.
تقبلوها كما سرت بي
.
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
قم حط يدك بـ يدي ... نسرى معا ليل وردي ... الغيم قصدك وقصدي = يالله مشينا الغمام
ماهي صعيبه علينا ... ياالله حبيبي سرينا ... ياورد يا ياسمينا = يشجي هديل الحمام
شعري يحب النوايف ... ولغيرك القلب عايف ... لاياعذي الوصايف = فكاً هروج الملام
شف كيف شعري أغوصه ... ماني من اللي يلوصه ... ياملهمتني نصوصه = منك سرقت الكلام
ياروح هاني وشعره ... يابر طرقه وبحره .. الحين لي معك سفره = إحذر عيونك تنام
نقتل ليالي التمني ... والثار منك ومني ... ساعه علينا تحني = ونعيش جو الهيام
سفرة هوانا طويله ... الدرب فيها خميله ... مانقترب لأي ميله = لو شب نار الظلام
تبحر بدنيا الاماني ... خمسة حروفك وهاني ... ونعيش في جو ثاني = نشوه وسكرة غرام
إن قالوا إني إعتباطي ... وزادوا عليك الهياطي ... سلاً بوجه أي واطي = وتشوف فعل الحسام
مبطي يقولوا علينا ... بأيماننا كم خذينا ... شمر ليا من طنينا = نفج وجه العتام
ياليت شمر هلٍ لي ... من جاء لهم مايملي ... نجم بسماهـ إمتعلي = دخيلهم مايظام
هذي بنا سامريه ... كلً يبي الشمريه ... قيسك أنا عامريه = والعشق ماهو حرام
خلك معي ياحبيبي ... ياقسمتي يا نصيبي ... عن ناظري ماتغيبي = حتى بحلو المنام
عطني يمينك سرينا ... للغيم حنا نوينا ... من هالبشر ماعلينا = نعيش فوق الغمام
في ليلي تصير نجمه ... ما عاد أنا اشوف عتمه ... وأرسل مع الغيث كلمه = للأرض منا سلام
مادام إيدك بـ إيدي ... يجري القصيد بـ وريدي ... كثر الحكي مايفيدي = ختام ياالله ختام[/poem]
إعتذاري للذائقه
.
رد مع اقتباس
المشاركة الأصلية كتبت بواسطة هاني العجل
المفضلات