حياكم الله يارجال شمر واول مشاركة لي طلب من الي يجيبون العلم
اذا ممكن احد يفيدنا عن قصايد عبد العزيز بن عيد ( العزي )
في احد شيوخ ال رشيد وله اكثر من قصيدة
حياكم الله يارجال شمر واول مشاركة لي طلب من الي يجيبون العلم
اذا ممكن احد يفيدنا عن قصايد عبد العزيز بن عيد ( العزي )
في احد شيوخ ال رشيد وله اكثر من قصيدة
التعديل الأخير تم بواسطة ونعم ; 27-08-2006 الساعة 17:25
ياهلا بك اخي ( ونعم ) والساعة المباركه اللي شرفتنا , بس بالنسبة للطلب انا اضع يدي بيدك واطلب نفس الطلب من الاخوة المهتمين ولك اجمل التحيات ومرحبا بك دائما وابدا ... !!!
مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل
الله حيوه[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ويهلا ومسهلا بانضمامك لنا
والله ياخوي ماحنا رواه لكن راح نجيب لك اللي نعرفوه
بالنسبه للعزي هو اللي يقال لوه راعي البّره على ماظن
من اشهر قصايدوه اللي بمعركة الصريف راح اذكره لك
اذا كنت تقصد غيره اعذرنا
وانشالله مشرفينا راعي الوقيد وخالد الشمري مايقصرون معك
يقول العزي
يامزنةٍ غرت ونشت من مغيبه=تبرق وترعد ساقها رب الأرباب
ترمي الصخب شرّه على من تصيبه=بأركانها تسمع كما ضرب االأطواب
طمّت وعمّت وإدلهمّت غضيبه=واستثقلت باللي للأرواح جذّاب
تبغي الحريب اللي دنا من حريبه=ابن صباح اللي تعرض للأسباب
دوّر وجمّع من تردى نصيبه=بأهل الكويت وكل من كان خشاب
ومن كل غواصٍ وسيبٍ يجيبه=واللي يحزمون السمك زام حرّاب
وبعريب دار وكل من يرتجيبه=وراع النفاق ومارق الدين ماغاب
وجموعة العجمان واللي حظيبه=مع الدويش ومن ولاه من الأجناب
والمنتفق وابن شريم ونسيبه=وسكانة النقره وسالم وغصّاب
حل المناخ اللي عليهم دعيبه=كل ديرته يحذاه جلاب الأجلاب
يبغي مناصيبٍ تحدر غصيبه=وعنده مناصيبٍ تعلت بالأرداب
واللي دعاه وساعده مايخيبه=يومه (........) وفي مامضى تاب
عنه السبايا والسرايا بغيبه=واللي يروون المراييش غياب
والله ماصدو عن الدار هيبه=مار انهم ياتايه الراي أجناب
عنده نزل حوض المنايا بطييبه=عوق الحريب اللي اذا زير ماهاب
سيّر عليهم بالجموع الصليبه=جيشه مع المسيوق يحداه الآداب
ثار الدخن والعج وإنجال خيبه=والشمس عنهم كنها تقل بحجاب
نوٍ يروّع بالخضيراء حنيبه=خص الجموع اللي عليها السماء زاب
فيه الزلازل والمنايا تجيبه=ومزن الغضب ضرن على كل منصاب
وفيها مخابيصٍ وبرقٍ مصيبه=وحتى الرعد به حس عدلات الإجهاب
ورمى بحمران النواظر حبيبه=ضياغمٍ من فوق طوعات الأرقاب
رمى لهم مثل العساكر خشيبه=بصمعٍ وثلاثٍ وللموت أسباب
إليا حلت البلوى على من بليبه=ينفك للمبلي من الله مية باب
يذكر لنا فرز الوغى شق جيبه=ونذر وحرّم عقب رميه للأسلاب
حظر الجبل ردو لهندٍ عجيبه=هندٍ مفاتيح الفرج عند الأكراب
في ساعةٍ وادع حبيبٍ حبيبه=وردو خطاة العمر مخطاه ماصاب
تخالطو من كل كفٍ ضريبه=لما غدا مابينهم تقل حنّاب
حريقةٍ مايبرد الماء لهيبه=مثل السعايف عندك الجمع لاعاب
وين القنيب اللي يميز قنيبه=برقٍ ودخانٍ وعجٍ وسكاب
شيّب بها اللي مابعد حل شيبه=وغدا بها شبّان الاولاد شيّاب
يومٍ على الباغين ماينحكيبه =عثا بهم طير السعد غوج الأطلاب
عجرٍ ثلاثٍ به والاخرى عطيبه=ماهاب والموت الحمر له تلهّاب
غريو هلا النقره مع شلة دبيبه=لومك على اللي أدبرو عنك هرّاب
جابوك شمر ياطويل الذويبه=بين السبايا وبين عذبات الأنياب
ياللي تقوده قل حقه غديبه=مع وقعة البرّه ومن كان طلاب
ومن لاعليهم حجةٍ يدّعيبه=ذا موسم اللي حاضره سد من غاب
ياذيب سفوه ناد ذيب القريبه=وإجذب من السلمان والحزل وإنصاب
وإجذب من سباعٍ بالمقاطع مغيبه=وإجذب من السوده للجوف والضاب
وباقي السباع الغايبه وين هي به=إقنب لها ياذيب في كل مرقاب
يلحق بها سبعٍ رديٍ نديبه=وشهب النسور وكل فرّاس بالناب
ولا تفرس إلا كل بيضا سنيبه=إفرس مشاكيلٍ وزلبات وركاب
مثل الهشيم اللي بفيضة شعيبه=هشيم طلحٍ كل الايام عياب
بأرض الصريف اللي وطاها وطيبه=شرق وشمال وقبلةٍ عنه معزاب
الضبعة العرجاء غدت به رطيبه=وكل السباع الضاريه كيفها طاب
ياويل عمّي جرّها من حسيبه=(....) على الرمش شقّن الإياب
شيخٍ يراعي يوم حزّة نشيبه=على جموعه من المغلين ضبضاب
من فوق جال مثل وصف الرقيبه=خيالة الشرفه ومحدٍ معه تاب
زلفاهم الدجّال نقرة نشيبه=نار المسيح وذل يلحق بمطلاب
من فوق حرذونٍ يحز الشطيبه=بفقر الوقارى رادفه عقب ماشاب
في فرصةٍ حدر الدجى مادريبه=قب السلاح وبدّل السيف مشعاب
والغوج خلي مالقى من يجيبه=عند ابن شايم مالقى الغوج ركاب
عاضوه بالحوّى فياضٍ عشيبه=مايشبع الرجال من عشب عشاب
ذكوه في ديرٍ كبير المصيبه=تسعين ليله مقعد الشيخ ماطاب
دار الفلك ياللي هبوبه مجيبه=شيخٍ يريد الحكم ماهو بنهّاب
على النقى يرد النضا مع شبيبه=لابان في قوم المعادين مضراب
كونه صباحٍ مايدوّر عقيبه=من غب كونه ينصب السوق حسّاب
إيضا الدواسر كون وإيضا عتيبه=واللي حضر منهم عن اللي مضى تاب
كون ابو متعب مع صديقك يصيبه=قوم ابن مرشد صابهم مثل ماصاب
جاب الله الديدب وهو ينثني به=عشىّ ولا بقىّ بهم كود نجاب
سرى وبّدل كل عوصا نجيبه=تجوير ربدا دوّلت عقب الأعقاب
وشبّ الفنم للي مشى يقتديبه=طوال ليله قاريٍ تقل مشهاب
وصوّت لمرزوق (........) لعيبه=وتعاقب الترديد شطرين الألعاب
عزّيلكم يهل الجفايا المريبه=من ليلةٍ يصبح به الجيش رياب
واللي تنصاه النقايض غديبه =قوم الغبيني وابن عرنان وذياب
هذاك مقطوعٍ وهذا مصيبه=متوسطٍ شرّه تواضيت الأعراب
والسبر ماعقب المغيره نبيبه=ذاقو به الفدعان من كثر مالاب
خلي نصي رماح قفرٍ رطيبه=من عقب كون سبيع للصيد ملعاب
سعدونٍ من كونٍ فنيعٍ بقيبه=يالله حصل للمنتفق عتق الأرقاب
لاتامن الدنيا ولا تلتهيبه=تقبل وتعطي عند الإقفاي عرقاب
أليا أدبرت قصت محوصٍ قطيبه=وان سانعت أدنى شريطٍ لها جاب
السيل ماينزل مجاري شعيبه=ولا ينزل الوادي إليا صار مجناب
واللي صديقٍ لأخو مريم شفيبه=بدل مقرّه عقب الإشمال إجناب
الحاكم اللي بالمناور صحيبه=ماعاد يطلع بيرقه من ورى الباب
حتى لذيذ النوم مايهتني به=بالليل زاماتٍ ورى بابه أبواب
واللي يبي شر الضياغم بلي به=واردى ركابه بالمشاري والاطلاب
زبن العطيب اللي جذابه هليبه=يوم السبايا عندنا تقل ملعاب
به من ذراها من لواهي صحيبه=وياصل حتى لو على الطاس فلهاب
على العدى سمٍ إليا من إشفي به=والسم ندرٍ ماتداويه الأطباب
وللصاحب أحلى للجسد من حليبه=وأحلى من السكر على كبد شراب
يعنى لفضله بالسنين الجديبه=يرّبع به الممحل سنينٍ بالأجداب
شيخٍ عطاياه المهار العريبه=وجيشٍ وليراتٍ إذا جوه الأجناب
شيخٍ أذا سمع الخطا مارضيبه=يحط للدايج بالأسواق نواب
والخاتمه من عقب ماقال اجيبه=وشهدو عليه اللي بالأقلام كتاب
اخزاك ياعلام ذنبي وعيبه=والعبد يذنب وانت يالرب تواب
وصلو على طه عسى يستجيبه=يشفع لنا بالحشر في يوم الحساب[/poem]
واذا كان العزي اللي تقصدوه انت غير العزي اللي اقصد اسمح لنا
[a7la1=990033]ياهلا بك اخي ( ونعم ) والساعة المباركه اللي شرفتنا
يـعطيـك الف عـآفيـه إخوي مشـعل مـآقـصرت[/a7la1]
مقاس التوقيع 500 بيكسل عرض وطول200 كحد اقصى وكذلك حجم التوقيع لا يتجاوز50ك ب نرجوا من الجميع التقيد بذلك من اجل تصفح افضل
اخي الكريم السرعوفي حياك الله ومشكور على الترحيب ولاهنت طال عمرك والشرف لي بوجودي بينكم
اخي الكريم مشعل الغفيلي انشهد انك من اللي يجيبون العلم هو ماغيره راعي البره
الحقيقه انه علم في وقته بشعره وماقصرت على النقل والمجهود والحقيقه ان له اكثر من قصيده
منها احدى قصائده في احد حكام قطر يوم مدحه بقصيده وصارت المده هزله ولاهيب جزله ويلسبه بالقصيد وعود المدح هجاء
عموما يعتبر من اعلام الشعر في وقته مع العوني ويدل على ذلك جزالة بيوته وله الكثير من القصائد في ال رشيد اذا احد يعرف منها شي لايبخل علينا بها ولاهنت يامشعل من غير قصور بزوار الموضوع وتقبل تحياتي والسلام
الجنازة الشرف لي طال عمرك والف شكر على الترحيب
الذين يشاهدون الموضوع الآن: 2 (0 من الأعضاء و 2 زائر)
المفضلات