أعط الخبز خبازه:)

[الاصمعي]

السلام عليكم

يالربع ولا يهونن الربعات موعود بلي توقيع وطلب مني أبيات وأنا قلت البيت الأول وهي تسكر أبواب ومنافذ الشعر بوجهي

عصرت مخي يمار ماش ولا يطلعلي الا كم بيت ما خشن مزاجي قلت وش لك بدوخة الراس وعندك فطاحل هالشعراء الي ما يصعب عليه قاف!

فهذا أنا نصيتكم يا أهل الكار وهذا مكاني بمضيف الأشعار لين ألاقي مطلبي

عاد همتكم وخل نشوف ابداعاتكم وقدرتكم على ترويض القوافي !


البيت اليتيم: ((إمن البشر لو غاب ما يستعاضي**ومنهم حضوره مثل غيبته أو نقص))


المطلوب اكمالها ببيتين الى أربعة أبيات فقط

تحياتي

[شام]

عسى أن تكتمل الابيات

بهمة شعراء مضايفنا المميزين

و بالتوفيق سلفاً

... ويعطيك العافية اخي الاصمعي ..

[احـمد الـطـرقي]

هلا بـ اخينا الكبير الاصمعي


تفبل مشاركه اخوك المتواضعه


[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

ما بار حملي لو يطول اعتراضي =لو بالرحى مليون لـ ارصّهم رص

مثلي مثل عين القوي لـ اللواضي =شمر هلي عند اللقى خصهم خص

لـ سمحين الاريا مايزيد امتعاضي =وزول الردي يالاح لي .. يندفن بـ أص

بعض الرجال مدلهين لــ بياضي = وكم بعضهم عايش حياته وهو نص[/poem]




لك مودتي لفتح المجال

[سعد الحامد]

اكمالاً لإبيات اخونا الفاضل أحمد الطرقي

[poem=font="Simplified Arabic,6,burlywood,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
إمن البشر لو غاب ما يستعاضي=ومنهم حضوره مثل غيبته أو نقص
وبعض العرب تشريه والقلب راضي = وبعض العرب ودك تبيعه ولو نص
وبعض العرب برقه مع الناس ناضي = ومنهم من اللي دون بيته يجصص
وناس(ن) تلاقيهم طوال(ن) اعراضي = شاربه من زود الرخامه منمص[/poem]

[سيف الدولة]

[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
جيتك ونا عجلن بليّا رياضي =أكمّل المطلوب وأكمّل النّص

يا ألأصمعي من ناس دايم حظاظي=كلّن عليك إيلد ألأنظار ويبص

بعض العرب يفيض مثل الفياضي=يعطيكم المأجود والكل يرخص

وبعض العرب طامن وفيه إنخفاضي=ما تأمنه في كل ألأشياء كما اللص[/poem]

[الاصمعي]

ما شاء الله تبارك الله

سرعة تفاعل ينبئ عن قدرة من حضر ويغرينا بترقب المزيد من الدرر

الى أن أعود للردود لك أجمل تحية وتقدير

[عبدالله الجعيثن]

[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
إمن البشر لو غاب ما يستعاضي=ومنهم حضوره مثل غيبته أو نقص

ومنهم كما نور على الكون ياضي=يبين بالشدات علمه ويبخص

كريم يملا من عطاه الحياضي=شجاع لا شان اللغى باعها برخص

وبعض البشر بالزول كنّه رياضي=لاصوّتت بقعا يسكّه تقل لص

ثور بجسمه والعلابي عراضي=القلب من فلّيين والعقل به نقص[/poem]

[سيف الدولة]

مجرّد رأي

الموضوع حماسي والمنتدى عالمي والشعراء فطاحل ومحسوبين

من رأيي عدم تكرار الكلمات للقافية!!!!

[شموخ]

وعليكم السلام

الله أثاري هنا منافسه لي فتره أشوف الموضوع بالشريط ماحسبته هنا حسبته عند ابن جشعم قلت هم اقرب للعجن والخبز والرق بعد ،، اكيد واحد عنده مشكله بجهازه


المشكله يابو خالد احيان البيت اليتيم لو اكتمل يفقد حلاته وتكون حلاته بانفراده ...

يسلمون الشعراء ماقصروا بالإبداع

ولي عودة باذن الله لو روق المزاج وطلع معي شي


تحياتي
شموخ

[الاصمعي]

حياك الله أخت ايمان

وحضورك وتشجيعك محل تقدير فلك جزيل الشكر

تحياتي