اضعها بينكم ياأساتذتي
فأقبلوها
[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
"صدري شمالي"...اتركه..لاتقوله؟=ماعاد به ياخوك...صدرٍ شمالي
من جور وقتٍ قاسياتٍ فعوله=يمشي على الميلات..عقب اعتدالي
مركاض.."خيل العيب"..جاب البطوله=ومركاض.."خيل الطيب"..جاب التوالي
الصبر مفتاح الفرج..لو ننوله=ياكيف!! ابصبر والزمن..مايبالي
قالو: لنا..ميل الزمن..ارتكوله=وانشهد انه يافهد ارتكالي
وحده..ورى..وحده..تهّد الفحوله=والذيب مايلزي عليه الخمالي
عزي لمنهو مايلاتٍ حموله=وطاحت حموله يوم شد الرحالي
حوّل يجمّع..ماوقع من سموله=واقفو هله..واصبح..فضا الدار..خالي
هذاك حاله مثل حالي...ملوله=ان كان تبغى..يالخوي..وصف حالي
والطيب...نمشي له..ولو مامشو له=واعوي..على قربه..ولو ماعوالي
هذا هوى نفسي...وهذي ميوله=مادام باقي فوق راسي.."عقالي"
مادامني حيٍ عساني اطوله=وان مت..مادري..من البشر من بكالي
ياللي لكم..."شحذ الخلايق"..عموله=ماهي لنا.."شحذ البشر"..ياحلالي
ياعاذلين القلب...وش تعذلوله!!=قلبي على مبداه طول الليالي
عهدٍ عليه..يعزّ..خلقٍ..صفوله=وعهدٍ عليه..يذلّ..من لاصفالي
وان كان قلبي..ماثبت عند قوله=عساه برمحٍ مثل رمح الهلالي
ياصار ماعزي..بيميني...انوله="اللــه يذلــن"..كان عزي بخوالي[/poem]
اخوكم مشعل حاشم الشمري
رد مع اقتباس
المفضلات