ههههه حلوة ذكريات أول سنة بالدراسة.. أنا كنت طفلة hyperactive شوية!! يوم ودوني أمي وأبوي الروضة قالوا للمس أهم شي مااكل حلاو!! لأنها بتزيد طاقتي (طبعا هذي فهمتها يوم كبرت) و بجنن أمي في البيت!! و مايعطوني كولا ولا كريسبس لأن فيهم الوان و مواد حافظة بتأثر على تفكيري!! (بعد هذي عرفتها يوم كبرت)حتى المس قالت لها لا إحنا مانعطيهم حلاو.. بس وجباتهم اللي انتو تعطونهم اياهم والمفروض ميكون فيها أي شي يضر بصحتهم!! يعني بنبقى على السندويش و الفواكه!! عيشة ملل!! المهم إن كان في ولد و بنت هم المهربين مال الروضة.. يجيبون حلاو مصاص و كرسبس و كولا و علوج.. كنا نحس إنهم احسن يهال بالروضة بس كانو يعطونا ساعات.. المهم إن كان عندنا استاذ شعره طويل!! هذاك اليوم صاد البنت تعطيني كولا طبعا أخذها من عندي ومنعها تطلع تلعب ويانا.. طبعا أنا للحين حاقده عليه ومع إني مااذكر شكله بالضبط بس كلما اشوف حد بالشارع نفس هيئته و شعره طويل مثله ودي اروح اقول له إني أحقد عليه!!! طبعالأن أول مااكل هالاشياء لآن امي و ابوي ميرضون!! ألحين مااكلهم لسببين الأول إني تعودت مااكلهم و الثاني لأنهم فعلا ضارين و يسمنون!!
هذي اللي اذكره من الروضة!! بس في المدرسة كنت طفلة حبوبة من أول يوم!! بس أخوي اللي فضحنا أول يوم في المدرسة!! خلا أمي و أبوي يقعدون وياه تقريبا ساعة و يوم راحو قعد يصيح يقول لهم ودوني صف أختي اليهال الشياطين بيطقوني!!!!!!!!! مسكين مدري من مسمم أفكاره!! (موب أنا وربي) شكرا الشبث على الموضوع الحلو!!