الله حيهم
يقولون باحد السنين ان بن شعلان تجمعو عندوه الروله وبعض قبايل عنزه
فاغتر بن شعلان بعددهم الكبير
وهو يرسل للشيخ برجس بن عردان من السلمان من الزميل من سنجاره من شمر
يهزبوه به ويقول تر مقيظنا بدياركم
"يهزبه" عند اهل الباديه بمعنى يتحداه
وهو يزعل برجس وهو يمشّي الزميل مغزى على الروله وعنزه
وهو ياخذ حلالهم ويجي
المهم ان الروله لحقو الزميل
يقولون واثناء رجوع الزميل ويسمعون رزيز الخيل وراهم يوم التفتو
اليمار الخيل تكب عليهم من كل جهه
وشاعرنا يصف هالمشهد يوم يقول "والخيل تحمس علينا حمس"
كان عددهم كبير كل تلعه تنزل معه سرية خيل
الزميل يوم شافو هالوضع هم يتناخون بيناتهم يقولون وهو يطبق برجس بن عردان وابن هادي
ابن هادي حسب ماسمعت انوه من فرسان الضو من الزميل كذلك
المهم ان طبقو ورا الخيل وياقفون لعنزه ورمي بينهم ويترامون وذبح طول اكا اليوم
وهي تنتصر شمر
وياخذون حلال عنزوه ويجون
اشتهرت على خلفية هالمعركه هجينيه لازالت متناقله بين ابناء شمر
جميله لكنه ماهي طويله وشاعره حسب ماسمعت انوه من الثنيان من الزميل
يقول:
[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يالبيض يامخضبات الخمس=شومٍ لبرجس.. وابن هادي
كون جرا للنظا قبل امس=بسهيلة العرق من غادي
الخيل تحمس علينا حمس=والجيش للرمي ينقادي[/poem]
واللي عندوه اضافات لاشك نبيه
اعذورنا على القصور
رد مع اقتباس
))
خاصه عندما غلط على الشيخ الفارس مسلط التمياط اخو شاهه
>>>> حنا وش بلانا عليه 
المفضلات