خااااص لابو سلطان
بالله حط موضوعي بشريط المواضيع المميزه خخخخخخخخخخ
وااااااااسفين على الاطاااااااااااله لكن وش اسوي من مصيبه لمصيبه
للمعلوميه مره ثاانيه القصه واقعيه 100% وغير مزوره او مزود به او مبهره
تقبلووووووووووووا تحيااااااااتي
الفاضي الذكي
طاااااااااااااو
انواع التنسيم عالي المستوى بالخطوره 
ابي افهم اشياء ماقدرت 
مشرف مضيف الترحيب والتعارف
.gif)
المفضلات