[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياصار كل له بهالكون حاجه=لي حاجتي بقولها فوق رفراف
غلطان من شبه أسد في دجاجه=بعض الحكي اسراف اسراف اسراف
دنيا بها كثرت علينا اللجاجه=صارت خليطي أرذل القوم وشراف
وإن كانها متحديه هالزجاجه=جعله كسر والعمر مابيه ينعاف
غصب تبيني انحني للخواجه=لاوالله ماأقبل ياهلا بسيف سياف
أموت أهون من طواري مزاجه=راس مايشمخ تستحي منه اكتاف
والمعذره كان احرفي به رجاجه=أنا كذا معروف انسان شفاف
مااقبل امورٍ مايله لإعوجاجه=أقول كلمة خاطري حر مايخاف
تجي عجاجه خلها هالعجاجه=تاخذ هدومي بس ماصير خواف
الله على وقتٍ غمرنا هداجه=والله ياخذ هالزمن صار معجاف
خذا الشيوخ وباعهم في حراجه=وحط العفون بساحة العز مزهاف
خلا ردي القوم يضحك حجاجه=يحق له معه الزمن صار جداف
متشابطن قفل الردي وإنزلاجه=عادي ضيوفه طيلة اليوم وقاف
الله عليه الوقت يذري عجاجه=في وجه شايم وإبنه الشبل نواف
طق الجبين وفك عنه سياجه=ياشين خاف الله كذا يعني انصاف
ماينفع المجروح ناعم مساجه=فاضي تسولف في سواليف ميلاف
يارب ياالله طالبين انفراجه=ياحي ياقيوم رحمن رواف
ياصار هذا حكيهم مايواجه=الله يرحم راعي الطيب عساف
وإذا كذا كلٍ يطفي سراجه=ويحط راسه مايبي فراش ولحاف[/poem]
فلاح السعد
رد مع اقتباس
المفضلات