بسم الله الرحمن الرحيم
صرخه هو سيف الامير عبدالله الرشيد
اختلفت حوله المقولات
حتى انهم وصفوه باوصاف معجزه
قالوا انه مصنوع من البرق
وقالوا انه مصنوع من الحجر وغيره
ويروى كما انسمع انه وقع على جمل ونصف الجمل نصفين
يمكن فيه امور مايصدقها العقل لكن لايختلف اثنان ان هذا السيف يتميز عن غيره من السيوف
اللي احب اطرحه هنا هو كيف حصل عليه الامير عبدالله الرشيد
هناك من قال انه كسبه بمعركه وهذا والله اعلم غير صحيح
وهناك من قال انه هبه من الدوله العثمانيه وهذا كما سمعت انه غير صحيح
قصة حصول عيدالله الرشيد على السيف راح اذكره كما سمعته ونبي الاخوان يأتون بمالديهم
لانه حصل حوله خلاف قبل يومين بيني وبين مجموعه من الاصدقاء
اللي سمعته
ان الامير عبدالله الرشيد يوم جلى من نجد الى الجزيره اثناء زعله مع ابناء عمومته العلي
ارتحل الى الجربان وكان على دور الشيخ صفوق الجربا
واول ماوصل هناك مالقى شمر ببيوتهم ويم سأل عنهم
قالوا ان شمر اللحين بمعركه مع قوم "كانوا يعبدون الشمس" وهم عجم غير عرب
فلحق بهم الامير عبدالله وشاركهم المعركه وهذي كما سمعت اول معركه للامير عبدالله الرشيد بجانب الجربان وانتصرت به شمر
بعده جلس الامير عبدالله فتره عند الجربان وحصل بهالوقت معركه بين شمر والقوات العثمانيه
وكانو شمر بقيادة الشيخ صفوق الجربا والامير عبدالله الرشيد وانتصرو شمر على الدوله العثمانيه مما دعى بالاتراك الى الاحتماء بحصون بغداد
فلحقوهم شمر الى بوابة بغداد اللي قامو الاتراك باغلاقه والتحصن به
فحاصروهم شمر مده طويله بعده قال صفوق الجربا اللي يقدر يفتح لنا هالبوابه له اللي يبي
فجاء رجل من قبايل المنتفق قال انا افتحه لكم وضرب البوابه بالسيف ياما كسر البوابه
وادخلو شمر والقبايل اللي معهم على الاتراك وقتلوهم
الامير عبدالله بن رشيد اعجب بهالسيف وتمنى الحصول عليه
يوم نوى الامير عبد الله الرجوع لنجد طلب من الامير صفوق يجيب له السيف
وكما يقال راح الشيخ صفوق والامير عبدالله وبعض من وجهاء قبايل المنتفق الى هالرجل وطلبو السيف منه اللي هو "صرخه"
وهكذا حصل عليه الامير عبدالله
اللحين نبي كل واحد يدلو بدلوه وماعونوه
المفضلات