أسعد الله أوقاتكم بالمسرات ,,,,,,, فترة طويلة جداً لم أتشرف بمصافحتكم في هذا المنتدى العذب
أخواني وأخواتي ,,,,,,,,, إعذروني على التقصير .
[poem=font="Simplified Arabic,6,black,bold,normal" bkcolor="transparent" bkimage="backgrounds/7.gif" border="none,medium,gray" type=4 line=0 align=center use=ex num="0,black"]
صدفةٍ وجمعت بالخير بيني وبينك=عبر سير القدر ماله حسبنا حساب
يوم حطّيت كفي بين أصابع يدينك=ذقت طعم السعاده بعد طول الغياب
قلت ليش الجفا في ماضي الوقت وينك=ليش تترك محبك في لظى الإغتراب
قال يامن فزعت وجيت تشكي حنينك=إنت يمكن مشبّه لاتثير العتاب
قلت هو فيه أحد بالكون يشبه لزينك=إنت شمسٍ بنوره كل نجمٍ يغاب
قال طيّب من إنت الله بحِملك يعينك=قلت أنا ظاميٍ غرّه لحوق السراب
إيه أنا اللّي قضى عمري وقيدي سجينك=ضايعٍ في بحر حبك فقدت الصواب
قال أبسألك لكن ترْ كلامك يدِينك=من أنا بإعتقادك هات أشوف الجواب؟
قلت أنا عارفك مبطي من أول سنينك=إنت اللَي من يشوفك راح عمره ذهاب
وإنت ياللّي سهوم الموت في هدب عينك=كِن رمشك على قلب المولّع حراب
وإنت ياللّي شعاع الصبح ضاع بجبينك=وإنكسر خاطره من نور وجهك وذاب
قال يكفي وش اللّي تطلبه فيه أعينك=دام هذا شعورك مطلبك لك مجاب
قلت أبي بالمحبه عهد بيني وبينك=حب صادق وفِي,, مابه بقايا إرتياب
لو طلبت المحال أبشر يصير بيمينك=إتّــق الله فيـــني لاتــــزيد العذاب[/poem]
رد مع اقتباس
المفضلات